استفسار عن مصنعية ميكانيكي

[mabdelmageid]

يا جماعة أنا عربيتي عند الميكانيكي وبعمل فيها شوية شغل كدا وكنت عايز أعرف هتتكلف كام المصنعية عشان ميضحكش عليا


أنا هعمل شوية الحاجات دي:

تغيير بلي عجل قدام (الإتنين) وتغيير صرة ورا
تغيير تيل أمامي وخلفي
تغيير السيور
تغيير بلية بكرة التكييف (مش عارف إيه الحوار دا بس هوا قالي غير البلية دي عشان خشنة)
تغيير طقم الدبرياج (اسطوانة وديسك وبلية)
تغيير زيت الموتور وتغيير زيت الباور


بس كدا - وياريت تلحقوني بسرعه ف الردود

[moumen_hs]

تغيير بلي عجل قدام (الإتنين) وتغيير صرة ورا 80 جم تقريبا
تغيير تيل أمامي وخلفي 40 جم
تغيير السيور 25 جم
تغيير بلية بكرة التكييف (مش عارف إيه الحوار دا بس هوا قالي غير البلية دي عشان خشنة)
تغيير طقم الدبرياج (اسطوانة وديسك وبلية)120-150 تقريبا
تغيير زيت الموتور وتغيير زيت الباور 10-20 جم
الاسعار بالتقريب طبعا
و الصح كان يجب حضرتك تتفق معاة قبل الشغل هو دة المفروض

[mabdelmageid]

شكرا يا moumen_hs علي ردك

يعني بحسبة بسيطة كدا كلو علي بعضو حوالي 350 جندي .. ع العموم هوا قالي 400 وقعد يحلفلي ميت يمين إنه عامل معايا واجب والكلام دا ومرضاش ينزل تعريفه

و الصح كان يجب حضرتك تتفق معاة قبل الشغل هو دة المفروض

عندك حق - أنا فعلا كان لازم أتفق معاه وشكرا ع النصيحة هبقي أعمل بيها إن شاء الله