مشكله فى فرامل الصنى، ربنا يستر

[mgmhah]

السلام عليكم و رحمة الله و بركاته
أحلى سلام لرجالة نيسان ، أخوكم عضو جديد فى نيسان بس متابعكم من سنه تقريبا
المهم اشتريت نيسان صنى مستعمله مو 2010 و عاملة 66000 كم ، العربيه بسم الله ماشاء الله جامده بس لاحظت صوت تكتكه لما بادوس على الفرامل عشان أهدى قبل مطب مثلا ، مع العلم ان صوت التكتكه بيكون سريع و بعدين بيبطأ ، و مابيظهرش خالص على السرعات العادية ولا فى شوارع الطرق الداخلية .
سألت صاحب العربية اللى قبلى (مع العلم انه قريبى و سواقته محترمه قوى و محافظ على العربيه) قالى الصوت ده عادى و كان معايا من اول ماشتريت العربيه زيرو ، سألت واحد صاحبى اشترى نفس الشكل القديم بس 2014 ، قالى عنده نفس الملحوظه ، بس انا عايز حد يطمنى من خبراء نايل موتورز ، الكلام ده طبيعى ولا فيه خطوره ؟؟؟، و شكرا.

[Akram.Gamal]

هي لو فيها aps يبقا ده صوته و متقلقش من حاجه
اما لو مكنش فيها يبقا معنديش فكره

[karim_adel37]

انا معايا صنى 2011 اوتواماتيك و مقابل نفس المشكلة و مش عارف ليها حل

[AHMADKAMAL1]

يا جماعة دة Abs ودة بيظهر صوتة وكان فى دربكة تحت رجيل وصوت تخبيط تحت الرجل ودة علشان الفرامل ما تقفش وتديك مرونة فى المناورة والعربية ما تزحفش ودة سوال متكرر لان النظام دة جديد على المصريين ومعظم العربيات ما بتنزلش بيهم خصوصا عربيات غبور