إعـــــــلان

Collapse

.

,
See more
See less

عيب في تقفيل نيسان صني 2014

Collapse
X
 
  • Filter
  • الوقت
  • Show
Clear All
new posts

  • عيب في تقفيل نيسان صني 2014

    حبيت انقل لكم تجربة زميل لي في العمل معاه صني الجديدة و ماشية حتي الان 12000 كم.
    كنا طالعين في مأمورية في الاسكندرية بعربيته و انا بصراحة كنت اول مرة اركب العربية دى بس لفت انتباهي اول مركبت وسع العربية الرهييب وبدأت اتكلم معاه علي العربية و كان مبسوط بيها جدا بس كان متضايق من الفرامل في الاول بس قالي انهم اتغيرو في التوكيل و المشكلة الي الان اتحلت.
    المهم واحنا في طريقنا عدينا عند كوبري مرغم و هناك كان فيه بركة ميه فعدينا عليها زى كل العربيات معدت عادي و المية مكانتش عالية خالص، المهم و احنا ماشيين سامعين صوت كأنك حاطت جركن ميه مش مليان في العربية و الميه اللي فيه بتعمل صوت كأن حاجة بتلق !!!
    المهم ركنا علي جنب و فتحنا الكبوت و الشنطة ملقناش حاجة ، فقلنا ممكن يكون شوية مية او طينة لزقت في العربية من تحت، المهم وصلنا الشغل و لما خلصنا ركبنا العربية حسينا اننا داخليين جوة ثلاجة و برطوبة غير طبيعية فقعدنا ندور و شلنا الدواسات لقينا الموكيت بتاع العربية كلو مبلول ، فكلمنا الدليل سألناه علي اقرب توكيل نيسان في الاسكندرية المهم رحنا وكشفنا علي العربية المهندس قالنا ان فيه ميه دخلت في العربية و انهم لازم يفكو الارضية وهتاحد وقت فقررنا نرجع القاهرة و نوديها في مصر.
    انا طبعا مرحتش معاه بس لما رجعنا وداها تاني يوم ابورواش و فحصو العربية و المهندس قالو نفس الكلام و انهم لازم يفكو الكراسي و الفرش و ينضفو و انها سوء استخدام و تكلفتها 800 جنيه طبعا هو اتعصب عليهمو قعد يزعق و قال ان ده عيب صناعة و تقفيل في العربية و انه مش هيدفع ولامليم و كمان عاوز يحضر فك العربية عشان يشوف العيب فين و الميه دى جت منين عشان يثبت انه عيب صناعة، طبعا المهندس رفض حضوره فصديقي قالهم ابدأو الاصلاح و نشوف العيب فين الاول.
    المهم ساب العربية و بعد 4 ايام كلموه قالو له العربية جاهزة ، فراح يستلم العربية و هو متضايق جدا و عاوز يعرف الميه دخلت منين فالمهندس بيقولو ان المجرى بتاعة تسريب الميه في العربية مسدودة طبعا كلام مش مقنع ﻷن المجرى دي من فوق العربية و معدية من الشنطة نزولا الي الاكصدام لخارج العربية و طبعا المهندس مش عارف ايه اللي حصل للعربية و بيحاول يحور عليه فرد عليه و قالو ان العربية نزلت في بركة ميه و مش عاليه و كل العربيات اللي جنبينا نزلت فيه فالمهندس سكت متكلمش و جالو مهندس تاني كان صريح وواضح و قالو ان المية دخلت من الباب الخلفي شمال !!! طب ازاي دخلت يا باشمهندس ؟ منعرفش ، بس ده سوء استخدام و حضرتك لازم تدفع 800 جنيه و كمان كده الضفيرة اللي جوة في الارضية بقت خارج الضماان !!
    طبعا قعد يزعق و هددهم بحقوق المستهلك و بأنه يبعت لليابان و يعملهم مشكلة ، فالمهندس قالو خلاص لو حضرتك مش عاوز تدفع مفيش مشكلة بس احنا مش هينفع نضمنلك عمل الضفيرة الداخلية.
    المهم اخد العربية و كان متضايق جدا من التجربة السيئة دى و مستغرب من الميه دى جت منين ﻷنه كان معاه فيرنا من سنتين ايام مكان فيه سيول و ياما دخل فيها مع العلم ان الفيرنا واطية جدا و عمره محصل كده او سمع ان عربية اتملت ميه !!!
    psycholain سابقا

  • #2
    بص يا كبير اللي اقدر اقولوا ان دا عيب فردي لان انا معايا العربيه من سنه و عمري محصل معايا كدا الحمد لله و هو من حقو ان يتصلح و في الضمان و ممكن يجرب هو يشوف الميه بتيجي منين يستعمل خرطوم ميه و يضربه في الاماكن اللي شاكيك فييها و ربنا يهديه و يوصل للمكان و يروح اي توكيل يحط صباعه فعين التخين لو قالولوا دا استخدام لان دا عيب تقفيل

    Comment


    • #3
      المشاركة الأصلية كتبت بواسطة hatahet مشاهدة المشاركة
      بص يا كبير اللي اقدر اقولوا ان دا عيب فردي لان انا معايا العربيه من سنه و عمري محصل معايا كدا الحمد لله و هو من حقو ان يتصلح و في الضمان و ممكن يجرب هو يشوف الميه بتيجي منين يستعمل خرطوم ميه و يضربه في الاماكن اللي شاكيك فييها و ربنا يهديه و يوصل للمكان و يروح اي توكيل يحط صباعه فعين التخين لو قالولوا دا استخدام لان دا عيب تقفيل
      انا برضو حاسس انه عيب فردي، بس هو خايف قوى من موضوع الضفيرة ده و متضايق انه دفع دم قلبه في عربية زيرو بتسرب مية من تحت !! و في الاخر التوكيل يقولوله عيب استخدام !
      psycholain سابقا

      Comment


      • #4
        بص انا بصراحه بفضل لو راح اتو ايجبت ابو رواش و اعتقد هناك هيظبطو الدنيا لو محصلش اللي هو عاوزه ممكن يدخل لمكتب مدير الصيانه و يشرحلو الموضوع وان شاء الله يصلحو الموضوع و لو تبين انه عيب تصنيع لازم ياخد ورقه بكده او يثبت الحاله وضمان حقه في ضفيرة الكهربا و لو لاقدر الله محصلش استجابه للشكوي ممكن يكلم حمايه المستهلك و بجد الجهاز بتاع حمايه المستهلك هو الحاجه الوحيده اللي بتخوف اي شركه وخاصه فمجال السيارات بس ان شاء الله ميحتاجش لكدا

        Comment


        • #5
          حاجة غريبة عشان انا كمان اليومين المطر اللى فاتو دخلت فى برك كتير و محصلش حاجة
          غالبا مشكلة فردية و دى احد اهم مميزات التقفيل المصرى
          و توميل معفن بصراحة

          Comment


          • #6
            مع انى مش من ملاك العربيه بس احب اقول رايى ان ده مش عيب فى العربيه ولا اى حاجه اى عربيه لو فكيت فرش الارضيه بتاعتها هتلاقى طبه فى ارضية العربيه ممكن تكون مش متركبه وللعلم انا معايا سيفيك 2012 و يابانى مش تركى ولا مصرى و انا بستلمها كان فيه كيس فيه عدد 2 طبه علشان لما القديمه تستهلك وافتكر ان الموضوع ده حصلى قبل كده فى تويوتا ايكو كنت اضطريت افك فرش الارضيه و نسينا نركب الطبه و العربيه غرقت ميه فى الشتاء من الاخر راى لا ده عيب تقفيل ولا حاجه

            Comment

            Working...
            X