سؤال ع السريع .. مياه التبريد

[مهندس محمد]

اول ما اشتريت العربية كنت بعد مشوار طويل افتح الكبوت وابص على قربة مياه التبريد الاقيها ع الماكس (ألمقاس المظبوط) متظبطة نفس المقاس اللى بشوفه قبل ما ادور واطلع بالعربية
بعد صيانة الالف كيلو من حوالى اسبوع كده
جيت بعد مشوار مش كبير افتح الكبوت لقيت المياه فى القربة معدية الماكس بحوالى تلاتة سنتيمتر
هل ده طبيعى ان المية تزيد فى القربة بعد مشوار مش طويل ؟؟
ولا يمكن فى صيانة الالف هما زودوا المية عن الماكس وعشان كده بتظه اعلى من مستواها ..؟؟
يبقى شىء واحد ..للتوضيح النهارده الصبح قبل ما ادور قلت ابص ع المية لقيت مستواها عالى برده فى القربة بحوالى اتنين سنتيمتر..
ارجو الافادة من فضلكم

[Ahmed Amin]

في الغالب هما زودوها,, ودا غلط المفروض المية متعديش ال max
وكمان المفروض متكشفش علي المية بعد ما ترجع من مشوار لانها طبيعي هتكون سخنة وبتغلي فهتديك قراية مش مظبوطة لأن الدورة بتكون مضغوطة,,
وطبعاً أوعي تفتح القربة وهيا العربية سخنة أو وانت راجع من مشوار عشان المية كلها هتفور منها وممكن تسبب لك حروق,

أبقي أكشف عليها بكرة الصبح وهيا باردة, لو كانت تحت ال Max او عليه يبقي هيا كانت زايدة من الضغط بس,
لو كانت فوق ال Max وهيا باردة أفتح القربة وأسحب منها شوية بسرنجة حقنة أو أي حاجة تقدر تسحب بيها الزيادة.

[مهندس محمد]

في الغالب هما زودوها,, ودا غلط المفروض المية متعديش ال max
وكمان المفروض متكشفش علي المية بعد ما ترجع من مشوار لانها طبيعي هتكون سخنة وبتغلي فهتديك قراية مش مظبوطة لأن الدورة بتكون مضغوطة,,
وطبعاً أوعي تفتح القربة وهيا العربية سخنة أو وانت راجع من مشوار عشان المية كلها هتفور منها وممكن تسبب لك حروق,

أبقي أكشف عليها بكرة الصبح وهيا باردة, لو كانت تحت ال max او عليه يبقي هيا كانت زايدة من الضغط بس,
لو كانت فوق ال max وهيا باردة أفتح القربة وأسحب منها شوية بسرنجة حقنة أو أي حاجة تقدر تسحب بيها الزيادة.

شكرا اخى الفاضل على الاجابة والتحذير بالتاكيد انا ببص فقط على مقاس المية بعد المشوار مش بفتح غطا الريداتير ولا القربة مع ان القربة مش بتبقى سخنة زى الريداتير لانها بتاخد الفابظ (الزيادة بس) لكن برده الحرص واجب
تحياتى لحضرتك

[Ahmed Amin]

الشكر لله يا بشمهندس,,
وأبقي عرفنا عملت أيه والمية هتبقي مظبوطة الصبح وهيا باردة ولا هيطلع فيها زيادة.

[EMO_ELNEMS]

عندك حق بالتأكيد هما زاودوها في التوكيل ساعة الصيانة وعموما من غير ماتسحب منها حاجة لو الأمور ماشية طبيعي ومفيش مشاكل سيبها ومتسحبهاش

[Ahmed Amin]

المقاس اللي في القربة متحدد Min و Max من الشركة الأم لسبب,, مش مجرد علامات يعني,
مش كويس المية تفضل دايماً فوق ال Max عشان الضغط يبقي مظبوط,,

[hossamalsadik]

المقاس اللي في القربة متحدد Min و Max من الشركة الأم لسبب,, مش مجرد علامات يعني,
مش كويس المية تفضل دايماً فوق ال Max عشان الضغط يبقي مظبوط,,

الى اعرفه ان المايه تكون بين Min و Max فى المنتصف وجميع سوائل العربيه من الزيوت كمان

[مهندس محمد]

اشكر جميع الاخوة اللى شاركوا فى الموضوع
شكرا على الاهتمام
هو فى الحقيقة انا كشفت ع المية الصبح قبل ما امشى بالعربية ووجدتها فعلا اعلى مما كنت بشوفه قبل ما اروح الصيانة
فبالتأكيد هما زودوها شوية عما كانت عليه
وطبعا بعد اى مشوار المياه بتزيد شوية نتيجة للتسخين لكن بترجع تانى للمقاس الجديد لما العربية تبرد