استلام سوبر صالون 2014 واستفسار مهم عن العداد

[amirali]

الحمدلله تم استلام وترخيص صنى سوبرسالون 2014 لون نبيتى .. العربية تمام الحمدلله والعفشة

كويسة وصالونها واسع والفرامل برده كويسة الحمدلله ومافيش اصوات ولا حاجة والتكييف تم

تجربته تجربة سريعة كان تمام والبلوتوث والكاسيت وكله تمام الحمدلله .. الملاحظات ان الكلاكس

تقيل شوية محتاج ضغطة جامدة عشان يكلكس وفى المطبات العربية مريحة الحمدلله .. دلوقتى بس

عندى استفسار مهم من مالكى السوبر صالوت المفروض دلوقتى العداد الديجتال لما بيطلعلى عدد

الكيلوات اللى يمشينى البنزين الموجود حاليا بيها يظهرلى مش المفروض ان كل كيلو ينقص واحد؟

دلوقتى الرقم ده شوية يعلى وشوية ينزل يعنى يكتبلى ان ناقصلى 314 كيلوا وبعدها بشوية

يكتبلى 317 بعدها بشوية ينزل 297 كدة يعنى مش عارف ايه السبب وهل ده عيب فى العربية

ولا فى حاجة انا فاهمها غلط؟ ياريت حد يفيدنى

[shiko85]

الحمدلله تم استلام وترخيص صنى سوبرسالون 2014 لون نبيتى .. العربية تمام الحمدلله والعفشة
اولا الف مبروك على العربيه و ربنا يديلك خيرها و يكفيك شرها

المفروض دلوقتى العداد الديجتال لما بيطلعلى عدد الكيلوات اللى يمشينى البنزين الموجود حاليا بيها يظهرلى مش المفروض ان كل كيلو ينقص واحد؟
دلوقتى الرقم ده شوية يعلى وشوية ينزل يعنى يكتبلى ان ناقصلى 314 كيلوا وبعدها بشوية يكتبلى 317 بعدها بشوية ينزل 297 كدة يعنى مش عارف ايه السبب وهل ده عيب فى العربية
ولا فى حاجة انا فاهمها غلط؟ ياريت حد يفيدنى

عدد الكيلومترات المتبقيه بيزيد و يقل على حسب اخر استخدام ليك و بيتعدل كل شويه
بمعنى لو انت ماشى بسرعه 100 ك/س الكمبيوتر بيحسب معدل الأستهلاك للسرعه دى و بيقولك ان الباقى فالتانك كافى لكام كيلو متر و لما السرعه تتغير بيعيد الحسابات تانى و يطلع نتائج جديده

[amirali]

تمام ياباشا طمنتنى ربنا يطمنك

[amirali]

يا جماعة بالنسبة لتفعيل انذار القفل المركزى ان العربية تقفل لوحدها لما امشى وتفتح لوحدها لما تقف اعمله

ازاى انا نسيت

[amirali]

تفتح لوحدها اما ابطلها

[shiko85]

تمام ياباشا طمنتنى ربنا يطمنك

[amirali]

مكان فتح الشنطة فين يا جماعة من جوة

[Ah.Farid]

مكان فتح الشنطة فين يا جماعة من جوة

بالنسبة لفتح الشنطة من الداخل بجوار كرسى السائق فى اﻻرضية
بالنسبة لتشغيل قفل الباب اوتماتيكى فية زرار السنتر فى باب السائق اوﻻ تضع المفتاح فى الكونتكت وتدور المفتاح الى Acc يعنى نور التابلوة ينور وخﻻل 3 ثوانى تضغط على زرار السنتر اللى فى الباب ضغطة طويلة لمدة 5 ثوانى لغاية ما تسمع صفارة مرتين كدة انت برمجت القفل وتدوس على نفس الزرار دوسة طويلة بس فى الطرف الثانى لغاية لما تسمع جرس مرتين بردة وكدة تكون برمجت فتح السنتر وراجع كتيب المانوال مهم بردة

[iamin911]

لو باشا تقدر اقولي خطوات الايتلام عشان انا كمان هستلك الاسبوع القادم
1-نوع البطارية
2-نوع الكاوتش
3-اخدت ورق ايه من المعرض عشان تروح بيه للمرور
و رحت المرور في نفس اليوم ولا لاأ
4-المعرض لازم تاخد منه لوح تجارية
و الترخيص كلفك كام لمدة كام سنة
والف الف مبرك

[Mahmoud/Nabil]

الف مبروك و يارب يكفيك شرها

[J A G U A R]

ربنا يباركلك فيها ويحفظهالك

[ibrahimsaad]

الف مبروك استاذ امير وربنا يكفيك شرها يارب وماتنساش ابقى طلع عليها حاجه لله صدقه

بخصوص تفعيل غلق الابواب

حط المفتاح فى الكونتاكت ولفه خليه فى وضع الاون لما تظهر اللمبات واضغط على زر اللوك اللى قادام ناحيه باب السائق من جوه فى اتجاه اللوك او الغلق ضغطه طويله لغايه لما تنور العربيه مرتين وبكده انت فعلت الغلق الذاتى


نيجى بقى لتفعيل الفتح الذاتى لما تطلع المفتاح

هتكرر نفس العمليه بس لما تضغط على زر اللوك اضغط ناحيه الفتح فى الاتجاه الاخر ضغطه طويله لما تنور العربيه مرتين وكده تم التفعيل


والف مبروك عليك

[S O P H O S]

الف مبروووك يا باشا
ربنا يبارك