سحب تصريح السير والضريبه ليسه ساريه

[Elsebily]

بعد التحيه للصقور


المهم حابب ادخل في الموضوع علي طول لاني اول مره اسمه عنه المهم اني كنت ماشي امبارح في ميدان لبنان وكان فيه لجنه فالظابط طلب الرخص فاديتهالو المهم قالي اني تصريح السير في الرخصه منتهي قلتله طب وده ازاي المفروض اني دافع ضريبه لحد 4/2014 فقالي لا تصريح السير غير الضريبه اللي حضرتك دفعتها قلتله اوكي طيب المفروض ايه اللي هيحصل قالي المفروض اني تصريح السير ده انت كنت واخده لحد ما يجي الملف بتاع العربيه من المرور اللي انت ناقل الملكيه منه قلتله تمام قالي انا هسحب تصريح السير وهعملك ورقة مخالفه تروح بيها المرور اللي تابع ليه وتاخد الرخص منه قلت تمام وحسيت اني الموضوع سهل رحت النهارده المرور عشان اطلب الرخصه قالولي لا مفيش حاجه كده والمفروض تروح تدفع غرامة المخالفه اللي انت واخدها وبعدين تيجي تاخد تصريح السير ومش هتاخده كمان لانه منتهي وهنا انا دماغي حصلها
المهم اني مشيت بردو مش فاهم حاجه علي نية اني هروح النيابه عشان المخالفات يوم السبت او الاحد علي حسب هما شغالين امتي

المهم دلوقتي تصريح السير منتهي 12/2012 مع اني انتهاء الضريبه مكتوب في الرخصه لحد 4/2014 فياريت حد يفهمني ايه اللي مفروض يحصل لاني بصراحه حاسس اني تهت ولو فيه غرامه المفروض تكون كام ولو فيه اي معلومه عن الموضوع ده لاني حاسس اني مش فاهم حاجه واسف للاطاله

[saddam]

صديقي المواطن
قولا واحدا
رغم إني بكره كل إخواني من ظباط المرور الفشلة وهم عدوي الوحيد في شوارع المحروسة ﻷنه معايه 11 عربية ونص مفيش ولا وحده فيهم رخصة سارية يمكن فيه وحده أو إتنين مش أكتر فيهم شهادة بيانات سارية مش رخص وأظن الحكومة المصرية ليها عندي مجموع ضرايب متأخرة بحدود مجموعهم 30 سنة مش حتقل عن 30 الف وممكن بالحبشتكانات توصل 50 ألف
ما علينه الخلاصة رغم كرهي لهم لكن ما فعله اﻷخ الظابط معك ده قانوني وصحيح ورسمي
التصريح المؤقت يصدر شهر أو 3 شهور أو 6 شهور وضرببتك محفوظة وتاريخ الضريبة لا علاقة له بتاريخ نهاية الرخصة وعليه حضرتك المفروض لما يخلص تصريحك ترجع للمرور لة جاء الملف حيدوك رخصة ولو لم يأتي حيدوك تصريح كام شهر تاني وبكده حضرتك حتدفع غرامة كلها شاكب راكب أقل من 130 جنيه ومش حيدفعوك ضريبة وتاخد رخصة جديدة أو يمددولك تصريح
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ibrahimsaad]

ياباشا تصريح السير غير الضريبه كان مفروض تجدده فى المرور علشان كده سحبه منك

مفيش قدامك حل غير انك تدفع المخاله وتجدد التصريح

هو انت ناقل ملكيه قريب ؟ كان مفروض تتابع المرور تشوف ملفك

[ibrahimsaad]

صديقنا صدام

انا مرخص عربيتى النيو صنى زيرو 3 سنين بس طلعوا لى ترخيص 3 شهور ونهايه الفحص بعد 3 سنين

عايز اعرف هم ليه ادونى تصريح مش رخصه رغم ان كل اوراق العربيه عندهم

[saddam]

صديقنا صدام

انا مرخص عربيتى النيو صنى زيرو 3 سنين بس طلعوا لى ترخيص 3 شهور ونهايه الفحص بعد 3 سنين

عايز اعرف هم ليه ادونى تصريح مش رخصه رغم ان كل اوراق العربيه عندهم

صديقي المواطن
غالب الظن عشان يمكن فيه مشاكل تنظيمية في المرور بتاعك أو يمكن ﻷن العربية ترخصت في كفر الشيخ فبعض الشركات مش بيوصل ورقها بسرعة للمرور المختص أو ﻷسباب أخرى بس نادرة ولا تقلق إجراء طبيعي وبيحصل مش لوحدك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Elsebily]

طبعا ألف شكر للاهتمام ولكن معلش انا عارف اني هتقل عليكم دلوقتي ايه الاجراءات يعني انا هروح نيابة المرور اديهم وصل المخالفه وهدفع المخالفه وبعدين المفروض ايه اللي يحصل مع العلم اني تصريح السير منتهي في 12/2012 فكده هتكون المخالفه في حدود كام

ولكم جزيل الشكر