حجزت نيسان صني 2014 الشكل الجديد

[احمد كاكتوس]

الحمد لله حجزت نيسان صني الشكل الجديد وتوكلت علي الله
عايز اعرف العربية لسه فيها مشاكل اللي في الدفعات القديمه
ولا اتعالجت وعايز اعرف نصائح الأستلام
وهل في حد ندمان بس يكون ندمان اوي

[Batman372]

مبروك مقدما ...
توكل على الله ،... العربيه فعلا جميله و اعتماديه الى اقصى الحدود ... و من افضل الختيارات فى فئه الاسعار ...
و كل الى ظهر حاجات تافها جدا و اتحلت و كل الى اشترى حتلاقيه مبسوط جدا من الاداء و خدمه التوكيل الممتازه ...
تحياتى ...

[mem]

اولا الف الف مبروك وربنا يبارك لك فيها ويحفظهالك ان شاء الله
ويعطيك خيرها ويكفيك شرها
وبالنسبه للمشاكل قاموا بمعالجه معظم المشاكل فى الدفعات الجديده
وحضرتك المشاكل مش بتظهر فى كل العربيات عربيات وعربيات
والصراحه التوكيل ناس محترمه وده اللى يطمنك ان لو فيه اى حاجه مش هيتاخروا
وبالنسبه للاستلام الافضل انه يكون فى النهار على شان تقدر تشوف العربيه كويس
وتبص بصه كامله على الصاج وتاخد بالك لو فى تجريح ولا حاجه
وتبص عليها من جوه والفرش والزجاج تجربه كله
وتراجع على الانوار والانتظار
وتجرب الكاسيت
وتشغل التكييف تجربه ايه الاخبار بيجيب هوا ساقع كويس
وتبص على الاستبن وشنطه العده والكوريك
وتبص على عداد الكيلوعامله كام كيلو
المفروض انها تكون غير متجاوزه ال50 بحد اقصى المفروض تبقى فى حدود 18 الى 25
وتبص على الزيت والمياه
والافضل لو عليها اللصق الابيض تشيله وتبص على البويه تحته هل اللون مظبوط ولا خالف
وتشوف الكتالوج والضمان بتاع البطاريه موجودين فى التابلوه
ده بالنسبه الحاجات اللى تاخد بالك منها
اما بالنسبه الى اول 1000 كيلو
يجب اولا انك فى المشى لا تحرق على الغيارات يعنى عند rpm اتنين ونص ثلاثه على الاكثر تكون ناقل الغيار
والسرعه باى حال من الاحوال لا تتجاوز ال 100
التكييف يفضل انه لا تشغله الا بعد ال 500 كيلو
لا تقوم بالفرمله المفاجاءه قدر المستطاع
لا تدخل فى طرق وعره ومكسره قدر المستطاع
لا تقوم بتحميل السياره حموله زائده او تقوم بجر عربيه اخرى اطلاقا
واول ما تستلم العربيه روح لحد بتاع كاوتش خليه يحط لك نيتروجين ويظبط العجل 32 امامى 30 خلفى
وحتى لو مش عايز نيتروجين بردك اظبط هوا كده لكن لازم اول ما تطلع من المعرض او تانى يوم تعمل الكلام ده
لان حضرتك هتستلم العربيه وهتلاقى مقاس الكاوتش مش مظبوط هتلاقى فيه هواء زياده
وبعد الالف اعمل كل اللى انت عايزه بقى
وتحت امرك فى اى سؤال
وربنا يحفظهالك

[frag]

مبروك مقدما وربنا يعطيك خيرها ويكفيك شرها انا استلمتها من 3 أيام ومدة حجزها كان حوالى 12 يوم وممكن أقل لو موجود اللون هى منتشرة وطالما منتشرة يبقى خير ان شاء الله

[el yabany]

الف مبرووووووووووووووك وربنا يديك خيرها

[J A G U A R]

موفق فى الاختيار ان شاء الله

[احمد كاكتوس]

متشكر جدا علي الردوود من جميع الأعضاء
وعلي اهتمامكو و محتاج دعواتكو ان ربنا يديني خيرها ويكفيني شرها
وان شاء الله عند الأستلام هنتابع مع بعض

[edodahab]

http://www.nilemotors.net/Nile/388397-a.html

[edodahab]

دة انطباعى عن السيارة

http://www.nilemotors.net/Nile/389311-a.html

[احمد كاكتوس]

دة انطباعى عن السيارة

http://www.nilemotors.net/nile/389311-a.html

شكرا لحضرتك والله يطمنك واعتقد ان كل عربية فيها مميزات وعيوب
واعتقد ان عيوبها مش كبيرة
وسؤال لحضرتك السحب اتظبط بعد صيانة 1000 ؟

[edodahab]

العربية صوتها هدى شوية و السحب احسن
انا كمان بدأت احرق شوية عشان انا كنت خايف احرق فى اول الف كيلو
التسارع مش بطال قوى