استفسار بخصوص الضمان

[dr/mostafaazmy]

انا جبت صنى 2014 من شهر تقريبا و لسة مفعلتش الضمان , انا عايز افهم يعنى اية الفايدة منه و ازاى افعله ؟

[Ah.Farid]

اوﻻ مبروك اﻻستﻻم
ثانيا تفعيل الضمان بيتم بالتليفون تتصل ب 16244 وتعطيهم بعض البيانات من الرخصة وهما هيسجلوا البيانات عندهم ويعطوك كود تحتفظ بية وكدا يبقى الضمان سارى
ثالثا ..لية الضمان مهم ﻻن خﻻل فترة الضمان اذا ظهر اى عيب فى السيارة التوكيل ملزم يغيرلك الوحدة اللى فيها العيب بوحدة سليمة يعنى مثﻻ بتشتكى من صوت لما بستعمل الفرامل مثﻻ ممكن يكون العيب من الطنابير ...يبقى اصﻻح العيب دة انة يغيرك الطنابير بدون ما تدفع ثمنهم طالما ملتزم بمواعيد الصيانة فى التوكيل حسب جدول الصيانة وهاكذا....ارجوا اكون وضحتلك

[grumby78]

تفعيل الضمان مهم وده بالتليفون زي مالعضو الكريم افادك وبيدوك كود في نهاية المكالمه ده بتكتبه على كتيب الصيانه اللي مع العربيه وتروح بيه التوكيل للصيانه في الكيلومترات المحدده .. بالتوفيق

[a_rehab]

طيب التاخير في تفعيل الضمان له اي اضرار ؟؟
وخاصه ان السياره معايا من 10 ايام تقريبا معملتش غير 200 كم بسبب ظروف العمل

[Ah.Farid]

يا باشا العربية فى الضمان طالما مشتريها من معرض وجزئية التفعيل دة اجراء زيادة شوية ﻻكن ناس كتير مسمعتش اساسا عن التفعيل ...انا فى كذا عربية مكنش فيها تفعيل وﻻ حاجة وطالما كدة كدة انت ﻻزم هتعمل صيانة ال1000 كيلو ودة مهمة جدا جدا يبقى مفيش مشكلة من مكالمة تليفون عشان التفعيل ....المهم انك تحافظ على مواعيد الصيانات الدورية...وربنا يسترها

[dr/mostafaazmy]

هو اية كتيب الصيانة دة ... مجاليش مع العربية كتيب صيانة :(

[Ah.Farid]

هو اية كتيب الصيانة دة ... مجاليش مع العربية كتيب صيانة :(

كتيب الصيانة ....شكل كتيب المانوال وممكن تستلمة من التوكيل مع صيانة ال1000 وهوا بيحتوى على عدد من الصفحات كل صفحة فيها جدول الصيانة الواجب اجراءها لكل 5000 كيلو يعنى يبداء بصيانة 1000 ثم 5000 ثم 10000 وهاكذا ويتم ختم الصفحة من مركز الخدمة المعتمد عند اجراء كل صيانة .....من اﻻخر كتيب مهم بيثبت حققك فى ان الضمان سارى وانك اغيير اى جزء يظهر بة عيب صناعة وليس عيب استخدام .....

[dr/mostafaazmy]

شكرا جدا للرد :)