عاوز أعمل فرش للعربية ياريت نصيحة

[Drsmash]

أنا عاوز اعمل فرش للعربية نيسان صني 2014 اللون أسود
يكون السعر حلو و خامات نظيفة و طبعا الفرش مش جاهز تفصيل علشان بيبقي اشيك

حد يعرف مكان حلو و أسعاره حلوة
لان صاحبي بيقولي رقم خزعبلي

[Drsmash]

معلش فيه ملحوظة كمان هو مفيهاش مؤشر حرارة ولا انا بيتهيألي و اعرف ازاي ان العربية سخنت لاقدر الله !

[Yousef.Kamel]

جينز كار خلف بنزينه شل ش الطيران

[hossamalsadik]

ده الى اعرفه من خلال المنتدى
جينز كار - نايل موتورز - NileMotors.net - المواضيع المرتبطة دلاليا مع جينز كار

[Drsmash]

جينز كار خلف بنزينه شل ش الطيران

مهو ده اللي جابولي سعره بيبدأ من 1000 جنيه !

[ahmedteam]

عليك و على جينز كار زى ما الاعضاء قالولك لو الكاشات مش مظبطه دلوقتى استنى شويه و اعمل عنده علشان تاخد شغل نظيف بالمره

متنساش تعمل الارضيه جلد كمان و مش هتندم و هتدعيلى

[edodahab]

لو الكاشات معجزة انزل دمشق
بالنسبة لمؤشر الحرارة هو موجود بس فى السوبر صالون و دى من الحاجات المستفزة بس متخافش عشان فية نور تابلوه هيظهر لو العربية سخنت

[J A G U A R]

جينز كار غالى بس شغله عالى الصراحه

[gundal]

فعلا زي ما كلهم قاله جينز كار محترمين جدا وراقيين .. أنا لسه عاملها عنده امبارح لنيسان جوك .. إن شاء الله هعمل موضوع بالصور كلها أول ما أصورها .. جلد الألماني عنده بضمان 4 سنين وخيط أي لون وتقفيل ممتاز .. بيقول إن الجلد مبيسخنش ولا بيتحرق وسهل التنظيف وكمان وأنت ماشي ادوني هدية منظف كده في علبة للفرش ومخدتين للمخادع وكام حاجة كده .. في 5 ساعات خلص كل حاجة .. عملته فرش أسود وخياطة لونها أحمر إن شاء الله الموضوع هنزله قريب فيه كل التفاصيل ..

[شادى عبدالمنعم]

جينز كاااااااااااار فوق الممتاز ولن تندم يعيبه سعره العالى

[mo'men tendawy]

فعلا زي ما كلهم قاله جينز كار محترمين جدا وراقيين .. أنا لسه عاملها عنده امبارح لنيسان جوك .. إن شاء الله هعمل موضوع بالصور كلها أول ما أصورها .. جلد الألماني عنده بضمان 4 سنين وخيط أي لون وتقفيل ممتاز .. بيقول إن الجلد مبيسخنش ولا بيتحرق وسهل التنظيف وكمان وأنت ماشي ادوني هدية منظف كده في علبة للفرش ومخدتين للمخادع وكام حاجة كده .. في 5 ساعات خلص كل حاجة .. عملته فرش أسود وخياطة لونها أحمر إن شاء الله الموضوع هنزله قريب فيه كل التفاصيل ..

ربنا يباركلك يا صديقى
انا كنت ناوى اروح اعمل عندهم الفرش وكنت قلقان بس حضرتك شجعتنى وخصوصا ان لون العربيه اسود برضو بس نيو صنى . . . وواضح ما شاء الله انك راضى عن شغلهم . . . ياريت تنزل الصور وتقولنا كلفتك كام ؟

[heeshooheeshoo]

أنا معايا صنى سوبر صالون 2010 .. من حوالى سنتين عملت فرش جلد وأرضية بالكامل عند جينز كار .. وحصل أكثرمن مرة ناس مايعرفوش الصنى يركبوا معايا وكان سؤالهم فى كل مرة :"هى السوبر صالون بتنزل بفرش جلد؟!!"
ولم يكن أحد يصدق أنه فرش تفصيل .. بصراحة الغالى ثمنه فيه

وتقبل تحياتى ،،،

[mahmoudshoukry]

فعلا زي ما كلهم قاله جينز كار محترمين جدا وراقيين .. أنا لسه عاملها عنده امبارح لنيسان جوك .. إن شاء الله هعمل موضوع بالصور كلها أول ما أصورها .. جلد الألماني عنده بضمان 4 سنين وخيط أي لون وتقفيل ممتاز .. بيقول إن الجلد مبيسخنش ولا بيتحرق وسهل التنظيف وكمان وأنت ماشي ادوني هدية منظف كده في علبة للفرش ومخدتين للمخادع وكام حاجة كده .. في 5 ساعات خلص كل حاجة .. عملته فرش أسود وخياطة لونها أحمر إن شاء الله الموضوع هنزله قريب فيه كل التفاصيل ..

ممكن الصور لو سمحت انا حاجز معاهم بس محتار في الالوان

[mamdouhsh1973]

طيب حد ممكن يقول على الاسعار

[mamdouhsh1973]

واية الفرق بين الجاهز والتفصيل