مشكلة غريبة فى عربيتى النيو صنى رجاء المساعدة

[yasnme]

السلام عليكم يا رجالة المنتدى
بالامس بعد ما واحد حبيبى ركب العربية و اتفرج عليها و بعدين و انا مروح من الشغل لاقيت الانوار كلها بتقيد و تطفى مع نفسها و المساحات لا تعمل و العربية ملخبطة و ما بتدورش من اول مرة المهم فصلت الموجب من البطارية و بعدين ركبتهم بعد 5 دقايق و كل حاجة رجعت مضبوطة و اليوم رجعت نفس المشكلة فذهبت الى التوكيل ( السبع ) و هى عندهم دلوقتى.

[صعيدي]

ان شاء الله غير
طالما في الضمان وفي التوكيل متقلقش
عموما انا مش هافتي عشان معنديش خلفيه عن العربيه
بس بالصدفه واحد صاحبي كان بيحكيلي نفس القصه حصلت مع واحد ووده العربيه التوكيل وغيرولو الضفيره

[insurancebroke]

الف مبروك ومتقلاقش حاجه بسيطه ان شاء الله

[abohend]

متابع

متابع معاكم

[د.عماد صلاح]

ضفيره الكهرباء

[adel_edrees]

بس رغم أنى مش طايق العربية دى و لما بأجى أسوقها بيركبنى مية عفريت لكن الشهادة لله العربية لو فيها اللى فيها العربية مش حيسيبوها ألا لما تبقى تمام فلاتقلق

[yasnme]

استلمتها من التوكيل و قالوا لى ان الفيش و السلوك كانت مش مربوطه كويس و تم تثبيتهم و العربية دلوقتى تحت الاختبار و ربنا يسهل

[ramezamgad]

هو آيه قصتهم مع الضفيرة
انا بردو فيشك كانت مش متركبة و كانت هتودينى فى داهية على المحور بس الحمد لله ربنا ستر
انت وديتها أنهى توكيل و عملولك ايه و العربية معاك بقالها اد ايه؟

[yasnme]

هو آيه قصتهم مع الضفيرة
انا بردو فيشك كانت مش متركبة و كانت هتودينى فى داهية على المحور بس الحمد لله ربنا ستر
انت وديتها أنهى توكيل و عملولك ايه و العربية معاك بقالها اد ايه؟

وديتها السبع
العربية عاملة 3000 كم معايا من يناير