رجاء المساعده

[sNIPER_007]

السلام عليكم يا جماعه

انا لسه شاري صني 2009 من 4 ايام

والنهرده وانا بركن جنب الرصيف ونازل الباب اتفتح جامد وفي حته بويه كده نزلت
اتجرح حته صغيره كده

ياريت اعرف لو ليها اسبراي او اي حاجه تتداري خصوصا انها صغيره
بس تكون حاجه كويسه متأثرش علي الدهان ولا حاجه
مع العلم اني مش ف القاهره او الاسكندريه يعني حاجه تكون متوفره
والعربيه لونها اسمر

واكون شاكر ليكو جدا

وربنا يحميها من العيب وميحصلش حاجه تاني



شكرا

[noon_eg]

لو الحته اللى اتقشرت صغيره يبقى ممكن تجيب قلم دوكو اسود من اللى كنا بنكتب بيه النمر زمان وتستخدمه فى تلوين الحته الصغيره

اما لو الحته كبيره شويه يبقى ممكن تشترى 1/8 كيلو بيويه اسود من نفس نوع ورقم العربيه وتستخدم القطنه بتاعت تنضيف الاذن فى انك تلقط الحته اللى اتقشرت ولا انصحك بان تحاول ترشها لانها لسه زيرو وربنا يبارك لك فيها

ويا ترى ايه اخبار العربيه معاك وتقيمك لها ايه خصوصا انها 2009 ؟؟

[sNIPER_007]

الف شكر ليك يا باشا

ان شاء الله اعملها ب الدوكو

وبالنسبه للعربيه بسم الله ماشاء الله جميله جدا انا لسه مجربتهاش جامد لانها بقالها 4 ايام جدا بس انا اترحت للعربيه جدا وشايف ميزاتها مغيطه علي عيوب بسيطه مأثرتش عليا