مطلوب رايكم يا شباب

[zoromeme]

انا معايا نيسان صني 95 كنت جيبها استعمال من فترة وكانت ماشية 65 الف و الحمد الله مشاكلها قليله جدا بس كل مرة احتاج ميكانيكي لازم يبوظلي حاجة عشان يصلح حاجة تانية المهم العربية كملت ال 100 الف فكنت بفكر اروح التوكيل اعمل صيانة ال 100 الف لو ينفع محتاج رايكم جدا في الموضوع دة خصوصا انا من الأسماعيلية اسف جدا على التطويل .....

[kokowasfy]

فعلان التوكيل احسن حاجة فية انو مضمون وكمان اى حاجة تركبها فى العربية بتبقى غالبا اصلى بس بردو على فكرة الى فى التوكيل صنيعية بردو

[jojojojo]

بس اسال في التوكيل عن حاجتها موجوده ولا لا وخد بالك التوكيل اسعاره نار

[zoromeme]

شكرا ليكم kokowasfy و jojojojo على اهتمامكم

على فكرة الى فى التوكيل صنيعية بردو

معاك حق كلهم صنيعية بس جايز يبقو فاهمين شويه في العربية عن الصنيعية اللي رحتلهم :)

بس اسال في التوكيل عن حاجتها موجوده ولا لا وخد بالك التوكيل اسعاره نار

طيب تقدر تفدني برقم تليفون لو سمحت
عايز اقولك انا حتي مش لاقي ليها فلتر بنزين عندنا في اسماعيلية للأسف دا انا حتي يوم مستلمتها روحت أغير زيت و فلتر الراجل قلي الفلتر موجود بعد ما نزل الزيت بيركب الفلتر طلع مش هو طلع بتاع الصني الجديدة كنت هتجنن فالأخر ركبت واحد بتاع جيتا مؤقتا لحد موصل للفلتر بتاعها الأصلي نفسي اعرف مكان أجيب منو قطع غيارها الأصلي

[Yousef.Kamel]

مودرن موتورز هتﻻقى حاجتها فيه