مساعدة في كيفية غسيل النيوصني :d

[Dr M.Noaman]

بسم الله الرحمن الرحيم ,,

بما أني لسه جايب العربية جديد والحمد لله - عدى أول أسبوع خلاص - فعايز أعرف العربية تتغسل إزاي بما أننا في الشتا يعني .. وكمان عايز أعرف الدلايات بتيجي وتتركب عادي في النيوصني وليها مكان ولا لأ ,,

عمري ما غسلت عربية وناوي أغسلها يوم الجمعة بأمر الله فعايز أعرف آخد بالي من إيه وأستخدم إيه في الغسيل وكدا يعني

[madelonline]

بالنسبه للغسيل اوعي تغسلها ببريل
هات شامبو فورميولا 1 أمريكي ب 25 جنيه ف التوفيقيه وهات نوع ملمع طابلوه كويس
حط غطايين من الشامبو علي نص جردل ميه وامسح العربيه كويس من التراب بفوصه أو بخرطوم ميه وبعدين استخدم سافنجه وخد من الجردل وادعك العربيه كويس وابدأ من فوق لتحت وبعدين سيب الشامبو بالرغوه ع العربيه 10 دقايق وبعدين اشطف بالميه وبعد كده استخدم فوطه ناشفه للتنشيف

ومن جوه بقي لمع الطابلوه بملمع الطابلوه ونضف الأرضيه والكراسي بمكنسه كهربيه

[Dr M.Noaman]

بالنسبه للغسيل اوعي تغسلها ببريل
هات شامبو فورميولا 1 أمريكي ب 25 جنيه ف التوفيقيه وهات نوع ملمع طابلوه كويس
حط غطايين من الشامبو علي نص جردل ميه وامسح العربيه كويس من التراب بفوصه أو بخرطوم ميه وبعدين استخدم سافنجه وخد من الجردل وادعك العربيه كويس وابدأ من فوق لتحت وبعدين سيب الشامبو بالرغوه ع العربيه 10 دقايق وبعدين اشطف بالميه وبعد كده استخدم فوطه ناشفه للتنشيف

ومن جوه بقي لمع الطابلوه بملمع الطابلوه ونضف الأرضيه والكراسي بمكنسه كهربيه

تسلم شكرا جدا جدا ... بس فيه ناس نصحت بشامبو رابيدو بما أنه ملمع كمان إيه رأيك فيه .؟؟

وإيه ملمع التابلوه الأحسن بالنسبة ليك وبيستخدم إزاي ؟؟

وفيه ناس نصحت كمان بفوطة جلد غزال أو فوطة ميكروفيبر فإيه رأيك ؟؟

[ibrahimsaad]

طب انا عايز اعرف بتوع المغسله هل ياترى بيستخدموا هذا النوع من الشامبوا ؟

لانى غسلتها فى المغسله زى عربيات كثير بتغسل لان فى اماكن لازم الميه توصل ليها زى الفجاوى اهم حاجه علشان البارومه

[ibrahimsaad]

د نعمان انا بصراحه لم اركب الدلايات وشايف ان مفيش داعى ليها لانها مهما كان بتحجز ميه بينها وبين الصاج بتعمل بارومه وانا مش ملاحظ اى فرق بينها وبين عدمها

[Dr M.Noaman]

طب انا عايز اعرف بتوع المغسله هل ياترى بيستخدموا هذا النوع من الشامبوا ؟

لانى غسلتها فى المغسله زى عربيات كثير بتغسل لان فى اماكن لازم الميه توصل ليها زى الفجاوى اهم حاجه علشان البارومه

طيب بتغسلها دلوقتي إزاي يا دكتورنا .. وهل كل مرة بتوديها المغسلة ولا إيه ؟

[ibrahimsaad]

انا غسلتها مره واحده بس من يوم ماجبتها من شهر فى المغسله

ومحبش اغسل العربيه كثير علشان البارومه

[Dr M.Noaman]

انا غسلتها مره واحده بس من يوم ماجبتها من شهر فى المغسله

ومحبش اغسل العربيه كثير علشان البارومه

طيب بالنسبة للتراب اللي عليها وكدا بتعمل فيه إيه خصوصا أننا في الشتا ... وللعلم قرأت في الكاتالوج بتاعها إن الأخطر عليها هو ترك الأتربة والأوساخ على سطحها إنما مشكلة الماء هو في الداخل مش كإستعمال خارجي وعشان كدا جايبلها ماكنسة للإستخدام الداخلي يعني

[ibrahimsaad]

بس يادكتور انا بطوقها كل يوم بفوطه عاديه من التراب والمعها

ولو عايز بقى تلمعها كويس احسن من الغسيل بالميه جيب فوطه وخلى اى ميكانيكى يزفرها لك بزيت من عنده بتلمع العربيه جدا

انا كمان جايب بلاور باستخدمه لتنظيف التراب من على الموتور او السطح الخارجى لو حبيت

[madelonline]

تسلم شكرا جدا جدا ... بس فيه ناس نصحت بشامبو رابيدو بما أنه ملمع كمان إيه رأيك فيه .؟؟

وإيه ملمع التابلوه الأحسن بالنسبة ليك وبيستخدم إزاي ؟؟

وفيه ناس نصحت كمان بفوطة جلد غزال أو فوطة ميكروفيبر فإيه رأيك ؟؟

رابيدو كويس بس فورميولا 1 شامبو أمريكي بالشمع لما تغسل بيه هتحس ان العربيه مرايه بدون مبالغه
وبالنسبه للفوط ف أي حاجه هتأدي الغرض بشرط انها متجرحش الصاج والفكره ف السفنجه انها هترغي أكتر
وبالنسبه للملمع هات نوع اسمه flash dash أمريكي برضه ب 35 جنيه هترجه كويس وترش منه كتير علي فوطه نضيفه وتبدأ تطوق بيه الطابلوه كله
النوعين دول هتلاقيهم عند محل اسمه ماجد صليب ف ش زكي ف التوفيقيه وهتلاقي عنده برضه حاجات كتير تخص نضافة العربيه وتلميعها وريحتها

[Dr M.Noaman]

بس يادكتور انا بطوقها كل يوم بفوطه عاديه من التراب والمعها

ولو عايز بقى تلمعها كويس احسن من الغسيل بالميه جيب فوطه وخلى اى ميكانيكى يزفرها لك بزيت من عنده بتلمع العربيه جدا

انا كمان جايب بلاور باستخدمه لتنظيف التراب من على الموتور او السطح الخارجى لو حبيت

كذا حد حذر من إستخدام الفوطة العادية على الصاج عشان بيسيب أثر وكدا ..

واستخدام الزيت كملمع مش كويس برده على المدى الطويل .. فطريقة غسيل الشامبو أحسن بكتير ولغاية دلوقتي أحسن نوعين اتكرروا قدامي هم ( فورميلا 1 الأمريكي - سوناكس الألماني ) ..

هدور على حاجة منهم وأجيبه بأمر الله ,,

أما الفوطة فالكل نصح إن لازم تبقى حاجة حنينة زي فوطة جلد غزال أو فوطة ميكروفيبر

[Dr M.Noaman]

رابيدو كويس بس فورميولا 1 شامبو أمريكي بالشمع لما تغسل بيه هتحس ان العربيه مرايه بدون مبالغه
وبالنسبه للفوط ف أي حاجه هتأدي الغرض بشرط انها متجرحش الصاج والفكره ف السفنجه انها هترغي أكتر
وبالنسبه للملمع هات نوع اسمه flash dash أمريكي برضه ب 35 جنيه هترجه كويس وترش منه كتير علي فوطه نضيفه وتبدأ تطوق بيه الطابلوه كله
النوعين دول هتلاقيهم عند محل اسمه ماجد صليب ف ش زكي ف التوفيقيه وهتلاقي عنده برضه حاجات كتير تخص نضافة العربيه وتلميعها وريحتها

هدور على فورميلا 1 بأمر الله بس أنا من المنصورة ربنا ييسر والاقيه ..

وتمام ع الفوط هشوف حاجة ميكرو فيبر ..

وتسلم على نوع الملمع يا باشا الف شكر معلشي تعبتك معايا

[ibrahimsaad]

طيب دلوقت ايه موقف المغاسل المنتشره دى لان مااعتقدش انهم هيستخدموا فوط من النوع ده ولاممكن كمان الشامبوا ده مع ان معظم السيارات بتغسل فيها

يعنى نجيب الحاجات دى ونغسل احنا ولا ايه الوضع

[Dr M.Noaman]

طيب دلوقت ايه موقف المغاسل المنتشره دى لان مااعتقدش انهم هيستخدموا فوط من النوع ده ولاممكن كمان الشامبوا ده مع ان معظم السيارات بتغسل فيها

يعنى نجيب الحاجات دى ونغسل احنا ولا ايه الوضع

بصراحة أنا ناوي أغسلها بنفسي كل 15 يوم ، وتبقى يوم الجمعة كدا يعني ،، مش عارف موضوع البنزينة بس الوكيل عندنا قالي ممكن نغسلهالك مرة كل شهر قدام المعرض يعني بس مش عايز اسيبها عندهم كل مرة

[Dr M.Noaman]

وممكن لو مشغول هقول البواب ع الطريقة يعملها هو يعني وأبقى أراضيه ، بس عايز أجيب حاجتي بنفسي واستعملها لواحدي