هام جدا" لكل حاجزي - الصني 2014

[farouck]

السلام عليكم ورحمة الله وبركاته - وكل عام وانتم بخير
أولا" بخصوص حجز السيارة النيسان الصني 2014 - انا حاجز السيارة السوبر صالون بالامكانيات اللي انتم اكيد عرفنها يوم 21/ 11/ 2013 وفي انتظار الاستلام منصف الشهر الجاري ان شاء الله . ولكن لاحظت في احد الموضوعات تأكيد زيادة السعر لكل الحاجزين ولم يستلموا الي الان والسبب هو تغيير التكييف العادي بأخر تاتش واحتمالية تغيير شكل التابلوه.
فعلي الفور قمت بالاتصال بشركة الاتحاد الوطني للتجارة والاستثمار والتي قمت بالحجز من خلالها للتأكد من صحة هذه المعلومة وأفادوني بالاتي:-
زيادة 1000 جنيه لموديلي ال ex ( مانيوال - أوتوماتيك )دون أي إضافة للكماليات الموجودة .
زيادة 2000 جنيه لموديل ال super salon أيضا" دون أي إضافة للكماليات الموجودة .
فأتمني من كل الحاجزين التأكد من صحة هذه المعلومة وإفادتنا أيضا" بكل ما هو جديد في هذا الموضوع . مع العلم انني لا أري أي داعي لهذه الزيادة .
ثانيا" : بالنسبة لأداء السيارة فأنا لم أقود هذه السيارة من قبل ولكن للعلم عندما أسأل كل اللي مقتنيها فتكون الاجابة ( عربية ممتازة جدا" ) فيا ريت لو انتم موافقين علي الزيادة أن لا تضعوا أنفسكم في وضع حيرة وتوكلوا علي الله .
وأخيرا" أنا أسف علي الاطالة . والسلام عليكم ورحمة الله وبركاته

[edodahab]

يعنى التكييف التاتش طلع فتية
يا عم كل حاجة بتزيد هى جت على الصنى
يلا ان شالله ما حد حوش

[aoqda]

انا ما استلمتش من 31 اكتوبر !

ومعاد الاستلام عدا قبل الزيادة واشتكيت الشركة اللي بيمطوحوني كل شوية ويجيبولي مواصفات غير اللي انا طالبها...

وربنا يستر !

انا سمعت ان الزياده في حدود 3000 وليس الفين للسوبر صالون.. يارب يكون كلامك صحيح انهم 2000 بس

[ibrahimsaad]

طيب انا حاجز من المصريه ومفروض استلم فورى بس قالوا لى مفيش عربيات دلوقت استنى كمان يومين وعدى 4 ايام ولسه ماستلمتش وبيقولوا السعر هيزيد بس ماقالوش كام

ايه وضعى انا كمان المفروض انى باشترى بسعر السوق مش حجز فهل تنطبق على الزياده

[a_raafat]

طيب انا حاجز من المصريه ومفروض استلم فورى بس قالوا لى مفيش عربيات دلوقت استنى كمان يومين وعدى 4 ايام ولسه ماستلمتش وبيقولوا السعر هيزيد بس ماقالوش كام

ايه وضعى انا كمان المفروض انى باشترى بسعر السوق مش حجز فهل تنطبق على الزياده

بس أنا هاقولك تجربتي مع المصرية
انا كنت حاجز العربية ex sallon من المصرية يوم الاربع اللي فات
دفعت الف جنية مقدم و روحت للرجل الخميس و كان معايا الفلوس بس ما كنشي فيه غير اللون الاسود و انا ما كنتش عايزه
قولتله اسيبلك الفلوس كلها 109 و اخد وصل و استلم العربية لما اللون يجي قالي لأ و ما تخافشي و مش هتغلي
استنيت لحد الاحد و اللون ما جاش
روحتله علشان اخد الاسود و مالقتهاش و قالي العربية هتغلي
تاني يوم لفيت عليها ما لقتشي غير واحدة في سمير رييان ذهبي 109.5
و واحد سودة عند القرش ب110
و لقيت واحد نبيتي ب110 بردوا
جبت النبيتي
و انا واخد العربية و مروح عديت علي المصرية أخدت الالف جنية المقدم
العربية كانت غليت بقت 111
و في واحد كات هنا في المنتدي انها موجودة في سمير ريان ب114.5 ارخص حاجه

http://www.nilemotors.net/Nile/397722-sensor-2014-a.html

هتلاقيه أخر رد في الصفحة الاولي

[ibrahimsaad]

بس أنا هاقولك تجربتي مع المصرية
انا كنت حاجز العربية ex sallon من المصرية يوم الاربع اللي فات
دفعت الف جنية مقدم و روحت للرجل الخميس و كان معايا الفلوس بس ما كنشي فيه غير اللون الاسود و انا ما كنتش عايزه
قولتله اسيبلك الفلوس كلها 109 و اخد وصل و استلم العربية لما اللون يجي قالي لأ و ما تخافشي و مش هتغلي
استنيت لحد الاحد و اللون ما جاش
روحتله علشان اخد الاسود و مالقتهاش و قالي العربية هتغلي
تاني يوم لفيت عليها ما لقتشي غير واحدة في سمير رييان ذهبي 109.5
و واحد سودة عند القرش ب110
و لقيت واحد نبيتي ب110 بردوا
جبت النبيتي
و انا واخد العربية و مروح عديت علي المصرية أخدت الالف جنية المقدم
العربية كانت غليت بقت 111
و في واحد كات هنا في المنتدي انها موجودة في سمير ريان ب114.5 ارخص حاجه

http://www.nilemotors.net/nile/397722-sensor-2014-a.html

هتلاقيه أخر رد في الصفحة الاولي

اشكرك
انا سحبت حجزى من عندهم وحجزت فرع اباظه اوتوتريد كفرالشيخ وهااستلم بكره بنفس السعر القديم 114 الف قبل مايرفع

[Mohammed abdo]

انا تعاقدت على نيسان صنى 2014 سوبر صالون يوم 16-11-2013 فى معرض نيسان اوتو ايجيبت - المهندسين بسعر 119.500
وتم الاتفاق على الاستلام بعد شهر ونص
وقام اليوم 1-1-2014 المعرض بالاتصال بى وابلاغى بأن سعر السياره زاد مبلغ 1000 جنيه وذلك لان تم تغيير التكييف والمسجل
واصبح التكييف تاتش والمسجل بشاشه
اريد منكم التأكيد عن صحة هذا الكلام

[essam assem]

امبارح يا جماعة كنت عند سمير ريان وكل الموظفين هناك بتاكد على خير ذياد مبلغ ٣ الاف جنيةبفى السوبر صالون وذيادات اخرى لشركات تانية زى اوبل وتويوتا وكيا وربنا يستر مش عارف هنرو فين تانى

[waleedrahmy]

هما للاسف بيحطوك بين نارين
1-نار الاوفر برايس ال بيوصل 5000جم
2- ونار الانتظار شهرين مع احتمال رفع السعر

[Yousef.Kamel]

والغريب انك تشوف الناس بتشترى

[farouck]

ما هو لو زيادة السعر هييجي فعلا" بتغيير التكييف والكاسيت للافضل انا شايف ان دي ميزة مش عيب .
ولكن لو زيادة بدون اي تعديل او اضافات كده يبقي فيه كلام تاني. بس ياريت لو فيه حد استلم وكان حاجز في الفترة اللي احنا بنتكلم عليها دي . ارجوكم يفيدنا علشان نعرف راسنا من رجلينا ونقدر نقيم هؤلاء الموزعين اللي المفروض انهم معتمدين وكل واحد فيهم بكلمة . وشكرا"

[RamiAbbas]

نصيحة لأي حد ممكن يقدر يسترجع فلوسه و يجيب عربية تانية يعملها لأن العربية فراملها مش كويسة (العربية معايا بقالها 10 شهور و عامله 12 الف كيلو و مغير تيل الفرامل مرتين) و تقفيلها تعبان جدا
طالما هتغلى و في حاجات تانية ثابتة على سعرها زي البيجو و الستروين و تقفيل خارج مصر و انضف يبقى اختيار احسن من النيسان

[a_aseda]

انا حاجز نيسان سوبر صالون في اتو ايجيبت ابو رواش
وتم الاتصال بي
وتأكيد زيادة 2000 جنيه
لان التكييف اتغيير لتاتش بدلا من البكر
...
وبخصوص موضوع البيجو 301 او السيتروين
الفئة العادية 109 الف مانيوال .. اتوماتيك بدون كماليات او جنوط اسبور 123
اما الفئة التي تقابل السوبر صالون فسعرها تقريبا 129 الف
والفروق لا تذكر
فكيف اترك النيسان بموتورها المتطور والسعر الاوفر
واروح للاسباني (مع احترامي) بنفس الامكانيات والسعر اوفر 10ز000 الف جنيه
...
وكمان توكيلات بيجو وستروين ..... ولا تعليق
وجهه نظر

[arc_sherif_81]

الفئة التي تقابل السوبر صالون فسعرها تقريبا 136 الف و ليس 129

[medo-312]

احنا مش هانخلص من موضوع الستروين والبيجو ده والاايه ؟؟