انا ملاحظ حاجة ! انتوا لاحظتوها ؟؟؟

[elshreef_hemo]

انا ملاحظ ان كل الاعضاء فى نايل موتورز لما قالوا رايهم فى عربياتهم او فى اى عربية( صنى - اوبترا - افيو - الانترا - لانسر - سوزوكى - جين 2 ) كلهم اجمععوا على عيب وهوة ان العفشة ناشفة !!!
طب انا نفسى اعرف لما الواحد فيهم بيقول ان العفشة ناشفة ومرهقة بيقول الكلام ده على اساس ايه ؟؟؟
على اساس انه ارتاح فى عربية تانية ؟ طب ازاى وكل العربيات عفشتها ناشفة زى ما بيقولوا ؟؟
انا كان معايا بيجو 505 ولما كنت بركبها مكنتش بحس بالمطبات وكانت عربية مريحة جدا يعنى مثلا لو مشيت فى شارع فيه زلط بحس انى ماشى عالاسفلت عادى رغم كدة كانت ثابتة عالسرعات العالية !
يا ترى ايه اكتر عربية جديدة ممكن تحقق المعادلة دى؟؟؟

[dedodode]

النيسان صنى وعن تجربه

[loai-omar]

اللانسر عفشتها جميله
الصني عن تجربة ناشفه بس مش هوا اليلي يبقا عايبها لا

بس لو تسألني من احن في المطبات اختار اللانسر

[sab3aawy]

العربيات اللى انا ركبتها وكانت عفشتها ناعمة ، باستثناء التويوتا (ياريس وكورولا)كلها اوروبى او امريكى، يعنى بنتكلم مثلا عن فيات قديم (132، ريجاتا....الخ) ، شاهين، بيجو 504 و 505، شيفروليه بلازار وفرونتيرا ، مرسيدس E بجميع موديلاتها ، الخ

لكن كل الكورى واليابانى اللى انا جربته فيما عدا التويوتا عفشته ناشفة الى حد ما وتختلف من عربية لعربية، بس ده فى الغالب بيكون لصالح الثبات على الأرض

[dr_3eshoo]

خشونه العفشه دي حاجه ترجعلك في الاول و في الاخر

[NaderNabil]

من كام يوم كان ليا شرف تجربة بيجو 504 لمشوار كامل...حوالي 80 كيلو رايح جاي...

أكتر حاجة شدتني و خلتني مستغرب هي النعومة الشديدة اللي كانت فيها!!!!!احساس المطبات اللي بنحسه في عربيتنا العادية مش موجود بتاتا....قاعد في الكرسي بتاعي مش بتنطت ولا بتهز و حتي مش بسمع صوت المطب أو النقرة و تعدي عليها كأنك ماشي علي أسفلت عادي جدا!!!....كل ده و العربية عمرها حوالي 30 سنة!!!!
الكورولا و الانسر فعلا ولا حاجة جمبها....

[elshreef_hemo]

كلامك صح انا كمان ركبت فى مرة مع ابن خالى عربيته البيجو 504 وحسيت فعلا بنعومة غريبة مش بحسها فى العربيات الجديدة ! زى ال505 بالظبط بس ال 505 بتتميز عن ال504 بالثبات على السرعات العالية يعنى مثلا لحد 140 بتبقى تمام
يا ترى هل فى تعديل ممكن الواحد يعمله على عربية جديدة (زى الصنى مثلا ) يخليها تبقى انعم شوية ؟؟؟

[Abdo_Eldesokey]

النشوفية دي عشان الثبات ...

أنا ركبت مع واحد صاحبي VW Golf موديل السنة دي .... ناشفة بغباء

فواضح إن الموضوع اتجاه للشركات لتحسين ثبات العربية

ما عدا طبعا ً الكورولا عفشتها ملبن ، لكن متسألش عن الثبات بعد 120

[MoDyBeNz2008]

العربيات القديمة اغلبها ناعمة
بيجو 504-405
مازدا 323 القديمة
تويوتا كرولا لحد دلوقتي ناعمة

دلوقتي بيهتموا بالثبات على حساب الراحة

[Mohamed_Ibiza]

ياجماعة فعلا موضوع الثبات وموضوع العفشة متناقدين ودايما اذا كانت العفشة ناعمة فده بيكون على حساب الثبات

انا معايا ابيزا 94 طبعا يا جماعة العربية دي غنيه عن التعريف بالنسبة لموضوع الثبات اما بالنسبة للعفشة فعن تجربة ان عفشتها من انشف ما تكون

وانا مستني اراء الخبراء

[elshreef_hemo]

بس يا جماعة احنا تلات تربع شوارع بلدنا مكسرة والربع الباقى مطبات صناعية يبقى ازاى منهتمش ان العفشة تكون ناعمة؟؟؟ دى المفروض تكون من الاولويات لما نيجى نشترى عربية !
فى اوروبا والخليج الشوارع واسعة وممهدة والطرق كلها سريعة وده اللى بيخليهم يهتموا جدا بالثبات وفى نفس الوقت مش هيحسوا باى ارهاق من العفشة
اما اللى بيقولوا الثبات الثبات على السرعات العالية ، احنا اساسا فى مصر مش محتاجين السرعات العالية دى فى حاجة ، ده فى الصحراوى لو زدت عن 120 تتسحب رخصك !!

[sab3aawy]

بس يا جماعة احنا تلات تربع شوارع بلدنا مكسرة والربع الباقى مطبات صناعية يبقى ازاى منهتمش ان العفشة تكون ناعمة؟؟؟ دى المفروض تكون من الاولويات لما نيجى نشترى عربية !
فى اوروبا والخليج الشوارع واسعة وممهدة والطرق كلها سريعة وده اللى بيخليهم يهتموا جدا بالثبات وفى نفس الوقت مش هيحسوا باى ارهاق من العفشة
اما اللى بيقولوا الثبات الثبات على السرعات العالية ، احنا اساسا فى مصر مش محتاجين السرعات العالية دى فى حاجة ، ده فى الصحراوى لو زدت عن 120 تتسحب رخصك !!

العفشة الناشفة مش معتاها انها بتتكسر فى المطبات ، لكن معناها ان العربية بتطلع وتنزل بشكل اشد فى المطبات، دون ان يكون لهذا علاقة بعمر العفشة (والفيات القديم ابو عفشة طرية يشهد بنفسه هو بيحتاج تغيير عفشة كل قد ايه)

لكن لو حضرتك ساكن فى احد اطراف القاهرة وبتستعمل الدائرى والمحور وطريق السويس وطريق N-A يوميا وبتعانى من السيرك اللى احنا عايشين فيه فى مصر هكتشف ان الثبات على السرعة العالية مطلب حيوى لفئة كبيرة جدا من ملاك السيارات فى مصر، انا شخصيا واحد منهم

[elshreef_hemo]

لالالا يا استاذ سبعاوى انا ساكن فى الصعيد بس بسافر اسكندرية والقاهرة كتير وبمشى زراعى مش صحراوى علشان كدة مش بهتم اوى بالسرعة والثبات
انتا قولت قبل كدة ان فى نوع مساعدين بيركبوا للصنى بيخليها انعم شوية ! هما اسمهم ايه وتمنهم كام؟؟؟

[mahamedaraby]

التيدا عفشتها ناااااااااااااااااااااااااااااعمه جدا

بجد شغل التكيف ومش هتحس باى حاجه بجد عزلها وعفشتها فوق الممتاز وجرب وانت هتعرف قصدى ايه

[man_alex1984]

انا كان معايا 505 قبل النيسان وحقيقي مفيش بينها وبين العربيات الجديده مقارنه من ناحيه ثباتها وكمان نعومتها .