ايهما افضل الشكل الجديد ام القديم

[ibrahimsaad]

بعد حيره طويله قررت اجيب نيسان صنى ومحتار بين الشكل الجديد والقديم

ايهما افضل

من حيث استهلاك الوقود

من حيث المتانه والصاج

لانى لما شفت موضوع عن حادثه للشكل الجديد على سرعه 60 مبتهدله

[medo-312]

ا.ش.. ا.قديم صاج اثق. ................................ م.ت.ر 1600 ................................ ث.ات اع.ى .عد سرعة 120 .................................اي.جد منها س..ر صا..ن 2014 ................................ .اي.جد .ها e................s ا. ................................................ ................................ استه.ا. .نزين أع.ى من ا.ش.. ا.جديد
ا.ش.. ا.جديد ................................ صاج اخف من ا.ش.. ا.قديم ................................ ارتفاع اع.ى عن ا.أرض ................................ صا..ن .شنطة ا.سع ................................ ي.جد .ها e................s , ................................................ ................................ .ا.ر ناعم جدا ................................ استه.ا. .نزين أق. من ا.ش.. ا.قديم ................
ا.ش.. ا.عام .ا.نس.ة ..أثنين مخت.ف .أختيار. مسأ.ة أذ.اق ................................ .معنى فى ناس عاج.ها ا.قديم .مش قا..ة ا.ش.. ا.جديد .ناس مش عاج.ها ا.قديم .مرتاحة جدا ..ش.. ا.جديد ... .احد .يه ذ.قه .أس.ا.ه فا.م.ض.ع ده تحديدا يرجع.. أنت

[medo-312]

فى خ.. فى ا.منتدى .عد اعتم.. ا.مشار.ة تظهر ا..تا.ة نقط

[medo-312]

[ibrahimsaad]

هو المنتدى ماله الكلام والحروف بايظه

[Mohammed Fadl]

بص انا معايا 2012 اوتوماتيك شكل قديم .. من حيث استهلاك البنزين فهو عالي جدا جدا بصراحه .. من حيث الصاج متهيقلي كويس او يصل الى كويس جدا كمان ..

بس في حاجات تانيه المفروض تقارن بيها .. يعني من حيث النعومه الشكل القديم صوت الماتور فيه عالي و العزل الخارجي سيء جدا (الشكل الجديد متهيقلي كويس نسبيا) .. من حيث الثبات القديم كويس (يقال ان الجديد مش كويس اوي .. انا مجربتش عشان متاخدش على كلامي في الحته دي) .. من حيث مثلا وسع الصالون فهي ضيقه نسبيا في الكنبه ورا و الى حد ما الكرسي الامامي (انا طويل بضطر ارجعه للاخر و انيم الضهر حاجه بسيطه عشان ابقى مرتاح) انما الشكل الجديد انا ركبته مره ورا ما شاء الله بحر بمعنى الكلمه ومفيهوش الحته العاليه اللي تحت الرجلين اللي بتبقى في النص ورا دي .. من حيث الشكل دي بقى ازواق و انت ورايك .. من حيث الماتور و السحب هي تعتبر 118 حصان في حين ان الشكل الجديد 108 لكن لما ركبتها ورا حسيت انها بتجمع بسرعه مع صاحبي يعني مش بطه بلدي :) .. وفي الاخر حاول تشوفهم مع حد من اصحابك او معارف اصحابك قبل متاخد قرار .. و ربنا يوفقك للي فيه الخير :)

[waleedrahmy]

الشكل القديم افضل كثيرااااااااااااااااااااااااااااا

[frag]

بص يادكتور ابراهيم على حسب معلوماتى الشكل الجديد 1500 cc والشكل القديم 1600 cc
وده يفرق طبعا فى استهلاك الوقود وصالون الشكل الجديد ماشاء الله واسع وعلى حد علمى
الشكل القديم صاجه أمتن ولكن رأيى الشخصى ان ده مش مربط الفرس تأمين شامل على
السيارة منذ لحظة خروجها من مكان شراءها والله خير حافظا وهو ارحم الراحمين ...
انا معايا الشكل الجديد وشايفه أفضل ودى أراء وأذواق
استخير رب العالمين والله المستعان

[gold_777]

راي انا لما اشتريت اتفرجت الاول على الشكل القديم وركبته من الخلف وركبته من الامام وسوقت العربيه
وركبت الجديده فى الشكل
وشوفت الفرق
اولا الوسع فى الكنبه الخلفيه
شكل الكونسول الامامى مع الكاسيت طبعا مختلف
ثانيا وده الاهم لقيت ان عجله القياده فى الشكل القديم تقيل وجعلى ايدي من كتر الماسكه وتقلها
لما سالت عرفت ان الشكل القديم باور عادي زيت
الجديد زي التيدا كهرباء اسرع اسهل اخف بكتير

ثالثا العفشه انعم من القديم
استهلاك البنزين الفرق مش كتير اوى كله على حسب الطريق ونوع القياده
هذا والله اعلم
ملحوظه طبعا الصاج لصالح القديم

[jos]

الشكل القديم : ثباته احسن عافشتها انشف..صاجه اتقل ..ماتورها 1600 بس تكنولوجى قديم..عزلها وحش .. صالونها ديق ورا...باورها زيت وتقيل .. استهلاكها للبنزين عالى جدا اول 10000 وعالى بعد كده ...كاوتشها بردحجستون يابانى ممتاز ..تابلوها خامته احسن بس كاسيت وحش والعدادات شكلها مش حلو..

الشكل الجديد (سوبر صالون): ثباتها ااقل.عفشه انعم..صاج اخف.. ماتور 1500 بس تكنولوجى حديث وبيدى عزم وسحب ممتاز حتى مع التكييف...صالونها واسع جدا..باور كهربا وناعم...استهلاكها للبنزين اقتصادى...كاوتش ماكسيس صينى معفن...تابلوها خامته مش اد كده بس اشيك وكاسيت بلوتوث جميل جدا وعدادات رياضيه بانوار ليدات شكلها حلو ومزوده بكمبيوتر وعداد بنزين وحراره ديجيتال ..فيها ايمبولايزر
شوف انت عاوز ايه من العربيه وقرر لو مش فارق معاك الاوبشنز وصاحب عيله ومشاويرك كتيره وبتورح الارياف تجيب شوال الارز وشوال الدقيق وعاوز حاجه تستحمل الاستعمال القاسى وتسد معاك يبقى خليك فى القديم لو غير كده يبقى استمتع بالشكل الجديد

[edodahab]

متنساش ان الجديدة فيها 2 airbags , abs , ebd و القدبمة مفيهاش

[ibrahimsaad]

الف شكر ياجماعه على ردودكم القيمه
هى فعلا معادله صعبه ان الواحد يلاقى فى العربيه كل مايتمناه ولذلك لابد من التنازل عن اشياء فى مقابل اشياء اخرى

انا محتاج للعربيه طبعا للاستخدام المنزلى وطبعا فعلا انا بروح الارياف اجيب شوال رز احيانا وده اللى مخلينى اختار الشكل القديم لانه افضل من ناحيه الصاج والقوه والتحمل والصور دى لصنى الشكل الجديد صاحبها بيقول حصلها كده على سرعه 60 ك بس

[mamdouhsh1973]

السلام عليكم انا كنت محتار زى حضرتك كدة بالضبك وعملت كل المقارنات فى الدنيا وخصوصا ان الشكل القديم اتوماتيك مش موجود غير بالاوفر برايس الجديد فية حاجات حلو بس شوارعنا اجميلة عايزة حاجة ناشفة بالاضافة ان كل قطع الغيار والاكسسوارات متوافرة للشكل القديم وباسعار معقولة ولما اشتريتها من حوالى شهرين وحتى الان بصراحة لم اندم يوم بالعكس حسيت انى كسبت السيارة المناسبة وبالتوفيق طبعا

[edodahab]

العربية دى ممشيتش اصلا و مالهاش صاحب و معتقدش ان دة ممكن يحصل على سرعة ٦٠
كبر دماغك

[edodahab]

بس دة ميمنعش ان صاجها اضعف من القديمة طبعا