احجز الشكل الجديد و لا

[khaledserag]

السلام عليكم
عابز اخد راى الاخوة الاعضاء فى حاجة
انا بعد مسح السوق كله لقيت احسن حاجة فى الفئة السعرية دى هى صنى الشكل ااجديد
من وسع و استهلاك بنزين و انتشار
انا بس كل المشكلة عندى شكل العربية مش مرضى اوى من بره بس
فختيف احجز الاقى سنة و لا حاجة نيسان نزلت شكل جديد و خصوصا مع الانتقادات المتوالية للشكل الحالى
و بعدين بسمع ان التوكيل مش كويس و خصوصا ان فى بعض قطع الغيار غير متوفرة
زى بلى العجل الخلفى
يا ترى فعلا موضوع قطع الغيار ده صح
و احجز و لا استنى بعربيتى كمان سنة و اشوف الدنيا فيها ايه
و خصوصا ان انا هقسط فمش عايز ادفع 3سط 4 سنين و انا بقول يا ريتنى كنت استنيت
و يا ريت حد يقوللى لو حجزت الهاى لاين بستلم بعد قد ايه
شكرا للاهتمام

[ibrahimsaad]

ههههههههههههههههههههه

ياباشا من حيث السعر والامكانيات فمش هتلاقى زيها

بخصوص قطع الغيار اعتقد كان فيه مشكله واتحلت

بخصوص الشكل مااعتقدش ان هيتم طرح شكل جديد وبعدين نفس الشكل منتشر فى كل دول العالم بمسميات مختلفه ماحدش اشتكى منه غير المصريين

انا شخصيا ماكنتش حابب الشكل قبل مااشترى وكنت مايل للشكل القديم بس لقيته اقل امكانيات ومش معقول اشترى موديل قديم واسيب الجديد

قمت عاصر على نفسى لمونه واشتريت الشكل الجديد وبعدين اتعودت عليه بعد العشره هههههههههههههههههههههههههههههههههههههههههه

ماانا برده اتجوزت تقليدى مش عن حب بس الحب بيجى بعد الجواز

والعربيه مش هتكون احسن من الجواز

وبعدين العربيه انتشرت انتشار كبير وكل يوم بتزيد والناس ابتدت تقبل عليها

[khaledserag]

ههههههههههههههههههههه

ياباشا من حيث السعر والامكانيات فمش هتلاقى زيها

بخصوص قطع الغيار اعتقد كان فيه مشكله واتحلت

بخصوص الشكل مااعتقدش ان هيتم طرح شكل جديد وبعدين نفس الشكل منتشر فى كل دول العالم بمسميات مختلفه ماحدش اشتكى منه غير المصريين

انا شخصيا ماكنتش حابب الشكل قبل مااشترى وكنت مايل للشكل القديم بس لقيته اقل امكانيات ومش معقول اشترى موديل قديم واسيب الجديد

قمت عاصر على نفسى لمونه واشتريت الشكل الجديد وبعدين اتعودت عليه بعد العشره هههههههههههههههههههههههههههههههههههههههههه

ماانا برده اتجوزت تقليدى مش عن حب بس الحب بيجى بعد الجواز

والعربيه مش هتكون احسن من الجواز

وبعدين العربيه انتشرت انتشار كبير وكل يوم بتزيد والناس ابتدت تقبل عليها

شكرا لاهتمامك انا حاسبها كده برضو
انا حاببها فعلا من جوة بس الشكل الخارجى اكيد لما ربنا يكرمنى بيها هتعود عليه
بس عند حضرتك فكرة الاستلام بعد الحجز باد ايه
و الهاى لاين لسه زى ما هى ب 120 و لا زادت

[simon659]

يا راجل هو فلوسك حرام ولا ايه

[khaledserag]

يا راجل هو فلوسك حرام ولا ايه

ليه كده بس

[smsm2004w]

والله حرام انك تجيب العربية دى انا كنت حاجز السوبر صالون ولاغيت الحجز والحمد لله ربنا وفقنى وجبت بيجو 301
الصنى للأسف
اضعف صاج
واسوء شكل
وأردئ تقفيل وخامات .
كاوتش صينى سئ
عربية هندى مش يابانى يعنى قطع غيار هندى موتور متقفل فى الهند تجميع مصرى

http://www.nilemotors.net/Nile/405141-a.html#post3875421859

[amirali]

بقولك ايه سيبك من الكام رد المحفوظين من نفس الاشخاص انا حاجزها وبقولك اتكل عالله العربية كويسة وعملية

وفى فئتها السعرية احسن حاجة نفض للكام مريض نفسى اللى هيحاولوا يكرهوك فيها بأى طريقة مش هقولك

اكتر من انك تنزل الشارع وتشوف انتشارها

[ibrahimsaad]

انصحك سيبك من كلام الناس وصلى صلاه الاستخاره وربنا يوفقك للعربيه الافضل ايا كان نوعها

[M I D O]

رايي الشكل القديم تتفوق في كل حاجة عدا ال abs و الشكل الجديد بصراحة انا مش بالعة خالص ودي ازواق

[ah-elgendy]

نصيحه ااااوعا تجيب عربيه مش مقتنع بيها ومش حاببها انت هتتدفع فلوس كاش فى زيرو ولو فكرت تبيع هتخسر كتير بس لو عاوزها ومتردد هاتها استعمال علشان لو معجبتكش متخسرش كتير

[dentist_ihab]

ياباش احجزها وتوكل على الله ..العربية زيرو هتقعد معاك 5 سنين عالاقل مش هتشتكي منها ان شاء الله

[khaledserag]

ياباش احجزها وتوكل على الله ..العربية زيرو هتقعد معاك 5 سنين عالاقل مش هتشتكي منها ان شاء الله

تعرف حضرتك لو حجزت هستلم امتى

[amirali]

انا حاجز من شهر بظبط ووانا بحجز قالولى الاستلام شهرين ان شاء الله

[د.عماد صلاح]

شوف البيجو 301 و السي ايليزيه الاول و بعدين خد القرار

[khaledserag]

شوف البيجو 301 و السي ايليزيه الاول و بعدين خد القرار

انا شفت ال 301 و طبعا تحفة بس للاسف انا بتكلم فى حدود سعر كان 110 و بعدين بقى 120 علشان الصنى و مش هينفع يكون 138 علشان البيجو دى نقطة النقطة التانية انا سمعت ان ناس بتستلم بيجو بعد 4 شهور و ده كتير عليا اوى و خصوصا ان انا هبيع عربيتى و هقعد من غير عربية لمدة 4 شهور و فيه مدارس و افلام اليومين الجايين
و بعدين فكرت استنى لاخر السنة و اجيب 301 و لكن اعتقد السعر لازم يزيد و بالتالى هبقى فى نفس الدوامة
و على فكرة الفرق بين الهاى لاين و البيز فى الاوبشنز كبير سواء فى الصنى او 301 و بالتالى انا كده كده هجيب هاى لاين