عملت حادثة و محتاجة نصائحكم لو سمحتم

[أبوعلي]

السلام عليكم
. ارجو المساعدة لو سمحتم
انا عربيتي صني ٢٠١٠ سوبر صالون عملت حادثة ، الباب اليمين الأمامي و الخلفي اتبهدلو الي حد ما و لكن بيقفلو و يفتحو عادي، عاوز أغير البابين دول و اسأل حضرتكم

طبعا خائف اسأل علي سعرهم في التوكيل عشان الصدمة!
لكن
لو اشتريت بابين استيراد فين اضمن و أأمن مكان اشتري منه في الحرفيين او غير ؟
و اركبهم فين؟ لأني من ساعة ما اشتريت العربية ما بروحش غير التوكيل.

أخيرا ، لو اشتريت استيراد كدا العربية اصبحت مش فابريكة صح؟
لانه لو مش فابريكة العربية سعرها هاينزل الارض.

انا عاوز لما اجي ابيع اقدر اقول فابريكة دواخل و خوارج فعلا.

شكرًا لكم جميعا

[khaled181169]

الشراء من الحرفيين أو وكالة البلح ولو البابين بنفس لون العربية ومش هيترشوا هتبقى العربية فابريكة ولو اللون متغير يبقى هترشهم بلون العربية وفى حالة البيع عادى الاجناب رشه فى معظم السيارات من الشوترع الجميلة بتاعتنا بس ما تكونش الخبطة ليها تاثير على القوايم وبالتوفيق

[أبوعلي]

شكرًا جزيلا استاذ خالد علي الرد ، لكن هل ممكن حد يبيع لي الباب في الحرفيين علي انه فابريقة و هو اصلا مرشوش ، هل فيه طريقة مأمونة غير اني أخد سمكري لأني معرفش اي سمكري و لا جربت قبل كدا؟

[starlanos]

صوت رنه الباب ودور في الباب كويس البوية اكيد هيبان

[beshoyyy]

ربنا يعوضك انشاء الله
و يا ريت تسال في التوكيل الاول علشان تعرف الاسعار الجديد قبل ما تجبهم استراد
و بالتوفيق

[أبوعلي]

انا روحت توكيل السبع و لسة راجع منه الوقتي. قالو لي الباب الأمامي و موجود ٢٢٥٠ ج و الخلفي مش موجود و ب ٢٢٥٠ جنيه من غير دهان و فيه كمان مش فاكر كم ٪ ضريبة.
و اتصلت بالتليفون ب اوتو التوكيل اللي في ابو رواش قالو نفس الأسعار و الأمامي و الخلفي متوفريين.

في مهندس هناك قالي خلي سمكري نضيف يعملك الخبطة و استهلك البابين لحد ما يجيبو آخرهم علشان تحلل فلوس البابين الجداد لو اشتراهم!؟؟

[mohamed10]

ورشة نايل موتورز فيها الاستاذ كريم منير وهما ناس محترمين وشغلهم نظيف وعن تجربة بس اتصل بيه وخليه يعاين البابين وهيقولك على الصح وربنا معاك وقدر الله ماشاء فعل

[ibrahimsaad]

ربنا يكون فى عونك بس حرام تجيب بابين جداد

صلح البابين وامشى بيهم وخليها تاخد العين