Tweet
الحمد لله عملت لغايه دلوقت 750 ك وبفكر احجز صيانه ال 1000 من دلوقت علشان لو ادونى ميعاد بعيد
تجربتى بعد هذه المسافه
لم يتغير رأى فيها
لم اندم على شرائها
السياره ممتازه بالنسبه لسعرها
كان عندى مشكله قفله الباب الامامى بتاع السائق كان بيحتاج انى اقفله جامد شويه
ولكن مع الوقت ابتدى يتحسن شويه ساعات يقفل من اول مره وساعات من ثانى مره حسب قوه الدفعه ويمكن لانى كنت متعود على قفله باب الفيرنا بشويش
لكن احد الاعضاء قال ان ده علشان ضغط الهواء داخل العربيه بيقاوم القفله وخصوصا لو الزجاج مقفول
فقلت اجرب اقفله والزجاج مفتوح شويه صغيرين وفعلا لقيت الباب بيقفل كويس فحبيت اذكر ذلك للامانه فقط ومع ذلك هااقولهم عليه فى الصيانه
المشكله التانيه فعلا ودى مش مشكله بمعنى مشكله لكن هى سياسه شركات وهى ان فعلا صاج الصنى ضعيف شويه شأنه شأن كل العربيات الحديثه ولكنه مش ضعيف قوى يعنى مثلا مااعتقدش انه هيكون اضعف من الفيرنا كانت معايا وكان صاجها ورق اقل خبطه فى الصاج كانت بتعلم فيه
المشكله الثالثه وهى كاوتش العربيه سئ بيلم زلط لكن شغال مش ناوى اغيره دلوقت
اما بقى مميزات العربيه
الفرامل ماشاء الله جيده جدا لم يقابلنى اى مشكله معاها ولم تخذلنى
السحب رائع رغم انى لسه بلين بمشى لغايه 90 او 100 احيانا بسيطه
الثبات حتى ال 100 رائع جدا كانى ماشى على 60 او 80 لما كنت راكب فيرنا
القعده مريحه والصالون ماشاء الله
الشنطه رائعه ماشاء الله
الانوار ممتازه
مناوره العربيه جميله جدا وانا كنت بجرج عربيتى القديمه فى جراج واحيانا كانت بتحك منى وانا داخل الجراج بالباب بسبب ركنه العربيات فى الشارع مع النيو صنى بصراحه بقدر فى حته زانقه انى اضبط نفسى وادخل بامان رغم ان حجم العربيه اكبر واعرض
الكاسيت والسى دى صوته ممتاز والسماعات كافيه
التكييف شغلته مره بس جيد لكن لسه وقته ماجاش
رغم انى فى فتره التليين لكن اضطررت الى انى اشيل فى العربيه شوالين رز فى الشنطه ونقلتهم من البلد للمدينه والعربيه ماشاء الله
كنت فى حاله عزاء امس فى بلد فلاحين وبعدين وانا برجع علشان اركن كان فيه حفره زى بلاعه كده عجل العربيه اللخلفى والامامى وقع فيها وربنا ستر لو كانت الفيرنا كان حصل لها حاجه بسبب الارتفاع عن الارض
ومش كده وبس ماكنتش شايف المنطقه كويس وكان فيها طوب كبير ودبش مسلح ولم الاحظه ولكن للاسف جه تحت العربيه ازاى مااعرفش حسيت بحكه فى العربيه من تحت حاولت اطلع قدام وورا لغايه لما اتحشرت تقريبا تحت الكبوت والاكصدام نزلت من العربيه حاولت اطلعها طلعت بصعوبه من قدام دبشه كبيره من تحت الاكصدام الامامى بعد ماجرحته
الحمد لله ربنا ستر كنت خايف احسن تيجى ناحيه الكرتيره او الفتيس لكن اعتقد ان علو العربيه على ارض ساعدها انها تطلع من فوق الحجر بصراحه لو كانت الفيرنا كانت اتبهدلت
دى بامانه تجربتى مع العربيه بدون اى تحيز
تجربتى بعد هذه المسافه
لم يتغير رأى فيها
لم اندم على شرائها
السياره ممتازه بالنسبه لسعرها
كان عندى مشكله قفله الباب الامامى بتاع السائق كان بيحتاج انى اقفله جامد شويه
ولكن مع الوقت ابتدى يتحسن شويه ساعات يقفل من اول مره وساعات من ثانى مره حسب قوه الدفعه ويمكن لانى كنت متعود على قفله باب الفيرنا بشويش
لكن احد الاعضاء قال ان ده علشان ضغط الهواء داخل العربيه بيقاوم القفله وخصوصا لو الزجاج مقفول
فقلت اجرب اقفله والزجاج مفتوح شويه صغيرين وفعلا لقيت الباب بيقفل كويس فحبيت اذكر ذلك للامانه فقط ومع ذلك هااقولهم عليه فى الصيانه
المشكله التانيه فعلا ودى مش مشكله بمعنى مشكله لكن هى سياسه شركات وهى ان فعلا صاج الصنى ضعيف شويه شأنه شأن كل العربيات الحديثه ولكنه مش ضعيف قوى يعنى مثلا مااعتقدش انه هيكون اضعف من الفيرنا كانت معايا وكان صاجها ورق اقل خبطه فى الصاج كانت بتعلم فيه
المشكله الثالثه وهى كاوتش العربيه سئ بيلم زلط لكن شغال مش ناوى اغيره دلوقت
اما بقى مميزات العربيه
الفرامل ماشاء الله جيده جدا لم يقابلنى اى مشكله معاها ولم تخذلنى
السحب رائع رغم انى لسه بلين بمشى لغايه 90 او 100 احيانا بسيطه
الثبات حتى ال 100 رائع جدا كانى ماشى على 60 او 80 لما كنت راكب فيرنا
القعده مريحه والصالون ماشاء الله
الشنطه رائعه ماشاء الله
الانوار ممتازه
مناوره العربيه جميله جدا وانا كنت بجرج عربيتى القديمه فى جراج واحيانا كانت بتحك منى وانا داخل الجراج بالباب بسبب ركنه العربيات فى الشارع مع النيو صنى بصراحه بقدر فى حته زانقه انى اضبط نفسى وادخل بامان رغم ان حجم العربيه اكبر واعرض
الكاسيت والسى دى صوته ممتاز والسماعات كافيه
التكييف شغلته مره بس جيد لكن لسه وقته ماجاش
رغم انى فى فتره التليين لكن اضطررت الى انى اشيل فى العربيه شوالين رز فى الشنطه ونقلتهم من البلد للمدينه والعربيه ماشاء الله
كنت فى حاله عزاء امس فى بلد فلاحين وبعدين وانا برجع علشان اركن كان فيه حفره زى بلاعه كده عجل العربيه اللخلفى والامامى وقع فيها وربنا ستر لو كانت الفيرنا كان حصل لها حاجه بسبب الارتفاع عن الارض
ومش كده وبس ماكنتش شايف المنطقه كويس وكان فيها طوب كبير ودبش مسلح ولم الاحظه ولكن للاسف جه تحت العربيه ازاى مااعرفش حسيت بحكه فى العربيه من تحت حاولت اطلع قدام وورا لغايه لما اتحشرت تقريبا تحت الكبوت والاكصدام نزلت من العربيه حاولت اطلعها طلعت بصعوبه من قدام دبشه كبيره من تحت الاكصدام الامامى بعد ماجرحته
الحمد لله ربنا ستر كنت خايف احسن تيجى ناحيه الكرتيره او الفتيس لكن اعتقد ان علو العربيه على ارض ساعدها انها تطلع من فوق الحجر بصراحه لو كانت الفيرنا كانت اتبهدلت
دى بامانه تجربتى مع العربيه بدون اى تحيز
Comment