بدايه سيئه جدا مع خدمه نيسان

[ibrahimsaad]

اليوم اتصلت برقم تفعيل ضمان نيسان 16244

خلص رصيدى على سماع اعلانات نيسان وانتظر خليك معانا هيرد عليك احد موظفى خدمه العملاء ولا حد عبرنى ولا حد رد على وخلص رصيدى دون عمل اى شئ

بصراحه ........ واستخفاف بالعملاء وبصراحه صرفت نظر عن تفعيل الضمان ..........................

تنبيه بمراعاة اداب الحوار
م.ع.4

[hatahet]

انا كنت كلمتهم من الارضى و الساعه 10:30 الصبح (كن تكون حضرتك اتصلت في معاد راحه
نصيحه الضمان مهم جداااا

[FrozenFire]

هدي بس خلق حضرتك.

حاجة من إتنين: يا إما في ضغط شغل على الكنترول سنتر أو إنهم كانوا في راحة.

بلاش الموبيل تتصل منه عشان المكاملة بتطول جدا في أي خدمة عملاء. تي إي داتا مثلا المتوسط بتاعها ربع ساعة ولينك زيها وحتى شباكات المحمول برضه كده. أنا والله وبدون مبالغة كنت بكلم بنك مصر وقعدت 45 دقيقة عقبال ماردوا عليا.

بالنسبة للضمان لاااااااااااااااااااااااااااااازم وحتما ولابد منه

والسلام ختام

[ibrahimsaad]

بالعكس انا اتصلت فى موعد عملهم الرسمى وبعت شكوى على ايميل الشركه الموجود على موقعهم

انا مستعد استغنى عن الضمان وكمان صيانتهم بالشكل ده لان ده استهتار واسلوب رخيص فى استبزاز العملاء لو مش فاضيين مثلا يقول اتصل فى وقت لاحق او الخط مشغول او شئ انما يسيبنى كده ومشغلى لى اعلانات وقله ادب هم فاكرين الناس ايه فاضيين لهم ولا لاقينن فلوسهم فى الشارع

انا مستعد كمان ابعت شكوى لنيسان الام لو حد يعرف ايميلهم يدوهونى احنا لازم نخلى الاشكال اللى زى دى تحترم عملائها احنا بنشترى عربيات بفلوس كثير مش ببلاش يبقى لازم يحترمونا شويه لان طول مااحنا كده بنتنازل عن حقوقنا هيركبونا

[J A G U A R]

حاجه تزهق فعلا

[hatahet]

للاسف هو دا حال بلدنا كل حاجه بتمشي غلط الاول و لما نتخانق و نطلع عين بعض نقول هو الصح ايه
حضرتك معاك حق في كلامك بس نصيحه كلمهم تاني و الضمان لازم يتفعل
و لو حصل معاك نفس الموضوع لازم تسجل المكالمه من الاول للاخر لو حابب تقدم شكوي
بس نصيحه اوعي تفرط في تفعيل الضمان

[أحمد عبدالله]

وجعلنا بعضكم لبعض فتنة اتصبرون

[شادى عبدالمنعم]

اليوم اتصلت برقم تفعيل ضمان نيسان 16244

خلص رصيدى على سماع اعلانات نيسان وانتظر خليك معانا هيرد عليك احد موظفى خدمه العملاء ولا حد عبرنى ولا حد رد على وخلص رصيدى دون عمل اى شئ

بصراحه قله ادب واستخفاف بالعملاء وبصراحه صرفت نظر عن تفعيل الضمان ومنعول ابوهم شركه زباله

السيد العضو المحترم انا استلمت زى حضرتك ومكنش فى اى مشاكل نهائى وردوا عليا فورا وفعلت الضمان ارجو من حضرتك الاتصال فى مواعيد العمل الرسميه وكأى شركه ذات طابع خدمى للجمهور تتعرض لضغط ؛ فشركات عمﻻقه فى خدمة العمﻻء كفودافون وموبينيل وغيرهم على الرغم من وجود قاعدة من موظفى الخدمه كبير إﻻ اننا دائما مانجد منهم تقصير وانتظار طويل .
فأرجو اخذ ذلك فى الإعتبار وشكرا لحضرتك .

[ibrahimsaad]

السيد العضو المحترم انا استلمت زى حضرتك ومكنش فى اى مشاكل نهائى وردوا عليا فورا وفعلت الضمان ارجو من حضرتك الاتصال فى مواعيد العمل الرسميه وكأى شركه ذات طابع خدمى للجمهور تتعرض لضغط ؛ فشركات عمﻻقه فى خدمة العمﻻء كفودافون وموبينيل وغيرهم على الرغم من وجود قاعدة من موظفى الخدمه كبير إﻻ اننا دائما مانجد منهم تقصير وانتظار طويل .
فأرجو اخذ ذلك فى الإعتبار وشكرا لحضرتك .

استاذ شادى

صدقنى اتصلت فى اوقات العمل وهى من 9 ص حتى 7 مساء كما قالوا
وفى كل مره اتصل بيهم يحصل نفس الشئ

ومع ذلك هاحاول تانى غدا صباحا

انا اعلم انه قد يكون هناك ضغط ولكن يجب ايضا ان يحترموا العملاء

فمثلا يمكن ان يعطيك الخط مشغول او اتصل بوقت لاحق او اعد الاتصال فى وقت كذا هناك الف وسيله لاحترام العميل لكن ان يرغمك على سماع اعلانات من اجل تحقيق ربح مع شركه الاتصالات ويركنك على الخط فهذا اسلوب رخيص غير مقبول

[edodahab]

حاجة مستفزة بس ان كان ليك عند التوكيل حاجة قله يا سيدى
الضمان مهم جدا

[شادى عبدالمنعم]

استاذ شادى

صدقنى اتصلت فى اوقات العمل وهى من 9 ص حتى 7 مساء كما قالوا
وفى كل مره اتصل بيهم يحصل نفس الشئ

ومع ذلك هاحاول تانى غدا صباحا

انا اعلم انه قد يكون هناك ضغط ولكن يجب ايضا ان يحترموا العملاء

فمثلا يمكن ان يعطيك الخط مشغول او اتصل بوقت لاحق او اعد الاتصال فى وقت كذا هناك الف وسيله لاحترام العميل لكن ان يرغمك على سماع اعلانات من اجل تحقيق ربح مع شركه الاتصالات ويركنك على الخط فهذا اسلوب رخيص غير مقبول

السيد العضو المحترم ،،،،،،،،،،
دعنا نتعامل معهم بالحسنى فى البدايه ونقول ان لكل جواد كبوه .
وبالتوفيق ..........

[Yousef.Kamel]

انا برده اتصلت بتوكيل تويوتا اكتر من4 ايام وردوا بعد 16 دقيقه انتظار

[gundal]

أنا لسه مفعل الضمان حالا .. رغم إني اتصلت امبارح وقعدت 5 دقائق محدش رد .. لكن دلوقتي على طول .. جهز رخصة العربية وورقة أو دليل استخدام السيارة علشان تسجل فيه كود الضمان .. بالتوفيق إن شاء الله

[beshoyyy]

اليوم اتصلت برقم تفعيل ضمان نيسان 16244

خلص رصيدى على سماع اعلانات نيسان وانتظر خليك معانا هيرد عليك احد موظفى خدمه العملاء ولا حد عبرنى ولا حد رد على وخلص رصيدى دون عمل اى شئ

بصراحه ........ واستخفاف بالعملاء وبصراحه صرفت نظر عن تفعيل الضمان ..........................

تنبيه بمراعاة اداب الحوار
م.ع.4

تحياتي لحضرتك
معلش هدي نفسك شوية متخليش موضوع بسيط يضيع فرحة العربية
انا بكلمهم كتير جدا و علي طول حظي معاهم كويس
ممكن يكون في مشكلة في السنترال الداخلي بتعهم
و مبروك عليك العربية الجميلة

[Ah.Farid]

من فضلكوا انا اشتريت نيسان صنى 2014 واستلمتها فى نفس اليوم من سمير ريان وادانى خطاب علشان اروح للتوكيل مع صيانة 1000 كيلو واستلم الضمان
السؤال هوا انا كدة بعد ما استلم الضمان افعلة ولا اتصل بيهم دلوقتى وافعل الضمان ؟
ولكم جزيل الشكر