5000 كم مع صنى الجديدة

[edodahab]

ده تقييمى لصنى الجديدة 2014 بعد 5000 كم
اولا المميزات
العربية واسعة جدا
عاليه عن الارض و مبتحكش فى اى مطب
قاعدتها مريحة جدا
الباور ناعم و سلس
الفتيس ممتاز و نادرا ما تحس بالنقلات
العفشة ناعمة و مريحة مهما كان الطريق
الشنطة واسعة و تشيل
اﻷنوار ممتازة
مساحات الأزاز ظريفة
المرايات الجانبية فيه ناس اشتكوا منها بس انا ظابطها كويس و كاشفة الطريق كويس
انوار التابلوه ظريفة
الفرامل اكتر من ممتاز
العزل بتاع العربية ممتازة

العيوب
خامات التابلوه فقيرة
السحب عادى لا وحش ولا حلو
استعلاك البنزين مش عاجبنى بالنسبة لعربية 1500 لما حسبته جوه البلد من غير تكييف كان اللتر يعمل 10 كم
الثبات لغاية 150 ممتاز بس اكتر من كدة العربية بتتمرجح و بصراحة نادرا لما تعرف تعدى السرعة دى فى مصر
التكييف مش عاجبنى خالص مش حاسس ان ده تكييف اليابانى خالص او يمكن كنت متوقع احسن من كدة كتير

[edodahab]

طبعا مش محتاج اتكلم عن اسوأ عيب فى العربية و هو الكاوتش الماكسيس عشان هو مش محتاج كلام
حاجة تانية مش عاجبانى انه بالرغم من الانتشار الرهيب للصنى فى مصر بس مفيش توافر لقطع الغيار بره التوكيل خالص و كمان فى التوكيل انت و حظك
انا واحد صاحبى داخ على كف مراية لغايه اما لقاه
انا بس عندى استفسار هو صيانة ال 5000 ليها اى قيمة و لا ﻷ عشان انا مكسل و حاطت زيت 10 فى صيانة اﻷلف
حاجة اخيرة انا مازلت شايف ان الصنى عربية ممتازة بالنسبة لسعرها و صفقة رابحة فى ظل زياده اسعار العربيات الخيالى ده بس هى تستاهل و مفيش منازع ليها فى الفئة السعرية دى

[saddam]

صديقي المواطن
تقرير جميل لفائدة من ينتوي شرائها من زملائنا أعضاء الكرام ودائما ناديت ونصحت وشجعت على شراء صني الشكل الجديد فهو إختيار جيد وغير مقصر وأدامها الله خيمة فوق رأسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[edodahab]

صديقي المواطن
تقرير جميل لفائدة من ينتوي شرائها من زملائنا أعضاء الكرام ودائما ناديت ونصحت وشجعت على شراء صني الشكل الجديد فهو إختيار جيد وغير مقصر وأدامها الله خيمة فوق رأسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

تسلم يا باشا و ربنا ما يحرمنا من تعليقاتك

[omaranes77]

مبروك ياباشا وتققييم ممتاز وصيانة الف مهمة

[ibrahimsaad]

الف مبروك ياباشا ويديمها نعمه عليك

[amirali]

غريب موضوع قطع الغيار ده

[grumby78]

تقييم موضوعي جدا ومحايد ومتفق معاك في اغلب النقاط . على فكره بعد تغييري الكاوتش لبريدجستون ar 20 بنفس المقاس الحالي الدنيا بقت افضل جدا في اداء الفرامل ونعومة العفشه . بالتوفيق وبارك الله لك فيها

[mahmoud_ali]

الف مبروك ياباشا

[edodahab]

تقييم موضوعي جدا ومحايد ومتفق معاك في اغلب النقاط . على فكره بعد تغييري الكاوتش لبريدجستون ar 20 بنفس المقاس الحالي الدنيا بقت افضل جدا في اداء الفرامل ونعومة العفشه . بالتوفيق وبارك الله لك فيها

الف شكر يا باشا بس مقلتش هل صيانة ال 5000 مهمة ولا اطنش
اما بالنسبة للكاوتش انا ناوى اغيرة بس لما اهلكه شوية

[شادى عبدالمنعم]

صيانة ال 5000 مفيهاش حاجه غير تغيير زيت الموتور لو عايز وشوية تشحيم للمفصﻻت وتربيط عفشه سريع ( اذا عملوها ) لو فاضى روح وفى الحالتين مش هتخسر حاجه .