الإيموبيلايزر وتدوير المحرك

[Hanytoto12]

سيارتي صني سوبر صالون الشكل الجديد وطبعا فيها إيموبيلايزر وسؤالي هو:
هل لو عملت مفتاح عادي علي عربيتي عن أي حد وحبيت أدور العربية مش هتشتغل عشان الشفرة؟ وللا هناك إحتمالية إنها تدور؟
ثانيا هل في موضوع السرقة يمكن تدوير العربية بالأسلاك والتشريز وكده وللا لازم المفتاح الأصلي وبس؟
أرجوكم..محتاج معلومات مفيدة عشان موضوع السرقة ده تاعبي جدا وقالقني جدا جدا.
شكرا جزيلا...

[hugan]

لو فيها ايمبوليزر
مستحيل تدو ر الا يمفتاحها الاصلي المزود بشريحه
علشان تطمن اكتر
اعمل مفتاح عموله
وجرب

[mahmoud_ali]

متقلقش يا باشا طالما هيا فيها ايمبولايزر يبقى مش هتدور بالاسلاك اما بالنسبه لان حضرتك تعمل مفتاح فالعربيه مش هتدور غير بمتاحها اللى عليه الشفره وفقط ولا يوجد شك فى ذلك الا اذا الحرامى فك كنترول العربيه كله علشان يعرف يدورها وده شئ مستحيل وبالنسبه للحرامى هوا عايز الحاجه السهله

[ibrahimsaad]

لو عملت مفتاح ممكن يفتح باب العربيه لكن مش ممكن يدور الموتور لابد من تكويد المفتاح على الكمبيوتر بشفره المفتاح اللى معاك انت ودى طبعا مش ممكن لان الحرامى مش معاه الكود ده

اما حكايه تدوير الموتور بالاسلاك ده فمعنديش معلومه عنه واتمنى فعلا يكون كلام الاعضاء صح انه ماينفعش

[Ahmed Saad]

مش هتدور بالاسلاك لان لازم المفتاح يقرا مع الكنترول علشان الدواره

[J A G U A R]

اتفق مع الاراء ...

[yasnme]

متقلقش يا باشا طالما هيا فيها ايمبولايزر يبقى مش هتدور بالاسلاك اما بالنسبه لان حضرتك تعمل مفتاح فالعربيه مش هتدور غير بمتاحها اللى عليه الشفره وفقط ولا يوجد شك فى ذلك الا اذا الحرامى فك كنترول العربيه كله علشان يعرف يدورها وده شئ مستحيل وبالنسبه للحرامى هوا عايز الحاجه السهله

طيب ازاى السيراتو كانت بتتسرق بعد الثورة برغم ان كان فيها ايموبليزر. و سؤالى كى افهم و اطمن

[M.ABDOU]

طيب ازاى السيراتو كانت بتتسرق بعد الثورة برغم ان كان فيها ايموبليزر. و سؤالى كى افهم و اطمن

اعتقد السيراتو كانت مشكله ليها جانب اخر ان فى حد من التوكيل كان متورط وفعلا انا سمعت الاخبار دى

لكن لو عربيه محترمه وفيها ايموبلايزر صعب جدااا انها تشتغل من غير مفتاح

انا عن نفسى اتاكدت فى عربيتى نزلت عملت مفتاح حديد عاادى ب 10 جنيه ودورت العربيه بيه كل الحكايه سمعت صوت المارش بيشتغل لكن العربيه مدارتش خاالص