هل لازم أسخن نيوصني 2014؟

[Hanytoto12]

أخوكم جديد في موضوعت السيارت وعاوز أعرف هل لازم لما أدور العربية قبل ما أتحرك أستني لحد ما عداد الحرارة يبدأ يرفع؟ وللا ممكن أدور علي طول وأطلع من غير ما أستني؟
وما تأثير موضوع التسخين ده أو عدمه في النيو صني 2014؟
شكرا يا أفاضل

[shiko85]

أخوكم جديد في موضوعت السيارت وعاوز أعرف هل لازم لما أدور العربية قبل ما أتحرك أستني لحد ما عداد الحرارة يبدأ يرفع؟ وللا ممكن أدور علي طول وأطلع من غير ما أستني؟
وما تأثير موضوع التسخين ده أو عدمه في النيو صني 2014؟
شكرا يا أفاضل :s_thum1[1]:

فيه جدال كبير فالموضوع ده
ناس قالت لازم تستنى و ناس قالت الأفضل تستنى و ناس قالت مش مهم و بدون فائده بس تمشى بسرعه قليله و ده للعربيات كلها مش الصنى
انا بدور العربيه و استنى شويه و بعد كده اتحرك

[ibrahimsaad]

الموضوع ده جديد قديم

ناس هتقول لك دور وامشى على طول وناس تقول لك استنى شويه

انا شخصيا لازم استنى شويه لغايه لما الار بى على الاقل يكون على 1

وبعدين دى مساله نسبيه يعنى فى الصيف مثلا لو العربيه سخنه ممكن تدور وتمشى على طول
لو بارده فى الصباح مثلا استنى دقيقه او دقيقتين

لو فى الشتاء يفضل ان تسخن العربيه 3 دقايق افضل
كل ده من اجل ان يقوم الزيت بوظائفه

وعلى العموم حضرتك تقدر تعرف الوقت اللازم وامتى تمشى

اول مابتدور العربيه بتلاقى صوت الموتور عالى وده لان الزيت لسه بارد ماخدش دورته بعد عده ثوانى بتلاقى بدا يهدى الصوت ويقل اكثر مع الوقت حتى يهدى تماما

انا شايف ان ده مؤشر ليك امتى تمشى

وعموما يفضل ان تكون السرعه بعد الانطلاق بطيئه ثم تزيد بعد ذلك كما شئت

[Mohamed_Ayman]

حاول تشوف المانيوال بتاع العربية فيه ايه،
المانيوال بتاع كيا ريو بيقول تسخين من 10 إلى 20 ثانية فقط وأكثر قليلا فى البرد

[mohamed_selim]

ادى العربيه كام ثانيه و بعدين اتحرك بس فى الكام دقيقه لحد ما العربيه تسخن و الار بي ام ينزل تمشى كانك بتلين يعنى ما تقرصش و تعلى الار بى ام ولا تشغل التكييف .... و ده لكل العربيات

[J A G U A R]

سيبها دقيقه ونصف ولا دقيقتين على الاقل ومتقرصش على العربيه لما تتحرك

[mahmoud_ali]

موضوع فيه جدال كبير خد الموضوع ده اقراه يمكن تستفيد

http://www.nilemotors.net/Nile/403730-a.html

[saddam]

صديقي المواطن
توصي الجمعيات اﻷمريكية وحتى المنطق السليم عند الرغبة بقيادة السيارأت فتح الكونتاكت لعربيات اﻹنجكشن لحوالي 5 ثواني ثم بعد التشغيل وقبل الحركة تتركها متوقفة 60 ثانية ثم تنطلق وإياك في الفترة دي ال 60 ثانية تدوس بنزين طالما مفيش هناك ظرف قاهر وده للعربيات الصح
بعد تقادم العربية 6 سنين فما فوق يفضل تركها دايرة دقيقتين إلى ثلاث أقصى تقدير ليستقر المحرك ودورة الوقود والسيور ثم إنطلق وصاحبتكم السلامة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[limo81]

توصي الجمعيات اﻷمريكية وحتى المنطق السليم عند الرغبة بقيادة السيارأت فتح الكونتاكت لعربيات اﻹنجكشن لحوالي 5 ثواني ثم بعد التشغيل

أحييك يا مهيب الركن
بالظبط كده أو ممكن اكتر شويه (20 ثانيه)
بالاضافه الى ذلك الانتظار حتى يقل عداد ال r.p.m عن 1000
"العمليه كلها مش هتاخد اكتر من 5 دقائق....خليك فى الأمان"

[ahmedbasto]

موضوع فتح الكونتاكت الأول قبل ما تدور دة علشان طلمبة البنزين تبدأ تضح بنزين للمسطرة وبالتالى الرشاشات علشان الموتور يكون جاهز انه يقوم بالأحتراق بعد الدوارة حضرتك اول ما تدور بتسمع صوت الموتور عالى بعد دقيقة او دقيقتين على حسب نوع الزيت وموتور العربية صوت الموتور بيهدى حضرتك تتحرك بس من غير قرص على العربية