:::: فتيس الجوك 31 الف جنيه.....ايه الحل؟

[star101]

صديق ليا اشترى نيسان جوك مستعمله من شهرين كانت عامله 19 الف كيلو من يومين اكتشف عيب فى الفتيس والعربيه مش بتجيب اكتر من 20 كليو طلع على التوكيل اكتشفوا ان عداد العربيه ملعوب فيه...وقالوا ان العربيه كده خرجت من الضمان والفتيس الجديد 31 الف جنيه....يا ترى ايع الحل؟

[أحمد عبدالله]

يرجع لصاحبها

[eng wael]

لا حول ولا قوة الا بالله
حسبى الله ونعم الوكيل فى الناس اللى بتنصب وتتحايل
طبعا يرجع لصاحبها رغم ان اكيد ان اللى بالاخلاق دى مش هياخد منه حق ولا باطل
ولو موصلش لحاجه يستعوض ربنا ويجيب واحد جديد

[2CODE]

بصراحة انا اروح ارجع للمالك القديم وارمي العربية في وشه

يا اما حاجة من اتنين يديني فلوسي يا اما يحل الفتيس يا اما اروح في حديد بسببه !!!!!!!!!!!

والله اعلى واعلم ده مش ذنبك

[J A G U A R]

بصراحة انا اروح ارجع للمالك القديم وارمي العربية في وشه

يا اما حاجة من اتنين يديني فلوسي يا اما يحل الفتيس يا اما اروح في حديد بسببه !!!!!!!!!!!

والله اعلى واعلم ده مش ذنبك

+11111

[abogoda]

انزل الحرفيين وأمرك لله وشوف فتيس استيراد يعوض عليك ربنا

[شادى عبدالمنعم]

حسبى الله ونعم الوكيل فى انعدام الضمير اللى اصبح فى دم الناس للاسف اصبحنا أمه ( منتهية الصﻻحيه ) .......نفس الموقف حصل مع والدى من سنه تقريبا فى عربيه لوجان 2013 كانت عامله 5700 كيلو وبالبﻻستيك الابيض اللى على الكبوت والسقف وللاسف اشتراها وإكتشفنا بعد كده انها مخبوطه من الامام خبطه محترمه ومتغير لها رفرف وكبوت وطبعا من جوه وﻻيبان عليها حاجه ؛؛ وصديق لى اشترى عربيه كوروﻻ ولما جه يرخص اكتشف انه مبلغ بسرقتها ؛؛؛؛؛؛ فعﻻ الواحد من كتر مابيحصل حوالينا بقى بيخاف يشترى مستعمل خصوصا لو عربيه حديثه ، صديقى العزيز للاسف ملكش غير حل واحد دور على مالك العربيه واتصرف معاه .

[Ahmed_Adham]

طب عداد الكيلومتر ملعوب فيه انما دفتر الضمان اللي متسجل فيه الصيانات ايه أخباره؟ اللي حصل حصل وانتهى بس اللي يشتري عربيه موديل حديث لازم يطلب دفتر الضمان ويشوف الصيانات فيه بتواريخها والكيلومتر ومفيش مانع يطلب الفواتير من البايع وكمان ياخد المالك بالعربيه ويطلع التوكيل يتأكد من صحه كل البيانات وان العربيه زي الفل.

[mk3]

نفكر براحه العربيه موديل حديث ازاى المالك الاصلى معيرش فتيس بالضمان
الا لو عامل كيلو متر عالى اوى اوى

[M I D O]

لا حول ولا قوة الا بالله ..
بس عداد ملعوب فية ازاي و العداد ديجيتال وبعدين هل المالك القديم كان بيعمل صيانات في التوكيل وانت كمان ولا لا لان لو بتعمل صيانات ومعاك فواتير حقك تغيرة في الضمان اصل 31 الف كتيييييييييير اوي دة غير الضرائب و المصنعيات ممكن تقفل 35 الف

[amgomaa]

مش بعيد اشتغاله من التوكيل علشان ينفض لتغيير الفتيس يجرب مع صاحب العربيه و فى فرع تانى و كمان حماية المستهلك

[saddam]

صديقي المواطن
قولا واحدا
إنت لو رجعتها لصاحبها مس حتاخد منه حق ولا باطل والدنيا متساويش خناقات مش حتوصلك لحاجة وأنا لو مكانك مبدئيا أعمل لفه عالحرفيين وبورسعيد أشوف نصاص للعربية وأشوف اﻷسعار لو لغاية 10 آلاف أركب لا والله أكتر أي صديق أو أنا بنفسي طالع الإمارات أو السعودية واﻷفضل اﻹمارات أجيبلي نص عربية بمبلغ تافه أو.مكنة بفتيسها أو على مزاجي منها رحلة ومنها أشوف الجديد كل ده ولا أدفع 31 ألف في فتيس أشتري من مواطن مصري وأنفعه على قفايه لو وقفت أعملها ميدالية العربية ولا أجيبلها فتيس ب 31 ألف جنيه والحلول كتير جدا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[devil_storm]

دور علي فتيس استراد و ربنا يعوض عليك

[speed_magnum]

بصراحه يا باشا صاحبك يستاهل

ليه ما كشفش في التوكيل قبل ما يشتري العربيه
؟

[star101]

بالمناسبه يا جماعه العربيه صاحبى كان شاريها من شهرين وهى عامله 19000 كيلو لما راح التوكيل قالوا العربيه اخر مرة عامله صيانه من سنه كانت 24000 كيلو وقالوه كده خرجت من الضمان وهتغير الفتيس على حسابك