صوت في فتيس الصني الشكل القديم !

[Aelgahawy]

أنا معايا نيسان صني 2013 الشكل القديم اوتوماتيك عامله دلوقتي 30000 km

في بدايه ال20000 بدأ يظهر صوت صفاره قصيره و الفتيس بينقل من التاني للتالت

رحت السبع في صيانة ال 25000 ( فرع زهراء المعادي ) و قولتله علي الصوت ده فقالي احتمال تبقي سوسته في الفتيس و هتقعد العربيه يومين عشان يكشفوا عليها، و تاني يوم كلمني المهندس و قالي ان الصوت ده عادي و موجود في كل الصني و طلعنا جربنا عربيه تانيه كانت في التوكيل ( موديل 2011 و عامله 65000 ) و لقيت فيها نفس الصوت

فعايز حد يفيدني الصوت ده فعلا موجود فيها ولا عيب في الفتيس؟

علما بأن الصوت ده مكنش موجود قبل ما تعدي ال 20000

أرجو الافاده عشان لو فيه مشكله كبيره احلها و العربيه لسه في الضمان

[dr.hazem]

متابع

[kokowasfy]

لا مفيش اى نوع من انواع الاصوات و بتجربة عربيات اصدقائى صنى 2010 و واحد تانى 2008 عمرهم ما اشتكو من اصوات فى الفتيس

[Aelgahawy]

لا مفيش اى نوع من انواع الاصوات و بتجربة عربيات اصدقائى صنى 2010 و واحد تانى 2008 عمرهم ما اشتكو من اصوات فى الفتيس

هو الصوت مش عالي اوي و مش طويل ، ونه قصيره كده بين التاني و التالت و محتاجه تركز فيها .. هي لفتت نظري عشان العربيه زيرو و كنت مركز في اصواتها كويس .. فلو ممكن تجرب تاني عربيه منهم و تركز في الصوت ده اكون شاكر جدا

و شكرا علي الرد :)

[asyl84]

بص هو مش صوت صفارة هو صوت ظهر عندى لما العربية تبقى على سرعة بين 20 و 40 والصوت اشبة بصوت كركرة دة كان عيب فتيس وعملت مشكلة كبيرة لان العربية كانت عاملة 700 كيلو لو انت قريب من المعادى انا ممكن اجربها معاك ولو نفس الصوت الى كان عندى هقولك او روح السبع تانى واتكلم مع المهندس وائل بيومى ...المهم حاول تركز فى امتى بيطلع الصوت عشان يرفعوا العربية وحد فوق يدورها ومن تحت تسمعوا الصوت طالع منين بالظبط...انا دخلت فى حوارات كتير الى يقولى دة صوت عادى فنطلب نجرب عربية تانية وانا الى اسوق والى يقول بعيد عن الفتيس واطلب حل المشكلة ...بس فى النهاية انا والسبع قدرنا نوصل للعيب بالظبط وعملنا على العربية كونسلتو اكتر من 5 مهندسين ..فعتدك وائل بيومى او خالد مهندسين بالهم طويل ومعاك للصبح وهيطلعولك العيب بس لازم تساعد نفسك وانت تحدد مكانة او على الاقل اوضح وقت بيبان فية الصوت

[Aelgahawy]

بص هو مش صوت صفارة هو صوت ظهر عندى لما العربية تبقى على سرعة بين 20 و 40 والصوت اشبة بصوت كركرة دة كان عيب فتيس وعملت مشكلة كبيرة لان العربية كانت عاملة 700 كيلو لو انت قريب من المعادى انا ممكن اجربها معاك ولو نفس الصوت الى كان عندى هقولك او روح السبع تانى واتكلم مع المهندس وائل بيومى ...المهم حاول تركز فى امتى بيطلع الصوت عشان يرفعوا العربية وحد فوق يدورها ومن تحت تسمعوا الصوت طالع منين بالظبط...انا دخلت فى حوارات كتير الى يقولى دة صوت عادى فنطلب نجرب عربية تانية وانا الى اسوق والى يقول بعيد عن الفتيس واطلب حل المشكلة ...بس فى النهاية انا والسبع قدرنا نوصل للعيب بالظبط وعملنا على العربية كونسلتو اكتر من 5 مهندسين ..فعتدك وائل بيومى او خالد مهندسين بالهم طويل ومعاك للصبح وهيطلعولك العيب بس لازم تساعد نفسك وانت تحدد مكانة او على الاقل اوضح وقت بيبان فية الصوت

هو الصوت بيظهر مع نقلة الفتيس من التاني للتالت، بيبقي صوت ونه كده قصيره او زي صفاره قصيره ، و انا فعلا كنت مع مهندس خالد و جربها و سمع الصوت و قالي ده ضغط الزيت و حاجات كده بس مقتنعتش بصراحه ، فعايز حد يأكد الصوت ده فعلا موجود في الصني و لا ده عيب

[asyl84]

لا هو مافيش اصوات لان من بعد مشكلة الفتيس دى عندى وانا نايم بحلم بالاصوات فمعنديش اى اصوات ونة والا صفارة على العموم روح تانى وشوف المهندس وائل بيومى وبعدين اطلب رفعها وانت موجود واسمع الصوت من تحت العربية ولو احتاجتنى اجربها معاك انا تحت امرك بس قولى فى ايام الاجازة دى لو المعادى قريبة

[Aelgahawy]

لا هو مافيش اصوات لان من بعد مشكلة الفتيس دى عندى وانا نايم بحلم بالاصوات فمعنديش اى اصوات ونة والا صفارة على العموم روح تانى وشوف المهندس وائل بيومى وبعدين اطلب رفعها وانت موجود واسمع الصوت من تحت العربية ولو احتاجتنى اجربها معاك انا تحت امرك بس قولى فى ايام الاجازة دى لو المعادى قريبة

هروح تاني و اشوف ، شكرا :)

[Aelgahawy]

يا جماعه حد يفيدني في الموضوع ده ، عشان انا مش عارف الصوت ده عادي ولا لأ ، و بدأت احس اني بسمعه و اما اكون ماشي بسرعه و ابدأ اهدي ، و هل اروح اجرب اكشف عليها في اوتو ايجيبت ولا هيقولوا نفس الكلام ؟!

[Aelgahawy]

الحمد لله المشكله اتحلت :) :) :)

رحت في صيانة ال40000 اوتو ايجيبت ابو رواش ( كان ساعتها في صوت صفاره جديده ظهر و انا بهدي من 100 ل 80 ! .. المهم مهندس الاستقبال جربها معايا و قالي الصفاره هيكشفوا عليها لكن الونه دي مش متأكد منها ف مهندس الصيانه يشوف و يحدد و دخلت الصيانه و غيروا كل الزيوت بما فيهم زيت الفتيس .. و الونه راحت !!!! :D :D :D :D .. و الصفاره طلعت بلية الشداد و مكنتش موجوده ف طلبوها و كلموني انها جت و هروح اغيرها بكره ان شاء الله

[islamabady1980]

متابع

[Aelgahawy]

رحت ركبت البليه و طلعنا جربنا لقينا الصوت لسه موجود !!!

دخلها تاني الورشه و كل شويه يطلع يجربها مع حد و بعد ٣ ساعات من التجارب قالي مش عارفيين الصوت ده جي منين ! ، بص عليها مهندس الميكانيكا و قال انها مش حاجه في الميكانيكا عشان بيمور العربيه علي السرعه دي و يبطل و الصوت بيفضل موجود ! ، و مهندس السمكره و الدهان راجع علي كل الكاوتشات علي اساس ان ممكن يكون هواء و برضه مفيش حاجه ! ، فقالي كده العربيه سليمه بس مش عارفيين الصوت جي منين !


و استلمت العربيه و جربت حوار اني امور في الوقت اللي بيظهر فيه الصفاره لقيت اني اول ما امور الصفاره بتروح !!! و أول ما ارجعها تاني علي ال d قبل ما تقل السرعه عن ٨٠ الصفاره بترجع !!!!!!

ف انا مش عارف اعمل ايه ؟!! ، ارجع اوتو ايجيبت تاني ؟؟ ، ولا اروح السبع ؟!! ولا اعمل ايه !!