مشاكل في صني 2002 اتوماتيك مثل استهلاك البنزين

[Ragel536]

السلام عليكم الاعضاء الكرام
انا عندي مشاكل في صني 2002 اتومانيك مش عارف دة عادي ولا فعلا مشكلة

- سحب العربية ضعيف و لما بدوس علي دواسة البنزين ال rpm ثابت و مفيش زيادة في السرعة الا لما اسيب الدواسة خالص و ادوس من جديد

- التكيف جيد بس رائحتة بتكون صعبة

- الكاسيت علي موجة ال fm بيشتغل و الموتور مش داير , اول ما ادور العربية يفصل و ساعات يشتغل لما انور النور العالي و ساعات ميشتغلش خالص و موجة mw مفيش مشاكل بس شوشرة مزعجة و مفيش تقريبا عليها غير محطة واحدة رقمها 621

- استهلاك البنزين حوالي 400 كم لكل 40 لتر بنزين جوة المدينة من غير تكييف و سواقة هادئة و 1300 سي سي !!!

يا تري المشاكل دي عادي ؟

[ibrahimsaad]

انا شايف ان استهلاك البنزين داخل المدينه كده كويس مش وحش

[Ragel536]

بس دة في عربيات 2000 سي سي و hp اعلي بكتير و نفس الاستهلاك ؟

[kokowasfy]

اخر صيانة عملتها امتى للعربية

[Ragel536]

اخر صيانة عملتها امتى للعربية

من حوالي شهر و غيرت :
- زيت موتور
- فلتر زيت
- فلتر بنزين
- طقم بوجيهات
- كشف كمبيوتر
- زيت فتيس

[Yousef.Kamel]

كان معى نفس العربيه2003 كانت ممتازه وانا بعتها لتحديث الموديل اهم حاجه بتكتم العربيه ده فلتر الهواء اللى مش اصلى فنصيحه ﻻزم تركب اصلى وجرب وحافظ على صيانه العربيه التى ﻻ تحتاج للصيانه اﻻ نادرا

[Ragel536]

كان معى نفس العربيه2003 كانت ممتازه وانا بعتها لتحديث الموديل اهم حاجه بتكتم العربيه ده فلتر الهواء اللى مش اصلى فنصيحه ﻻزم تركب اصلى وجرب وحافظ على صيانه العربيه التى ﻻ تحتاج للصيانه اﻻ نادرا

معقولة فلتر الهواء بيزود استهلاك البنزين و يتقل العربية
انا فعلا من فتر مغيرتش الفلتر علشان مهندس الصيانة كان بينضفو و يقولي مفيش داعي يتغير
يا تري سعر الاصلي بكام و الاقية فين قريب من مصر الجديدة ؟

[Yousef.Kamel]

ش دمشق فيه اكتر من واحد بيبيع الفلتر اﻻصلى ولو سمعت كﻻمى اشتريه من التوكيل بس معرفش مودرن موتورز فين غير فرع ش المساحه بالدقى على فكره هما مش اغلى من بره