العربيه اتخبطت من ورا وانا واقف

[ibrahimsaad]

قدر الله وماشاء فعل

النهارده وانا باودى الولاد المدرسه وبنزلهم من العربيه ومدى انتظار الاقى واحد حمار وراى برغم الانتظار راح داخل فى من ورا وهوب طاخ

نزلت اشوف فيه ايه لقيت فى الاكصدام من فوق من النص تحت النمر انبعاج صغير لجوه وشرخ بسيط

قلت الحمد لله فى نفسى وزعقت له بس الراجل طلع ذوق واعتذر وقال لى انا اسف ماخدتش بالى والناس طبعا قالوا بسيطه فطبعا سيبته ومشيت

لكن بعد ماروحت بفتح الشنطه لقيت فيح حكه وانا بقفلها ووبص لقيت الحته الى راكب فيها الاكصدام مترحله لجوه شويه بسيطه وطبعا مابقتش قصاد قفل الشنط فلازم ارزعها جامد قوى علشان تقفل وبقى فيه فرق بسيط كده بين الاكصدام والصاج من عند القفل بتاع الشنطه

والفانوس اليمين لقيته مترحل سنه لبره بس عدلته الحمد لله مااتكسرش

دلوقت عايز اروح لسمكرى يضبط لى فتحه وقفل الشنطه مش عارف بقى هينفع يعدلها كده ولا لازم يحل الاكصدام

[MoustafaElfaek]

قدر الله وماشاء فعل

النهارده وانا باودى الولاد المدرسه وبنزلهم من العربيه ومدى انتظار الاقى واحد حمار وراى برغم الانتظار راح داخل فى من ورا وهوب طاخ

نزلت اشوف فيه ايه لقيت فى الاكصدام من فوق من النص تحت النمر انبعاج صغير لجوه وشرخ بسيط

قلت الحمد لله فى نفسى وزعقت له بس الراجل طلع ذوق واعتذر وقال لى انا اسف ماخدتش بالى والناس طبعا قالوا بسيطه فطبعا سيبته ومشيت

لكن بعد ماروحت بفتح الشنطه لقيت فيح حكه وانا بقفلها ووبص لقيت الحته الى راكب فيها الاكصدام مترحله لجوه شويه بسيطه وطبعا مابقتش قصاد قفل الشنط فلازم ارزعها جامد قوى علشان تقفل وبقى فيه فرق بسيط كده بين الاكصدام والصاج من عند القفل بتاع الشنطه

والفانوس اليمين لقيته مترحل سنه لبره بس عدلته الحمد لله مااتكسرش

دلوقت عايز اروح لسمكرى يضبط لى فتحه وقفل الشنطه مش عارف بقى هينفع يعدلها كده ولا لازم يحل الاكصدام

أنا حصلت معايا مشكلة زى كدة وديتها مركز عندنا فى المنطقة بتاع سمكرة (تقريبا اسمه مركز الحلو) ده فى شارع ثلاجة الزهراء (الشهير بشارع المصانع) تقسم عمر بن الخطاب ده المنطقة اللى بين قباء والحرفيين
الخبطة عندى كانت فى الشنطة بس بزاوية كمان فجاب الرفرف اللى ورا شمال وكبس الشنطة والإكصدام
عملهالى على البارد واستلمتها تانى يوم ولا كأن كان فيها حاجة

[ibrahimsaad]

رحت لسمكرى عندنا عملها

لقيت للاسف الخبطه مع انها لم تؤثر فى الاكصدام كثير لكنها سمعت فى الشنطه

من عيوب العربيه دى اللى لاقيتها مقارنه بالعربيه اللى كانت معايا قبل كده ان مفيش قضيب حديد ورا الاكصدام للحمايه لكن حاطين بدلا منه قطعه فوم لامتصاص الصدمه

وللاسف دا عيب الجديد حاجه تقرف

الاهم بقى ان الخبطه خدت معاها صاج الشنطه لجوه وعلشان يردها استخدم زرجينه على البارد وردها بس وهو بيردها عملت فرق بين الصاج وبعضه مكان البرشام فسالت السمكرى قال انه هو كده مابيبقاش لحام بيبقى برشام ولان الشفه صغيره فالبرشام طبعا فك المهم رده لبعضه وسالته هو محتاج لحام قال لى لا هو بيبقى كده المهم رجعت اتظبطت وظبط فتحه الشنطه

بس بصراحه مقارنه بالشكل القديم صاج العربيه تعبان جدا ورق بمعنى الكلمه

وربنا يستر علينا يارب ويكفينا ويكفيكم شر الحمير اللى راكبه عربيات فى شوارع مصر

[a_rehab]

الحمد لله علي كل حال
ما أصابك ما كان ليخطئك وما أخطأك ما كان ليصيبك

[S O P H O S]

معلش يا باشا
اكتر حاجة تضايف موضوع الفوم ده علشان امتصاص الصدمات
مبرر للتوفير اعتقد

[dr/mostafaazmy]

خيير خييير .قدر الله و ما شاء فعل .. اهم حاجة انكو بخير الحمد لله ...و ان شاء الله تظبط العربية

[omaranes77]

معلش يباشا
قدر اللة و مشاء فعل

[J A G U A R]

الحمد لله انها جات على قد كده