طلب مساعده فى مشكلة التيل و الطنابير الامامى لنيو صنى

[hatahet]

انا معايا نيسان سوبر صالون الشكل الجديد و عملت صياة ال5000 و كنت اشتكيت من صوت الصفاره من التيل الامامى و كشفو على العربيه و قالولى التيل و الطنابير هتتغير فى الضمان
بس المشكلة ان انا بقالى 20 يوم ولا حد اتصل و لا اى حاجة و مهندس الصيانه اللى كان استلم العربيه منى فى الصيانه مبيرودش على الموبيل
وبصراحة اداء الفرامل بقى ضعيف و مش زى الاول و مش متطمن للعربيه كدا فحرام عربيه لسه زيرو تبقى مركونه على 5000 كم
فرجاء حد يساعدنى فى الموضوع دا لو حد يعرف اعمل شكوى ازاى فى نيسان الام او يوصلنى بأى كونتكت فى مصنع نيسان او حتى شكوى فى حماية المستهلك
و شكرا مقدما للجميع

[mem]

حضرتك بتعمل صيانه عند انهى مركز كلم خدمه العملاء بتاعتها مش تتصل بالمهندس

[مهندس محمد]

متابع باهتمام

[hatahet]

انا بعمل الصيانه فى اتو ايجبت ابو رواش و كلمت المركز على الرقم بتاعهم 16666و كلمت الصيانه هو اللى حولنى للمهندس اللى عملت معاه الصيانه و قالى انهم هيغيروهم فى الضمان حسيت انى عمال اتبعت من واحد للتانى من غير فايده
انا امبارح اتصلت بمركز صيانه تانى و هو ناشيونال يونيون اللى موجود فى الدراسه و قالى ان التيل بس هو اللى موجود اما الطنابير هستنى لسه لما تيجى و لما سألت مش كدا الطنالير هتبوظ سطح التيل اللى المفروض يفضل مسطح عشان ميصفرش قالولى ممكن نسنفر الطنابير و الكلمه دى حسيستنى بالعك و الأى كلام فقفلت مهاهم من غير محجز بس رجعت فكرت تانة النهارده اروح اعير التيل هناك و امشى بيه لحد م اتو ايجبت ربنا يكرمهم و يجيبو التيل و الطنابير
بس مش عارف اخرت المشكله د ى ايه لدرجه انى غكرت اغيرهم انا بنوعيه اخرى من بره التوكيل بس حرام بعنى دى هربيه زيرو المفروض

[saidamer]

السلام عليكم أنا حصلت معايا نفس المشكلة وانتظرت أكتر من شهر وتم تغييرالطنابير الامامية والتيل فى اتو ايجيبت بعد شكوتى لحماية المستهلك والتغيير كان وقتها العداد 6515 كيلو وهو دلوقتى 8000 كيلو يعنى تقريبا 1485 كيلو صوت الصفارة مش موجود زى الاول وانا سألت المهندس فى التوكيل على الخامة بتاع الطنابير هل هى نفس القديمة قال ان شركة نيسان غيرت المصنع للطنابير والطلبية الجديدة من خامه تانية ومش هاتلاقى فيها مشاكل ودا فى العربيات اللى غيرت الطنابير من شهر او شهرين لكن اللى قبل كدا غيروا بنفس النوع وعلى فكرة الطنابير مش موجودة فى التوكيل خالص لكن انا عشان اشتكيت كانت موجودة بإسمى فى التوكيل واللى عاوز يشتكى فى حماية المستهلك اتصل على الخط الساخن 19588 وبلغ عن شكوتك وهايعطوك رقم للشكوى ويطلبوا منك تبعت اوراق بالفاكس زى الرخصة وصورة الضمان وتكتب عليهم رقم الشكوى والفكس بتاعهم رقم 33030170

[hatahet]

السلام عليكم أنا حصلت معايا نفس المشكلة وانتظرت أكتر من شهر وتم تغييرالطنابير الامامية والتيل فى اتو ايجيبت بعد شكوتى لحماية المستهلك والتغيير كان وقتها العداد 6515 كيلو وهو دلوقتى 8000 كيلو يعنى تقريبا 1485 كيلو صوت الصفارة مش موجود زى الاول وانا سألت المهندس فى التوكيل على الخامة بتاع الطنابير هل هى نفس القديمة قال ان شركة نيسان غيرت المصنع للطنابير والطلبية الجديدة من خامه تانية ومش هاتلاقى فيها مشاكل ودا فى العربيات اللى غيرت الطنابير من شهر او شهرين لكن اللى قبل كدا غيروا بنفس النوع وعلى فكرة الطنابير مش موجودة فى التوكيل خالص لكن انا عشان اشتكيت كانت موجودة بإسمى فى التوكيل واللى عاوز يشتكى فى حماية المستهلك اتصل على الخط الساخن 19588 وبلغ عن شكوتك وهايعطوك رقم للشكوى ويطلبوا منك تبعت اوراق بالفاكس زى الرخصة وصورة الضمان وتكتب عليهم رقم الشكوى والفكس بتاعهم رقم 33030170

الف شكر يا فندم و انا هحاول معاهم فى اتوايجبت و لو مكنش فى فايده ان الموضوع يتسرع هعمل الشكوى و هروح بالشكوى لحد المصنع و اعملهم فرح لحد ماخد حقى ان شاء الله علشان عند المصنع بيخافوا من التيم اليابانى الموجودين فى المصنع بس يا رب ما اوصل انى اعمل كدا