الموضة الجديدة لمحاولة وقف مبيعات الصنى

[edodahab]

انا اول ما دخلت المنتدى كان فيه هجوم فظيع غير مبرر على الصنى و ناس شغالة فتى و اى هبل فى الجبل
الهمه انى كبرت دماغى و استمتعت بالعربية الجميلة و سبحان الله فجأة الهجوم اختفى
الموضة الجديدة فى المنتدى دلوقتى ان سيل من الأعضاء الجدد يقرروا يشتروا العربية و كلهم سبحان الله فى اخر لحظة يغيروا رأيهم و يجيبوا عربيات تانية
واضح ان الهجوم القديم فشل فى ايقاف سيل المبيعات للعربية و احب ابشركوا ان المحاولات دى برده هتفشل
السوق المصرى اكبر بكتير من المنتدى دة و الرد باين فى الانتشار المذهل للعربية فى الشوارع
برده شايف ان العربية صفقة ممتازة و هفضل استمتع بيها و ربنا يكفينا شرها

[Khaled Lanos]

ربنا يبارك لك فيها
بس ليه شايف ان الناس كلها بتهاجم العربية وبتحاول تشوه سمعتها؟
عادي ممكن واحد شاف عربية تانية عجبتو وقرر يشتري حاجة غير الصني مثلا..
انا رأيي الصني زيها زي العربيات الجديدة فطبيعي لو فيها مشكلة مثلا الناس هتخش تقول عليها وهتقول مميزاتها بردو..لكن انا مش شايف ان في حملة لتشويه سمعتها او تقليل مبيعاتها..ما في عربيات كتير بتنزل اشمعن الصني اللي الناس هتشوه سمعتها؟
تحياتي لقسم نيسان :)

[saddam]

صديقي المواطن
أنا من الناس اللي بدافع عن العربية لرخص سعرها وهي مش وحشة قد يكون الشكل عليه خلاف من شخص ﻵخر
ولكن نظرية المؤامرة اللي حضرتك مطبقها على أعضاء المنتدى وإن السوق المصري أكبر من المنتدى ده أولا إحنه كلنا هنا إخوات وكله بيقدم النصيحة بفلوس وكلامك بيحسسنا إن فيه ناس عندنا في المنتدى شغالة في توكيلات منافسة وبتشوه صور العربيات بتاعت الشركات المنافسة فأحب أبشرك ده مش موجود ثم ليه حضرتك بتبص لنص الكباية الفاضيه ومبتبصش عالنص المليان وليه حضرتك بتبص وعبنيك بتبجي على عيوب الناس ومتجيش على حسناتهم وإيجابياتهم يعني زي معينك زي مبتقول شافت الناس اللي بتهاجمها ليه مشافتش الناس اللي بتدافع عنها وأنا وعشرات غيري وحضرتك واحد منهم
ثم عبارة أحب أبشركم دي عبارة صعبة أوي ﻷنه صدقني محدش هنا في المنتدى حيخش في جيبه ربع كيلو بصل لو نيسان باعت أو مباعتش أو حتى عزلت من مصر خالص كله هنا عندنا في المنتدى المكان الوحيد اللي لسه بيقدم اﻷعضاء فيه النصيحة والتجربة والخدمة المجانية وليس لمجد شخصي ﻷن أغلب اﻷسماء هنا حركيه فكله بيقدم نصيحة عملا بوصية الرسول صلى الله عليه وسلم بوجوب إغاثة الملهوف
وأنا معاك في نقطة إن المنتدى ليس كل أطياف الشعب المصري ممثلة فيه وفيه بصراحة ناس نقصانا هنا من أمثال سماسرة سيارات وناس بتبيع قسط أو اللي معاهم شبحات أو زمايلنا في المجتمع أضلهم الله تجار المخدرات والحشيش والسلاح مش بنشوفهم عشان يدونا دروس وينقلولنا خبراتهم في عربيات الدفع الرباعي أم مليون ونص فما فوق وزمايلنا في التنظيمات مش بيدخلوا هنا يدونا نصايح بما فتح الله عليهم وأي واحد زهقان من عربيته ومطلعه عينه مش بيعلموه إزاي الواحد يفخخ عربيته ويفجرها في بيت الميكانيكي بتاعه
صديقي المواطن بالراحة علينا إحنه كلنا إخواتك هنا وكلنا بنحبك وكلنا بندعيلك إن ربنا يديم النيسان خيمة فوق رأسي وأنا أشهد الله إن نيسان صني الشكل الجديد عربية كويسة ومش مقصرة وهذه شهادة مني بذلك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[edodahab]

صديقي المواطن
أنا من الناس اللي بدافع عن العربية لرخص سعرها وهي مش وحشة قد يكون الشكل عليه خلاف من شخص ﻵخر
ولكن نظرية المؤامرة اللي حضرتك مطبقها على أعضاء المنتدى وإن السوق المصري أكبر من المنتدى ده أولا إحنه كلنا هنا إخوات وكله بيقدم النصيحة بفلوس وكلامك بيحسسنا إن فيه ناس عندنا في المنتدى شغالة في توكيلات منافسة وبتشوه صور العربيات بتاعت الشركات المنافسة فأحب أبشرك ده مش موجود ثم ليه حضرتك بتبص لنص الكباية الفاضيه ومبتبصش عالنص المليان وليه حضرتك بتبص وعبنيك بتبجي على عيوب الناس ومتجيش على حسناتهم وإيجابياتهم يعني زي معينك زي مبتقول شافت الناس اللي بتهاجمها ليه مشافتش الناس اللي بتدافع عنها وأنا وعشرات غيري وحضرتك واحد منهم
ثم عبارة أحب أبشركم دي عبارة صعبة أوي ﻷنه صدقني محدش هنا في المنتدى حيخش في جيبه ربع كيلو بصل لو نيسان باعت أو مباعتش أو حتى عزلت من مصر خالص كله هنا عندنا في المنتدى المكان الوحيد اللي لسه بيقدم اﻷعضاء فيه النصيحة والتجربة والخدمة المجانية وليس لمجد شخصي ﻷن أغلب اﻷسماء هنا حركيه فكله بيقدم نصيحة عملا بوصية الرسول صلى الله عليه وسلم بوجوب إغاثة الملهوف
وأنا معاك في نقطة إن المنتدى ليس كل أطياف الشعب المصري ممثلة فيه وفيه بصراحة ناس نقصانا هنا من أمثال سماسرة سيارات وناس بتبيع قسط أو اللي معاهم شبحات أو زمايلنا في المجتمع أضلهم الله تجار المخدرات والحشيش والسلاح مش بنشوفهم عشان يدونا دروس وينقلولنا خبراتهم في عربيات الدفع الرباعي أم مليون ونص فما فوق وزمايلنا في التنظيمات مش بيدخلوا هنا يدونا نصايح بما فتح الله عليهم وأي واحد زهقان من عربيته ومطلعه عينه مش بيعلموه إزاي الواحد يفخخ عربيته ويفجرها في بيت الميكانيكي بتاعه
صديقي المواطن بالراحة علينا إحنه كلنا إخواتك هنا وكلنا بنحبك وكلنا بندعيلك إن ربنا يديم النيسان خيمة فوق رأسي وأنا أشهد الله إن نيسان صني الشكل الجديد عربية كويسة ومش مقصرة وهذه شهادة مني بذلك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الكلام بتاع حضرتك كله جميل و مثالى بس انا اعرف ناس من توكيلات تانية و اصحاب مصالح بيهاجموا عربيات لصالح عربيات
و متنساش ان حضرتك متعرفش الاشخاص الحقيقية و ايه مدة صدقهم
انا مبدافعش عن العربية بجهل و تابع مداخلاتى هتلاقى انى بتكلم بكل حيادية و زى ما فيه ناس كدة فيه ناس اكتر محترمة بتقدم النصحية لوجه الله
اما بالنسبة لنظرية المؤامرة لو حضرتك مصدق ان فيه تلات اعضاء جدد قرروا يجيبوا العربية و كانوا مقتنعين بيها تماما و كلهم سبحان الله بقدرة قادر يغيروا رأيهم فى اخر لحظة انت حر بس انا مش مصدق عشان واسعة اوى
شكرا ليك و عذرا للاطالة
و ربنا يستر طريقنا

[edodahab]

ربنا يبارك لك فيها
بس ليه شايف ان الناس كلها بتهاجم العربية وبتحاول تشوه سمعتها؟
عادي ممكن واحد شاف عربية تانية عجبتو وقرر يشتري حاجة غير الصني مثلا..
انا رأيي الصني زيها زي العربيات الجديدة فطبيعي لو فيها مشكلة مثلا الناس هتخش تقول عليها وهتقول مميزاتها بردو..لكن انا مش شايف ان في حملة لتشويه سمعتها او تقليل مبيعاتها..ما في عربيات كتير بتنزل اشمعن الصني اللي الناس هتشوه سمعتها؟
تحياتي لقسم نيسان :)

كلامك محترم و كان هيبقى سليم لكن لو حضرتك قريت المنتدى كويس هتكتشف ان معظم ان لم يكن كل الناس اللى بتشكك و بتهاجم العربية مش من ملاكها
و كل واحد يقولك صاحبى بيشتكى و جارى بيعيط و ابن عمى ندمان و جوز بنت خالة امى اتجنن
و ملاك العربية كلهم بيشكروا فيها و مبسوطين منها
تقبل تحياتى

[Mohammmed]

مبروك عليك العربية وفكك من اللى قال ومقلش

[edodahab]

مبروك عليك العربية وفكك من اللى قال ومقلش

الله يبارك فيك يا باشا
انا عملت كدة من زمان و من وقتها و انا مبسوط

[Akram.Gamal]

مع كامل احترامى
اعترض على طريقة كلام حضرتك و اتهام الناس بالباطل !!
ارجو ان المناقشه تبقا ارقى من كده ..

خلينا فى المهم بقا
حضرتك بتقول حملة تشويه و تغيير اراء من عربيات لصالح عربيات تانيه

احب اقول لسيادتك مفيش موضوع واحد فى المنتدى عنوانه "متشتريش الصنى 2014 و اشترى غيرها "
و كل ال اتكلم عن الصنى و عيوبها يعتبروا من ملاكها و المواضيع ماليه قسم نيسان ..(حتى لو المشكله اتحلت ده مش موضوعنا اصلا )
و لكن حضرتك اول واحد تعمل موضوع "الموضه الجديده فى وقف مبيعات الصنى "
محدش مستفاد اي حاجه كلنا هنا بنساعد بعض رغبا مننا فى استفادة الناس من بعض
و بتقول احب ابشركوا >> يعنى ال كاره الصنى هتخليه يركبها عافيه
ياباشا لولا اختلاف الاذواق لبارت السلع.. و بعدين لو العربيه جميله و حضرتك مستمتع بيها اعرض للناس تجربتك و سيبهم يقرروا بنفسهم مش هتفرض عليهم خيارات
و سيب العربيه هي ال تكتب مبيعاتها .. انا مش هشترى عربيه مجامله للتوكيل او العلامه التجاريه
ده غير ان مفيش حد بيحاول يوقف مبيعات الصنى بالعكس كلنا بنبارك لشارى الصنى زي ال شارى المرسيدس او الصينى

انما بقا لغة حضرتك بالتخوين و الاتهام و التريقه على الاخرين (جوز بنت خالة امى اتجنن ؟؟!! ) هو ده ال ممكن يوقف مبيعات عربيه بعينها
و شكراا .. ارجو تتقبل مرورى و تحياتى لجميع اعضاء المنتدى المحترمين ,,

[Mohamed.Ramah]

أى عربية فى السوق المصرى مش مستنية حد يشوة صورتها او يقنع حد بحاجة غلط القرار فى النهاية بيرجع للسائل وما على الكثير الا النصيحة

المشكلة ان بيبقى تقييمات مش منطقية وهنا بيجب الدخول للتوضيح بأمانة ومصداقية عن عيوب يمكن أغفل عنها بعض الاشخاص او ميعرفهاش المقبل على السيارة ومش معنى ان كل عضو جديد سأل ووضحنالة مشكلة فى عربية ما يبقى كلنا متأمرين عليها لية هى بوجاتى مثلا :) :)

ولا كل الناس شغالة فى توكيلات مش بالساهل والله تشتغل فى توكيل سيارات حتى ومفيش حد بيعملها ببلاش خدمة يدخل يشوة عربية مقابل يوجة حد لعربية المنافس ! الموضوع صعب لان الاسلوب دة مش موجود فى المنتدى ولو وجد الادارة موجودة وقوانين المنتدى تطبق علية فوراً

الأعضاء هنا كبيرة كفاية مفيش حد حيمشى حد على مزاجة والصنى لو دخلت منافسة مع بدائل لحد ليميت معين تبقى أفضل مش معنى تتقارن بفئات اعلى منها سعراً أو افضل منها فى نفس الفة والبيسأل يغير قرارة انة يبقى متأمر على العربية وبيحاول يشوة صورتها رأية ورأينا مش حكر على أحد

وكلنا أخوات وبيبان الاسلوب مين الكل كلامة دعاية وترويج ومين الداخل يفرقع اى اخبار بالكذب ومين البينصح صح ومبيبالغش فى كلامة وصفحات المنتدى مفتوحة لكل الاعضاء الجداد يقدرو يعرفو دة .

[محمد سماحة]

اولا :انا واحد من الناس اللى كنت هاشتري العربية و رجعت رأيي و السبب ماكنش رشوة من شركة تانية مثلا انى اشوه سمعة العربية بدليل انى لما قررت انى اغير رأيي لم اعيب السيارة بالعكس انا قلت انها مناسبة جدا بالنسبة لسعرها .

ثانيا ربنا يباركلك فى عربيتك و يديك خيرها و يكفيك شرها و الناس هنا فى المنتدى ناس محترمة ليس لها مصلحة فى عربية بعينها ...مثلا لو دخلت على المقارانات هتلاقى 90% من الناس بتقول هاتوا البيجو 301 فى الفئة السعرية دى و انا لا اعتقد انهم كلهم شغالين فى بيجو :)

اللى خلانى افكر فى الصنى ان سعرها معقول بالنسبة لامكيناتها و عيوبها مش بتظهر فى كل العربيات ده غير ان عيوبها مقدور عليها و اللى خلانى اسيبها انى اتخرت ربنا و الاستخارة ودتنى ناحية حاجة تانية

ربنا يباركلك فى عربيتك و ان شاء الله خير

[edodahab]

يا جماعة الخير انتوا اخدتوا كلامى على نفسكوا ليه و كبرتوا الموضوع
انا كان واضح و بقول تانى ان معظم الناس هنا فى المنتدى اللى زيكوا بيخدموا الناس من غير اى مصالح و بدون مقابل
انا كل اعتراضى على حاجتين
اولا الفتى من ناس عمرها ما ساقت العربية و عمالة تفتى و تشتكى و دول موجودين و ممكن حضرتك تدور فى التعليقات و هتلاقيهم
عشان كدة انا عمرى ما بدخل منتدى تانى و افتى على اى عربية عشان ببساطة انا مجربتهاش
ثانيا الناس اللى داخلة المنتدى بتاع نيسان عشان يكرهونا فى العربية و يعملوا اعلانات عن عربيات تانية الله اعلم بقى دول ليهم مصالح مع شركات تانية ولا ايه استفادتهم و دوروا حضراتكوا هتلاقوهم منتشرين
انا اللى اعرفوا ان فيه منتديات تانية للبيجو و باقى الماركات لو هو معاه العربية يكتب خبراته فى المنتدى بتاعه انما ايه المصلحة انه يدخل على منتدى عربية تانية عشان يشتم فيها و هو عمروا ما ركبها
انا عارف انها عربية على قدها و اكيد فيها مشاكل لكن انا متقبل جدا ان حد من ملاك العربية يدخل و يكتب مشكلة حصلتله عشان يفيدنا بخبرته انما تبقى معظم المشاكل و الشكاوى من ناس عمرها ما ساقت العربية هو دة اللى مستفز
انا اسف انى كنت متعصب و قلت كلام شديد بس انتوا كلكوا عارفين الواحد تعب قد ايه عشان يجمع الفلوس دى و يقدر يجيب عربية و بدل ما ادخل هنا عشان استفيد و اتعرف على ناس محترمة بقى يتحرق دمى من الفتى و الهرى كأن الواحد اشترى 128 مثلا و رمى فلوسه فى البلاعة
الحمد لله انى مبسوط من العربية و انا شايفها ممتازة بالنسبة لسعرها
اعتذر مرة اخرى و عذرا للاطالة و ربنا يبارك لكل واحد فى عربيته و يدى كل واحد على قد نيته

[medo-312]

انا معاك فى موضوع الهجوم الغريب على العربية من فترة بس بدأ يقل .. ولما لاحظت الكلام الكتير على العربية قلت ادخل على باقى اقسام الماركات التانية يمكن دى عادة فى نايل موتورز .. الغريب ان الانتقاد ده ماشفتوش فى اى قسم تانى بالقسوة دى .. وكأنها ميزة انفردت بيها الصنى الشكل الجديد .. وعموما هو مش موضوع توكيلات تانية ولاحاجة .. اعتقد ان نيسان عملت حساسية لما عملت 2014 شكل قديم وشكل جديد وكل واحد شايف انه احسن !! والحاجة التانية ان مشاكلها هايفة وسعرها كويس والعربية انتشارها بيتقدم بثبات وده اعتقد ضايق ناس وبدل ماتدافع عن اختيارها صبوا غضبهم على الصنى بطريقة او بأخرى .. مرة شكلها مش عاجبهم ومرة التيل مش عارف ماله .. ومرة واحد قال كنت بازق عربية واحد صاحبى لقيت الكبوت اطبق !! .. المهم سيبك من الكلام ده واستمتع ياباشا بالعربية وغالبية الناس هنا محترمة جدا والأمثلة كتيرة

[edodahab]

انا معاك فى موضوع الهجوم الغريب على العربية من فترة بس بدأ يقل .. ولما لاحظت الكلام الكتير على العربية قلت ادخل على باقى اقسام الماركات التانية يمكن دى عادة فى نايل موتورز :o_stupid[1]: .. الغريب ان الانتقاد ده ماشفتوش فى اى قسم تانى بالقسوة دى .. وكأنها ميزة انفردت بيها الصنى الشكل الجديد .. وعموما هو مش موضوع توكيلات تانية ولاحاجة .. اعتقد ان نيسان عملت حساسية لما عملت 2014 شكل قديم وشكل جديد وكل واحد شايف انه احسن !! والحاجة التانية ان مشاكلها هايفة وسعرها كويس والعربية انتشارها بيتقدم بثبات وده اعتقد ضايق ناس وبدل ماتدافع عن اختيارها صبوا غضبهم على الصنى بطريقة او بأخرى .. مرة شكلها مش عاجبهم ومرة التيل مش عارف ماله .. ومرة واحد قال كنت بازق عربية واحد صاحبى لقيت الكبوت اطبق !! .. المهم سيبك من الكلام ده واستمتع ياباشا بالعربية وغالبية الناس هنا محترمة جدا والأمثلة كتيرة

كلام محترم و ممتاز
انا فعلا هكبر دماغى اللى عايز يشتم يشتم وانا مالى و هستمتع بالعربية
شكرا يا باشا بس تفتكر ايه سر هجوم الناس على النيو صنى
يا راجل دة لولا انى متأكد انها متقفلة فى مصر كنت قلت دى عربية متصنعة فى اسرائيل
طب حتى شجعوا تقفيل بلدكوا و اعتبره ابوك يا اخى

[Car's Sniper]

الصنى الجديدة بالنسبة للصنى القديمة لا تقارن ..القديمة انضف شكلا وخامات وثبات وكل حاجة
لكن لو انا معايا 110000 هاشترى الصنى لانها صفقة رابحة بالنسبة لسعرها
وعلى فكرة والدى كان معاه صنى 2008 واللى من وجهة نظرى انضف موديل نزل ودلوقتى جاب 2013 فالكلام عن تجربة
العربية حلوة جدا بالنسبة للمنافسين ليها فى الفئة السعرية دى

[د.عماد صلاح]

شوف ياباشا ...مفيش داعي للظن السئ ...طالما مبسوط من العربيه و مريحاك يبقي خلاص مايهمكش كلام حد ...اناىمثلا كان معايا افيو و دي كل الناس بتتكلم عن مشاكلها مع كده كانت مريحاني جدا و شكرت فيها قبل مابيعها ....فطالما انت مبسوط خلاص ....الصني الجديده فيها كماليات كتير خاصه السوبر و تقفيلها احسن من الاي اكس بس المشكله الاساسيه الطنابير و الثبات علي السرعات العاليه وده عن تجربه سواقه بتاع 55 كيلو بيها بس القعده مريحه و الفرامل قويه و الصوت لذيذ بس صوت الماتور علي بعد ال 120 تميفها كويس بس العجلربيعمل صوت واضح جوه العربيه حتي مع غلق الزجاج ...ده عربيه واحد زميلي سقتها من 4 اشهر قبل ما اجيب الاوبترا و سقتها عشان اقرر اشتري ايه و المشكله الرئيسيه اللي خوفتني منها ان صاحبي غير الطنابير في صيانه ال10 الالاف