يوم مع القشقاى

[شادى عبدالمنعم]

السﻻم عليكم اعضاء صقور نيسان الكرام كنت ناويت من فتره اركب دفندرات معدن للعربيه القشقاى وعلى فكره اخوكم من اسيوط المهم روحت لواحد عندنا شغال فى الحاجات دى وكان لسه مشحون له 9 دفندرات من القاهره المهم استقريت على اللى انا عايزه واخدتهم ورحت اركبهم المهم الاخ بتاع الورشه قالى انه ﻻزم يفك التقفيل بتاع الموتور ( البﻻستيك) من تحت عشان يكشف الشاسيه ويلحم فيه الدفندر !!! انا مرتحتش للموضوع ولغيت الفكره مؤقتا وقلت الحمدلله ورجعت الحاجه للمحل وصاحب المحل قالى ان فى دفندرات معدن ليها ممكن تركب من غير لحام من الاساس يعنى بمسامير .
طلبى لحضراتكم عايز اعرف اجبها من عند مين وياريت رقم تلفون المحل ده وهل بتركب بمسامير وﻻ لحام وبكام على فكره الدفندرات اللى رجعتها كانت ب1350 امامى وخلفى صقور نيسان اطلت عليكم واتمنى الرد الوافى ......شكرا ليكم جميعا.

[hugan]

راجل عكاك طبعا يلحم ايه وينيل ايه
اذا كان التيجو الصيني الديفيندرات الامامي والخلفي والعتب
كله تركيب مسامير وبدون لحام نهائي
العربيه مجهزه لكده
ممكن تشوف علي رضا في مدينه نصر اكيد هاتلاقي عنده

[jojojojo]

لحام ايه ياعم كويس ان حضرتك موفقتش بتركب بمسامير عادي جدا

[شادى عبدالمنعم]

لحام ايه ياعم كويس ان حضرتك موفقتش بتركب بمسامير عادي جدا

طب ممكن عنوان وتلفون على رضا ده

[شادى عبدالمنعم]

راجل عكاك طبعا يلحم ايه وينيل ايه
اذا كان التيجو الصيني الديفيندرات الامامي والخلفي والعتب
كله تركيب مسامير وبدون لحام نهائي
العربيه مجهزه لكده
ممكن تشوف علي رضا في مدينه نصر اكيد هاتلاقي عنده

طب ممكن تلفون على رضا وعنوانه

[Dr.Galileo]

السﻻم عليكم اعضاء صقور نيسان الكرام كنت ناويت من فتره اركب دفندرات معدن للعربيه القشقاى وعلى فكره اخوكم من اسيوط المهم روحت لواحد عندنا شغال فى الحاجات دى وكان لسه مشحون له 9 دفندرات من القاهره المهم استقريت على اللى انا عايزه واخدتهم ورحت اركبهم المهم الاخ بتاع الورشه قالى انه ﻻزم يفك التقفيل بتاع الموتور ( البﻻستيك) من تحت عشان يكشف الشاسيه ويلحم فيه الدفندر !!! انا مرتحتش للموضوع ولغيت الفكره مؤقتا وقلت الحمدلله ورجعت الحاجه للمحل وصاحب المحل قالى ان فى دفندرات معدن ليها ممكن تركب من غير لحام من الاساس يعنى بمسامير .
طلبى لحضراتكم عايز اعرف اجبها من عند مين وياريت رقم تلفون المحل ده وهل بتركب بمسامير وﻻ لحام وبكام على فكره الدفندرات اللى رجعتها كانت ب1350 امامى وخلفى صقور نيسان اطلت عليكم واتمنى الرد الوافى ......شكرا ليكم جميعا.

وعليكم السلام ورحمة الله وبركاته
اخي الفاضل
اول كلمة برافو عليك انت ما وافقتش انه يلحم ويعك في العربية
دفندرات العربية الاصليه موجوده في توكيل مودرن موتورز فرع ابو رواش وبيركبو بمسامير في مكانهم علطول ... والدفندرات مكتوب عليها قشقاي وسعرها 6000 جنيه .... هو سعر مبالغ فيه طبعا بس ده كان اخر مرة انا سألت عليهم هناك والناس هناك بيقولو انها اصليه والله اعلم ما اقدرش افيدك اذا كانت اصليه ولا لا .... بس انا شوفتهم بيتركبو بمسامير في مكانهم علطول من غير لا لحام ولا بتاع
لو عاوز رقم تليفون الفرع يا ريت تقولي وانا اخطف رجلي اجيبلك تليفونهم او اسألك على اللي انت عاوزة من عندهم

[saddam]

طب ممكن تلفون على رضا وعنوانه

صديقي المواطن
علي رضا ممكن يسعفك بس مش دايما ﻷنه أسعاره في الحاجات دي غالية وممكن ميكونش عنده لعربيتك وهو صاحبي وحبيبي وتروحله إزاي توصل مدينة نصر حتخش من جنب مسجد رابعة العدوية توصل ﻷول صينية تاخد شمال 50 متر حتبص حتلاقيه الناحية التاتية دور تاني بحاله كامل غالي شوية بس أحيانا مش دايما بيجيب حاجات شيك
والصح بقه تروح شامبليون في الشارع اللي بعد كشري أبو طارق تروح لسعيد كرشة والراجل اللي محله قصاده دول حيجيبولك الخلاصة والقول الفصل وحتلاقيهم من نفس المنطقة اللي بعتوا الدفندرات للمحل اللي عندك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[M.ABDOU]

لامؤاخذه هوا ايه اصلا الدفندرات؟؟؟؟؟؟؟

يا ريت توضيح مبسط

[شادى عبدالمنعم]

متشكر ليكم عموما مبلغ 6000 مبلغ كبير جدااااااااااااااااا فانا هستنى شويه لغاية مااﻻقى حاجه مناسبه ......... مشكلتنا فى مصر ام الدنيا يشتروا الحاجه وبعدها بكام سنه يفتكروا يجيبوا قطع غيارها واكسسوارتها ولو لقيتها تبقى بسعر مبالغ فيه جدا . لله الامر من قبل ومن بعد وشكرا

[grumby78]

لامؤاخذه هوا ايه اصلا الدفندرات؟؟؟؟؟؟؟

يا ريت توضيح مبسط

قصدهم يافندم الاكصدامات المعدن اللي بتتركب في العربيات . الموضوع ده في مصر كان زمان في الجيب شيروكي وانتقل لعربيات زي الماتريكس و التيجو و دايهاتسو تريوس والقاشقاي وهكذا وده اصلا اعتقد انه مخالف لقانون المرور وبيرفضوا يجددوا للعربيات في الفحص لو مركباه ويشترطوا ازالته .

[HISHAM80]

نصيحه لوجه الله بلاش لو العربيه لا قدر الله أتخبطت بتسمع في الشاشيه

[شادى عبدالمنعم]

شكرا على النصيحه لكنى محتار انا حاسس ان الاكصدمات بتحمى واجهة العربيه اللى اغلبها فبر

[M.ABDOU]

قصدهم يافندم الاكصدامات المعدن اللي بتتركب في العربيات . الموضوع ده في مصر كان زمان في الجيب شيروكي وانتقل لعربيات زي الماتريكس و التيجو و دايهاتسو تريوس والقاشقاي وهكذا وده اصلا اعتقد انه مخالف لقانون المرور وبيرفضوا يجددوا للعربيات في الفحص لو مركباه ويشترطوا ازالته .

شكرا يا باشا على التوضيح كده وصلت ديفندرات من defender

انا كنت بشوفها زمان فى الجيب شيروكى بس معرفش ان فى زيها للعربيات الصغيره

انا بقى مستنى لما ينزلوا اوبشن انى اركب حته 36 ألى او كى جى 47 على الكبوت ويكون فيه خاصيه اعاده التلقيم الاوتوماتيكى

ده ااقل حاجه لمصر