غسيل الموتور بالماء

[shiko8000]

ارجو الإفادة
اشتريت فوم لغسيل الموتور ولكن من التعليمات المدونة على العبوة انه بعد رش الفوم يجب غسل الموتور بالماء
فهل غسل موتور سيارة نيو صنى يؤثر على الحساسات او يضر الموتور
ام ان الموضوع عادى ويمكن استخدام الماء بدون مشاكل
ارجو الإفادة

[mshmshm3]

احتياطي غطي الحساسات و الدينمو

[ibrahimsaad]

انا لما كنت باعمل صيانه الالف غسلوا لى الموتور بالفوم وادونى باقى العبوه وقالوا مااغسلش الموتور بالميه ولكن استعمل الفوم

مش عارف هل لازم ميه بعد الفوم ولا ايه

[shiko8000]

شكرا ياجماعة على الاهتمام والرد

[فتح الباب]

فى العادى يمكن غسيل الموتور بالماء ......... كما افعل انا تماما من سنين للان
فجميع اجزاء السياره محكمه تماما بمعنى ان جميع فيش ووصلات الكهرباء بها جيوان محكم او استك فمعنى ان هذه الفيش يصلها مياه فأكيد يصلها عوامل الجو بأنواعه فبالتالى جنزرة وتاكل هذه الاجزاء فوضع فى الاعتبار هذه النقطه من قبل مصمم السياره .
عدا تسليط الكاتشر الى العازل الصوتى والحرارى الموجود بمؤخرة الحوض وان وجد فى غطاء الكابوت من الداخل...... عموما دى وجهة نظرى ولكم ما ترون. تحياتى

[شادى عبدالمنعم]

تجربتى مع غسيل عربيتى القديمه موديل 94 كان مفيهاش مشكله بس مع اتخاذ بعض الإحتياطات كتغطية موبينة الكهرباء والاسبراتير لكن بعد مامن الله على بالقشقاى من خمس شهور مغسلتش الموتور نهائى ومعرفش هل في غسيل الموتور بالمياه ضرر مع وجود حساسات وخﻻفه لكن اعتقادى ان المواتير الحديثه حساسه اكتر . موفق

[Hanytoto12]

في التوكيل بيغسلوا بمية

طب ماهم في التوكيل بيغسلوا بمية بعد الفوم إللي بيترش ده ولون أبيض كده زي الرغاوي بس كثيف ... يعني إيه بقي؟ غلط وللا مش غلط؟

[ibrahimsaad]

طب ماهم في التوكيل بيغسلوا بمية بعد الفوم إللي بيترش ده ولون أبيض كده زي الرغاوي بس كثيف ... يعني إيه بقي؟ غلط وللا مش غلط؟

هل انت رايتهم ؟

شفت بعينك وهم بيغسلوا بميه لو كده يبقى خلاص مفيش مشكله

[Hanytoto12]

شفت بعيني محدش قاللي

ايوة انا شفت بعيني...عشان الصيانة في السبع زهراء المعادي بنقعد في استراحة بانوراما وانت شايف تحتك الورشة والعربية بتاعتك وهما شغالين فيها..وبتشرب نيسكافيهك وبتتفرج عالدش وعايش تمام التمام

وفعلا بتتغسل بمية من خرطوم بمسدس كده وبعدين الفوم وبيكونوا فاتحين الكبوت وبعدين مية تاني وتخرج تتنشف.