تقرير+ صيانه 1000 صني 2014

[Farouk fox]

بسم الله الرحمن الرحيم

اولا انا كان معايا ماركه ياباني تاني معروفه اوي بدون ذكر اسماء المهم جبت الصني بعد التفكير في كذه حاجه الشكل الجديد

اداء العربيه:

السرعه والسحب علي انها 1500 كويسه مش وحشه احسن من الماركه الياباني ايها

الفرامل معقوله ممكن نديها جيدجيدا بغض النظر عن المشاكل التوكيل بيعملها و دفعات 2014 انا سالت المفروض مفهاش العيب ده ربنا يستر ( بسم الله ما شاؤ الله)

العربيه واسعه من جوه اوي
العفشه كويسه بس مش امتياز بس احسن من صحبتنا ايها كانش ناشفه اوي
عندي زي زنه و اما بزود بحش بيها في الدواسه البنزين بس كل الي ركب العربيه قالي بطل وسوسه

الطابلوه الخامات وحششششه بس مقبوله (تمن العربيه قليل بالتالي هيقل في الخامه)

التكيف امتيييياز (ماشاء الله)

شكل العربيه اكتشفت لو اتظبط صح هتكون حاجه تانيه هو شكلها مش قبيح هي اذواق

انا كنت مرعوب منها من اللي بسمعه عنها بس الناس مزودها مفيش حاجه كلمله 100% و الفرامل ما بتتعمل

العربيه عاليه مش واطيه في المطبات ولو معاك اوزان هتريحك

استهلاك الوقود انا مش عجبني التانك بيعمل حوالي 360 كيلو داخل البلد

الكاوتش ( لا تعليق) ( لا تعليق) بس ماشي يعني لولا الزلط طول ما انت ماشي تسمع صوت تكتكتكتكتك

تقفيل جيد

الدهام الاكصدامات وحشه وحشه ودي نقطه مش عجباني انما السياره كعام الدهان كويس

صوت الكاسيت تمام و المساحات تمام

درج التخزين وحش صغير اوي

صيانه الالف 1000

زيت توتال
فلتر وورده للفلتر
تربيط عفشه
auto egypt

الي عايز يشتريها يتوكل علي الله

[shawke hamed]

صح شكلها قبيح لكن كل واحد وله زوق

[J A G U A R]

تقرير جيد

[saddam]

صديقي المواطن
مبروك عليك وشكرا لنقل التجربة الحية لتعم الفائدة كل أخوتك أعضاء المنتدى الكرام وننتظر منك كل جديد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Batman372]

الف مبروك ... و شكرا لتقريرك الحيادى و العملى جدا ...
هى من الاخر عربيه اعتماديه و افضل اختيار فى فئتها السعريه ...
بخصوص الشكل اكيد هو اذواق لكنها ليست قبيحه ...بل بالعكس و مقبوله جدا جدا ..
استمتع بها :)
تحياتى ...

[osamaos20022]

صيانه 1000 بكام لو سمحت

[Farouk fox]

صيانه 1000 بكام لو سمحت

حوالي 380

[medo-312]

صح شكلها قبيح لكن كل واحد وله زوق

كل شوية واحد يطلع يقولك شكلها قبيح .. طيب ماهى عربية زى اى عربية مش غالية فيها 4 عجلات وسقف وشنطة ودركسيون !! عايزينها تبقى ازاى يعنى ؟؟ خلينا نقول مش عاجبنى فيها كذا وكذا مش قبيحة !! الملافظ سعد ..

[edodahab]

ريح دماغك و اعمل زيى و سيبك من الهبل دة
ناس تغم

[Farouk fox]

كل شوية واحد يطلع يقولك شكلها قبيح .. طيب ماهى عربية زى اى عربية مش غالية فيها 4 عجلات وسقف وشنطة ودركسيون !! عايزينها تبقى ازاى يعنى ؟؟ خلينا نقول مش عاجبنى فيها كذا وكذا مش قبيحة !! الملافظ سعد ..

انا ضد اي حد يقول شكلها قبيح العربيه دي لو اتظبطط علي مزاجك هتبقي 100% اكتر ما هي كويسه

هي اذواق مش اكتر وربنا يكفينا شرها جميعا

[Farouk fox]

صح شكلها قبيح لكن كل واحد وله زوق

انا مقولتش انه قبيح :)

شكل العربيه اكتشفت لو اتظبط صح هتكون حاجه تانيه هو شكلها مش قبيح هي اذواق (ده كلامي)

[S O P H O S]

مبروك الصيانة

[farouck]

بصراحة انا شايف ان العربية شكلها مش بطال وموصلتش ولا عمرها هتوصل للشكل القبيح لا سمح الله وامكانياتها بالنسبة لسعرها ممتازة جدا" . حتي وإن وجدت بها عيوب فهي عيوب بسيطة وممكن حلها وربنا يبارك لكل اللي مقتنيها واللي هيقتنيها وادعوا لي استلمها علي خير ان شاء الله انا حجزها من شهر تقريبا" ( فئة السوبر صالون ) .

[احمد كاكتوس]

بصراحة انا شايف ان العربية شكلها مش بطال وموصلتش ولا عمرها هتوصل للشكل القبيح لا سمح الله وامكانياتها بالنسبة لسعرها ممتازة جدا" . حتي وإن وجدت بها عيوب فهي عيوب بسيطة وممكن حلها وربنا يبارك لكل اللي مقتنيها واللي هيقتنيها وادعوا لي استلمها علي خير ان شاء الله انا حجزها من شهر تقريبا" ( فئة السوبر صالون ) .

حضرتك حزت عند مين وقلولك هتستلم امتي انا بقالي شهر ونص حاجز عند اوتو ايجبت ابو رواش

[farouck]

حضرتك حزت عند مين وقلولك هتستلم امتي انا بقالي شهر ونص حاجز عند اوتو ايجبت ابو رواش

انا اسف علي التأخير في الرد - انا حجزت عند الاتحاد الوطني للتجارة والاستثمار في شارع النزهة جنب دار الدفاع . وقالولي الاستلام هيكون بعد شهر ونصف تقريبا"
ولكن في المجمل ما رأيك حضرتك في هذه السيارة هل أكمل واستلم واتوكل علي الله ولا الغي الحجز بعد كل الكلام المتضارب والاراء المختلفة لهذه السيارة .