اوتو ايجيبت ولا مودرن موتورز

[hatemfox2005]

عاوز نصيحه انا عملت حادث بالنيو صني العربيه اتخبطت من ورا الاكصدام والشنطه باظو الحمد لله علي كل شي وانا مامن علي العربيه وكنت عاوز اصلحها وانا ساكن في عين شمس ومركز خدمه مودرن موتورز قريب مني جدا واتو ايجيب بعيد عني قوي محتاج نصيحه اصلحها فين

[MELKASHEF]

تجربتي أنا وواحد صاحبي مع السبع كانت ممتازة
العربية بتخرج فوق الممتازة
السبع مش بعيد عنك
هوا عند كارفور المعادي
ربنا يحفظك ويرضيك في العربية وألف سلامة عليك

[heeshooheeshoo]

مودرن موتورز لا أعلم عنه شىء
السبع بزهراء المعادى ممتاز عن تجربة وإن شاء الله حترجع فابريكة ومش حتعرفها

الحمد لله على سلامتك
وتقبل تحياتى ،،،

[hatemfox2005]

الف شكر علي الردود
يعني السبع ده كويس احسن اوتو ايجيبت

[mem]

السبع ثم اوتو ايجيبت ثم مودرن

[شادى عبدالمنعم]

تجربتى فى أوتو إيجبت كانت فوق الممتاااااااااااااااازه لم أقم بتجربة السبع

[hatemfox2005]

نتوكل علي الله ونروح السبع

الف شكر لسرعه ردود الاعضاء

[ahmedhu]

الشيىء الوحيد الذى نجح فيه هذا التوكيل هو جعلك تندم على شراء نيسان صنى

شكوى من خدمة مابعد البيع وجدية الضمان لسيارة نيسان صنى فى مصر

1- اشتريت سيارة نيسان صنى 2013 الشكل الجديد

2- حدث تلف فى رولمان بلى العجل الخلفى بعد 56 الف كيلو متر
3- توجهت الى مركز خدمة نيسان (مودرن موتورز - الهايكستب) فى القاهرة وحددت لمهندس الاستقبال طبيعة العيب
4- قرر المهندس ان السيارة لابد ان تبيت فى التوكيل نظرا لعدم قيامى بالحجز المسبق (علما بأن العطل مفاجىء ولم يمكن التنبؤ به قبل حدوثة للحجز)
5- ارتضيت بهذا واستسلمت للامر الواقع علما بأنى اقيم خارج القاهرة
6- بعد بيات السيارة بالمركز فوجئت بهم يتصلون بى للحضور لاستلام السيارة بدون اصلاح وذلك نظرا لعدم وجود قطعة الغيار بالمركز

من المعتاد دائما فى هذا المركز التهرب من اجراء ايه اصلاحات تندرج تحت بند الضمان وذلك بالاصرار على مبيت سيارات الضمان حتى ولو كانت المشكلة مجرد سلك مفكوك نتيجة سوء التجميع

من المعتاد ايضا تحديد مواعيد حجز الصيانة الدورية بعد فترات تصل ل3 اسابيع فى معظم الاحيان

ان هذا التعامل لهو اسوأ دعاية لهذه السيارة فى مصر

دكتور مهندس / احمد حسين الفقى
ت : 01001225339

[M.mahmoed]

ربنا يكرمك
هوانا تجربتى مع اوتو ايجيبت كانت سيئه من يوم ما جيلت العربيه و هيا فيا مشكله فى قطمه الدريكسيون و لحد دلوقتى عامل ١٣٥٠٠ كيلو ولسه المشكله متحلتش ، و ليا واحد صاحبى برده راح اوتو ايجيبت علشان كان عنده مشكله فى الفتيس قالوله انت مغير كاسبت بره التوكيل فالعربيه كلها هتخرج بره الضمان و العربيه عايزه تغير فتيس فهيتغير على حسابك علشان العربيه خرجت من الضمان المهم الكلام ده كله كان فى فرع ابو رواش فهو قام رايح على مودرن ايجيبت فى ابو رواش فقالوا ليه ان الفتيس عايز يتغير و هما هيغيروه على حسابهم لان العربيه لسه فى الضمان ، فيه فرقفى التعامل كبير و انا الى مرت بيه مع اوتو اجيلت كان سئ جدا و لسه بس مستنى مشكله قطمه الدريكسيون تتحل بإذن الله و هروح اجرب مودرن ايجيبت بنفسى بإذن الله