أمامى تيدا ومحتاج المشوره من خبراء التيدا

[bido]

السلام عليكم
الساده اعضاء نايل موتورز الكرام أمامى نيسان تيدا 2009 فبريكه بالكامل العداد 34000ك حاله ممتازه هاى لاين خليجى
المطلوب 105000 هل السعر مناسب؟
وهل التيدا 2009 تقفيل مصرى ولا إيه؟
وما هو الفرق بين الخليجى والوكيل؟

[amr011111]

التيدا 2009 سياره يابانيه تقفيل يابانى

من اول 2011 فهى سياره بمكونات يابانيه تقفيل مكسيكى
العربيه اللى انت بتتكلم عليها هاتش ولا سيدان
الهاتش باك كان بينزل منها 3 فئات اول فئه اتوماتيك جنوط حديد
تانى فئه جنوط المونيوم
تالت فئه تزيد عن التانيه بوجود فتحة سقف

الاوبشن اللى فى كل الفئات
اتنين ايرباج - فرامل abs+ebd+ba
امكانيه تحريك الطاره لاعلى ولاسفل
كاسيت cd-aux


الفئه التانيه والتالته تزيد عن الفئه الاولى بوجود طاره مالتى وجنوط المونيوم

كان تقريبا سعر اول فئه هاتش باك فى حدود 120 الف
تانى فئه كانت ب 125
والتالته كانت تقريبا ب 130

بالنسبه للسعر مش هقدر افيديك اوى

طبعاً هات تقرير عن العربيه من التوكيل
وده له فرع فى ابوراوش الكيلو 26 و 28
وفيه فى الدقى
وفيه فى المعادى

[kokowasfy]

هى لو بل حالة دى فعلان تبقى تستاهل اكشف عليها فى التوكيل و جيب تقرير عن كل كبيرة و صغيرة و ممكن تخلص 95 مثلا

[bido]

amr011111 . kokowasfy شكرا على الإفاده . هى العربيه سيدان وحالتها ممتازه بس السعر عالى شويه انا فى تقديرى 95 الف بس موش عارف هل تقديرى صح ولا لأ؟
ومش عارف ايه الفرق بين الخليجى والوكيل
معلش طولت عليكم بس ارجو الافاده .
مشكورين

[jojojojo]

نصيحه مني هات التيدا هاتش بالك السيدان بتعوم ومش مطلوبه اوي زي الهاتش باك تاني حاجه العربيه سعرها عالي المفروض تكون تحت ال100 الف ومتنساش تكشف علي اي عربيه مستعمله في التوكيل قبل عمليه الشراء وربنا يوفقك للخير

[Dr.A.Nabil]

السعر مغالى فيه جدا
85-90 ألف أقصى تقدير بالكثير اوي
يعني في السوق العربيه دي ماتعديش ال 80 الف اصلا
انا كان معايا هاتش باك 2008 بيعتها ب 82
السيدان سعرها في السوق بينزل اكثر من الهاتش باك

[Yousef.Kamel]

مهمه جدا فحص السياره فى التوكيل