السحب في سرعه الصني

[احمد كاكتوس]

السلام عليكم انا معايا صني سوبر صالون وعامل لغايه دلوقتي 700 ك وعلي اساس كلام الأعضاء انا ما بئرص عليها وحاسس ان السحب مش اوي وال ار بي ام مابيعلاش عن 2.5 وجربت السرعه لغايه 100 ولقيته وصل 3 قولت كويس لأن انا بمشي جوه البلد ومش هتيجي السرعه زياده عن كده وجربت تاني بس لقيت ال ار بي ام برضه 2.5 انا مش عارف كده العربيه سحبها كويس ولا ايه ولا اجرب ازود عن 100 واشوف ولا اعمل ايه

[M I D O]

متعديش 3 ار بي ام يا باشا وبعد الالف كيلو افتح الموتور و اقرص و جرب العربية لاكن متنتظرش سحب قوي اوي لان محرك السيارة 99 حصان يعني لية درجة اداء معينة

[J A G U A R]

بلاش تقرص عليها فى اول 1000 كيلو علشان اداء العربيه بعد كده ميقلش

[Hanytoto12]

انتظر حتي صيانة الألف كيلو وحاول ماتعديش الآر بي إم عن 2.5 والسرعة عن 80 علي قد ماتقدر .. بعد صيانة الألف كيلو دوس يا سيدي وفعلا السحب كويس بس إن مش راكب مرسيدس :)

[mo'men tendawy]

استاذ / احمد
ماتقرصش على العربيه لحد ما تعدى ال 1000ك وماتزودش ال rpm عن 3 . . . .وماتستعجلش
هى العربيه فى الاول كده بيكون السحب ضعيف بس بعد ما تمشي بيها شويه هاتتظبط
انا كان السحب معايا فى الاول ضعيف زى كده وكنت قلقان برضو بس بيتحسن بالتدريج ولما وصلت ل 3000 او 4000كم تقريبا بقى ما شاء الله ممتاز وهاتكون راضى عنه باذن الله وربنا يوفقك

[احمد كاكتوس]

استاذ / احمد
ماتقرصش على العربيه لحد ما تعدى ال 1000ك وماتزودش ال rpm عن 3 . . . .وماتستعجلش
هى العربيه فى الاول كده بيكون السحب ضعيف بس بعد ما تمشي بيها شويه هاتتظبط
انا كان السحب معايا فى الاول ضعيف زى كده وكنت قلقان برضو بس بيتحسن بالتدريج ولما وصلت ل 3000 او 4000كم تقريبا بقى ما شاء الله ممتاز وهاتكون راضى عنه باذن الله وربنا يوفقك

الف شكر لحضرتك بالفعل انا مبعديش 2.5 ار بي ام بس انا كنت بقول لما السرعه توصل 100وال ار بي ام يوصل 3 ده كويس وانا قربت اوصل ال1000 وكنت عايز اعرف تكلفه صيانه ال 1000 كام بالظبط ولو عديت ال1000 قبل الصيانه فيها مشاكل خصوصا ان مشواري للصيانه ف القاهره هيوصل حوالي 200 ك عشان انا من الأسماعيليه وشكرا