معروض عليا اشتري نيسان ...اية رايكوا

[m202020]

السلام عليكم ورحمة الله وبركاتة
انا معروض عليا اشتري نيسان صني موديل 2007 اتوماتيك ....بس هي فيها خدوش من الجنبين ومخبوطة من الوش
يعني غالبا هتحتاج تغير كبوت وشبكة ومرايات و فانوسين امامي واحد خلفي ومساعدين ومقصات والايرباج بتاعها اتفتح ومعرفش دا بيتصلح ولا هغير التابلوه كله
معروضة عليه 47 الف اية رايكوا ولا اتكلم مع صاحبه فى اقل من كدا

[beckeryahia]

شاري ب 55000

[saddam]

صديقي المواطن
خدها بسرعة قبل مياخدها غيرك إنت بتلعب في رينج العربية لانوس سيئة الصيت ودي نيسان يعني تاخدها وتصرف عليها 5 آلاف مش مشكلة تستاهل واﻷيرباج بيتخيط الجلد بتاعه وبيتمعجن ويترش
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[jojojojo]

بس خد بالك انك هتحتاج تغير تابلوه كامل وخد بالك برضه ان بدال الاير باج فتح يبقي في حاجات اتاثرت زي الريداتير والسربتينه واحتمال بعض اجزاء الموتور والعفشه وانا شايف ان مصاريف كل الحاجات ديه هتعدي وهتوصل لسعر السوقي للعربيه الطبيعي غير شويه الحاجات اللي حضرتك قلتها فوق فلازم تكشف عليها كويس جدا وتعمل مقايسه بالاسعار للحاجات اللي عايزها وتقرر عشان متندمش وربنا يوفقك للخير

[m202020]

بس خد بالك انك هتحتاج تغير تابلوه كامل وخد بالك برضه ان بدال الاير باج فتح يبقي في حاجات اتاثرت زي الريداتير والسربتينه واحتمال بعض اجزاء الموتور والعفشه وانا شايف ان مصاريف كل الحاجات ديه هتعدي وهتوصل لسعر السوقي للعربيه الطبيعي غير شويه الحاجات اللي حضرتك قلتها فوق فلازم تكشف عليها كويس جدا وتعمل مقايسه بالاسعار للحاجات اللي عايزها وتقرر عشان متندمش وربنا يوفقك للخير

شكراااااا جدا ليكم
بس هو انا فعلا هغير ريداتير - سربنتينه -كبوت - مساعدين - مقصات - بس ع ما اظن ان الاير باج هيتصلح انما التابلوه هتغير مش عارف
لان لو هغير تابلوه يبقي ملهاش لازمه
ولا انتوا اية رايكوا

[Omar_4ever]

اسأل على قطع الغيار واحسب التكلفة + ال 47 الف وشوف

[m202020]

طيب انا معرفش اسعار قطع الغيار ممكن حد يفيدني

[madelonline]

سعرها لو مفيهاش مشاكل هيكون 65000 جنيه
احسب انت بقي تكلفة الصيانه بالكامل وضيف ليها سعر الصيانه وقطع الغيار وانت هتقرر