سؤال عن نيسان صني 2011

[Badrawy]

السلام عليكم

انا معروض عليا نيسان صني موديل 2011

كنت عاوز اعرف ايه مميزات وعيوب النيسان صني الموديل ده عموما

وسعر العربيه دي ايه في السوق لان صاحبها قالي اسعرها علشان اشتريها هوه قريبي يعني

هيه نيسان صني موديل 2011 ماشيه 35 الف فابريكه برا وجوه وفيها بعض الخدوش وفانوس خلفي مكسور وهيه تقريبا اي اك صالون الى هيه طاسات وهيه اوتوماتيك

عاوز اعرف متوسط سعرها ايه ؟

وشكرا

[MUSTFA]

موديل كويس جدا ( حمارة شغل ) .. صاج تقيل ومحمل .. ثبات ممتاز .. تابلوه مقبول .. عزل مقبول .. استهلاك البنزين عالى الى حد ما .. ممكن تعمل 80 - 90 الف تقريبا

[jojojojo]

توكل علي الله وهاتها عربيه ممتازه واعتماديه جدا ومشاكلها قليله وقطع غيارها متوفره وبالنسبه لاسعار العربيات اللي بنشوفها دلوقتي سواء زيرو او مستعمل العربيه تعتبر افضلهم سعرهم وافضلهم امكانيات وعداد العربيه كويس جدا وربنا يوفقك للخير وهي تعمل من 80 الي 85

[Yousef.Kamel]

هى فعﻻ تعمل زى الزمﻻء قدروها بس افحصها فى التوكيل ب 300 جنيه فى ابو رواش

[J A G U A R]

من 80 ل 90 سواء كانت مانيوال او اوتو او ex او سوبر

[ATAHOON]

عربية ممتازة اعتمادية عالية ثبات ممتاز على السرعات قوة ماتور و عفشة تكيف ممتاز و تعمل من 85 الى 90 الف جنية

[Badrawy]

اشكركم على الاستجابه وان شاء الله خير

[wardet]

سعرها التمام 88

[hplv]

عربية ممتازة جدا صاجها تقيل فعلا ضيقة حاجة بسيطة من ورا وعزلها كويس برده بس بيقل على السرعات العالية وسحبها جيدجدا
بالنسبة للسعر زى ما الاعضاء الكرام قالو بس انا عارف ان صاحبها هتلاقيه بيقولك 100 الف كل الى بيبع دلوقتى بيستهبل لو جابلك سعر زى ما الاعضاء قالو اكشف عليها علطول واشترى لو تمام

[Badrawy]

طيب انا عاوز مواضيع هنا عن الصني 2011 لو حد عدي عليه موضوع مهم اعرفه قبل ما اشتري العربيه :d