شوية حاجات بسيطة مش عارفف أجيبها منين

[أحمد خاطر]

السلام عليكم يا رجالة نيسان..

كنت عاوز مشورتكوا في كام حاجة كده عندي في العربية..
1- عاوز وشين الفانوس الخلفي..البلاستيك مكسور و مش عاوز أغير الفانوس كله ( أجيبه منين..؟)
2- حامل الإكصدام الخلفي الناحية الشمال مكان الكلبسات مكسور فعاوز حامل جديد أجيبه منين بدل ما الصنايعي يربطلي الإكصدام بمسامير..
3- عاوز أشتري الميزان إستيراد و أركبه في التوكيل..أجيبه منين و هيبقى في حدود كام..؟
4- الفوج اللي قدام شمال الزجاج بتاعه مكسور..أغيره منين..؟


شكراً مقدماً ليكم..وآسف إني طولت عليكم.. :)

[mony10]

انا كمان عايز وشين زي حضرتك ياريت اللي عنده معلومه يعرفنا والتكلفه تقريبا كام
بالنسبه للاكصدام معنديش فكره بس هي لو حاجه صغيره او رفيعه يبقى تشتريها من التوكيل لان مش هتلاقيها بره او مش هتكون كويسه ودا عن تجربه في رفايع صغيره كتير
بالنسبه للاستعمال انا اعرف واحد كويس جدا في بورسعيد هو غالي شويه بس في المقابل الجوده عنده عاليه جدا هو في مساكن مبارك اسمه محمد بدران وليه فرع في القاهره في الحرفيين في ش عسقلاني بس التوكيل مش هيرضى يركبه لانه مش من عندهم ودا عن تجربه مع السبع في مشكله كانت عندي
انا عندي الفوجين اتكسرو وسالت وموصلتش لاي معلومه غير اني اجيب الصيني اللي في السوق هو بيجي كامل بالفبره بتاعت الاكصدام والمفتاح اللي بيكون في التابلوه والضفيره بتاعته وتقريبا كان 250 جنيه سعره ياريت لو حد عنده معلومه تانيه او اقتراح يعرفا

[moumen_hs]

كنت عاوز مشورتكوا في كام حاجة كده عندي في العربية..
1- عاوز وشين الفانوس الخلفي..البلاستيك مكسور و مش عاوز أغير الفانوس كله ( أجيبه منين..؟)

التوفقية فى المول شركة سلامة أو الاهرام فى حدود 30-35

2- حامل الإكصدام الخلفي الناحية الشمال مكان الكلبسات مكسور فعاوز حامل جديد أجيبه منين بدل ما الصنايعي يربطلي الإكصدام بمسامير..
حدد هناك حاملين الى تحت الفانوس ولا الى فى الجنب عموما فى محل كنت جبت منة اللى تحت الفانوس ودة طقم شمال ويمين فى أول التوفقية من ش رمسيس نوع كويس الطقم 90 شمال ويمين
والى فىجنب الفانوس ممكن تلاقية مفد ب 30 عند محل أحمد الخواجة فى البحر الاعظم أمام نقابة المهندسيين وممكن تجيبهم من عندة أنت وحظك لو موجود الشمال للحملين معا
3- عاوز أشتري الميزان إستيراد و أركبه في التوكيل..أجيبه منين و هيبقى في حدود كام..؟
الحرفيين الزملاء يفيدوك انشاء الله

4- الفوج اللي قدام شمال الزجاج بتاعه مكسور..أغيره منين..؟
أعتقد صعب تلاقية ممكن بتاع الاهرام الى فى التوفقية يكون عندة طب أسالة و
وشكرا

[moumen_hs]

انا كمان عايز وشين زي حضرتك ياريت اللي عنده معلومه يعرفنا والتكلفه تقريبا كام
بالنسبه للاكصدام معنديش فكره بس هي لو حاجه صغيره او رفيعه يبقى تشتريها من التوكيل لان مش هتلاقيها بره او مش هتكون كويسه ودا عن تجربه في رفايع صغيره كتير
بالنسبه للاستعمال انا اعرف واحد كويس جدا في بورسعيد هو غالي شويه بس في المقابل الجوده عنده عاليه جدا هو في مساكن مبارك اسمه محمد بدران وليه فرع في القاهره في الحرفيين في ش عسقلاني بس التوكيل مش هيرضى يركبه لانه مش من عندهم ودا عن تجربه مع السبع في مشكله كانت عندي
انا عندي الفوجين اتكسرو وسالت وموصلتش لاي معلومه غير اني اجيب الصيني اللي في السوق هو بيجي كامل بالفبره بتاعت الاكصدام والمفتاح اللي بيكون في التابلوه والضفيره بتاعته وتقريبا كان 250 جنيه سعره ياريت لو حد عنده معلومه تانيه او اقتراح يعرفا

بالنسبة لفبر الاكصدام موجود زى ماقلت فى المشاركة بتاعتى وأنا جبتة قبل كدة
موضوع الفوجات فعلا موجود ب 250 فى التوفقية بس الى بتحتاجة منة الفوجات والكتاوت بس الدفيرة مش بتحتاجها لانها موجودة فى العربية وانا لسة مركبهم بس ياريت تجيب الكتاوت زى الموجودة فى العربية زى الى فى العلبة بتاعةالكتاوت علشان الى بتيجى مع الفوجات بتحتاج تتركب على وش علبةالكتاوت هى مش بتاثر ولا حاجة بس نجيب كتاوت زى بتاعة الفبريكة افضل والباقى العربية مجهزة بى معادة مفاتح التابلوة بس هو الى بيركب فى المكان المحدد لة فى التبلوة بس هو نوعية رديئة للاسف وجارى البحث عن بديل والكلام طبعا للعربيات exفقط حتى موديل 2009 وشكرا

[أحمد خاطر]

متشكر جداً لردودكم السريعة و الجميلة و المفيدة..انا روحت غمبارح جبت وشين الفانوس بس الشفافين مش الأحمر رغم إن اللي عندي أحمر بس حسيت خامتهم أحسن الواحد ب50 جنيه..من شركة إسمها "الإخلاص" في الدور التاني في المول اللي في التوفيقية زي ما قلتم..و الراجل صراحة عنده وشوش خلفية لفوانيس كتير صراحة..

و روحت لواحد أجيب مه حامل الإكصدام اللي في الجنب قالي هاتلي اللي راكب أحسن..فمستني أفك اللي راكب و أروح أجيب زيه..

زجاج فانوس الشبورة مالقتوش..هدور عليه تاني.. :)

الميزان لسه معملتش فيه حاجة..و أول ما امل حاجة هزودهم هنا إن شاء الله.. :)

[moumen_hs]

و روحت لواحد أجيب مه حامل الإكصدام اللي في الجنب قالي هاتلي اللي راكب أحسن..فمستني أفك اللي راكب و أروح أجيب زيه..

ياباشا قولتك روح عند أحمد الخواجة فى البحر الاعظم عندة الحامل فردى ب 30 جم تقريبا جبتة منة زى الاصلى أسمة الحامل المسطرة مش الى تحت الفانوس وتحياتى

[أحمد خاطر]

تسلم يا غالي..هروح اجيبه على طول إن شاء الله.. :))