تظلم المخالفات

[AYMANEZZE]

ياجماعة انا روحت اجديد العربية بتاعتى لاقيت مخالفات ب 1879.5 جنية وفيها مخالفة ب 1500 جنية وبيانها تعمد السير عكس الاتجاه ب 1000 جنية + الرعونة فى السرعة 20 جنية +التسبب دون متقضى فى تعطيل حركة المرور 500 جنية ودا ماحصلش خالص ومخالفة 300 جنية تجاوز السرعة المقررة وغير مخالفتين الانتظار فى الممنوعة فى يوم واحد كل واحدة فيهم ب 20 جنية المهم بتاع المرور قالى اعمل تظلم فى الدراسة المهم روحت الدراسة وجيبت طلب التظلم ومكتوب فيها اقول اسباب التظلم بصراحة مش عارف اكتب ايه ياريت حد يقول اكتب ايه وهل حد مر بموضوع دا والتظلم خفض المخالفات ولا اية ولا مالهوش فايدة ياريت النصيحة منكم
وشكرأ

[beshoyyy]

ربنا معاك بجد
حاجة تحرق الدم و خصوصا لما تكون مظلوم
انا اخر مرة وانا بجدد لاقيت عندي مخالفة تجاوز سرعة في مدينة العبور مش عارف ازاي ودية كانت المخالفة الوحيدة طول حياتي من 17 سنة

[Mohamed.Hany]

ربنا معاك بجد
حاجة تحرق الدم و خصوصا لما تكون مظلوم
انا اخر مرة وانا بجدد لاقيت عندي مخالفة تجاوز سرعة في مدينة العبور مش عارف ازاي ودية كانت المخالفة الوحيدة طول حياتي من 17 سنة

هما اكيد شافو الصورة اللي انت حاتطها اللي ماشي فيها علي 190 فدوك مخالفة سرعة

[meero_boy2000]

انا من رأيي جرب تعمل تظلم لان المبلغ كبير وربنا يعوض عليك انا لسه لابس برضه من 15 يوم والسنه اللي فاتت عملت برضه تظلم ومجبش نتيجه بس المبلغ كان صغير انا من رأيي جرب وان شاء الله خير

[beshoyyy]

هما اكيد شافو الصورة اللي انت حاتطها اللي ماشي فيها علي 190 فدوك مخالفة سرعة

المخالفة كانت بعربيتي القديمة و كانت في مدينة العبور
و العبور زحمة و مافيهاش مكان تجري فية

[Mohamed.Hany]

المخالفة كانت بعربيتي القديمة و كانت في مدينة العبور
و العبور زحمة و مافيهاش مكان تجري فية

ياباشا دى كانت دعابة

[د.محمدعبدالعال]

مخالفة السير عكس الاتجاه ليس لها تظلم .. لازم تدفع

[shifo]

والله دا كلام فارغ وحصل قبل كده نفس المخالفه اللى جات لحضرتك وكان قيمتها 1700 جم بس الغريب انها فى مكان عمرى ماكنت فيه ( منطقة اثر النبى بالقاهرة) علما بانى من الاسكندرية - المهم بعد التظلم تم تخفيض المخالفه لكام ؟
والله العظيم اصبحت 100 جم فقط ورغم انها ىاصلا ظلمم لكنى حمدت ربنا - وكيل النيابه طبعآ عرف ا نها اونطه

وعمار يامصر