صنى جديدة 2014 الشكل الجديد ولا القديم احسن؟

[إبراهيم المصرى]

[justify]ارجو من خبراء القسم الافادة سريعاً هل الشكل الجديد افضل ام القديم علشان صديق عزيز عليا اوى راح يشترى نيسان صنى فوجد عندهم الشكل القديم موجود وبسعر كويس والتسليم فورى فى حين ان الشكل الجديد طبعاً هينتظر لحين ميعاد التسليم وفى حد هناك بيلمح ان الشكل القديم افضل ؟
فقولتله نعرض الموضوع فى نيل موتورز قسم النيسان هما احسن ناس تفيدنا فى الموضوع ده وشكراً[/justify][overline][/overline]

[eslamaboelkeir]

السلام عليكم

من خبرتى المتواضعه فى النيسان انك تشوف السوبر صالون افضل

[omaranes77]

المقارنة بتلخيص
الشكل القديم ....
صاج ناشف ..موتور 1600 بتكنولجيا قديمة ...ثبات ممتاز خاصة السوبر صالون
العيوب ..عدم وجود ايمبوليزر ..عدم وجود مخادع خلفية ...فقر بسيط في الكماليات

الشكل الجديد ..المميزات ..
موتور 1500 بتكنولجيا حديثة ...وجود ايمبوليزر ...تكييف تاتش صالون واسع واسع واسع
العيوب ..ثبات سيئ ...صاج خفيف ...وجود بعض المشاكل مثل تصفير التيل وغيرة
الكلام دة كلام ملاك العربيتين مش كلامي
..تحياتي

[elgdawy2007]

الشكل القديم ومش تحيز وده كمان من كلام مهندسين التوكيل نفسه اليى بتعامل معاهم بصفه دوريه

[J A G U A R]

الشكل القديم فلته من فلتات الزمن

[abofandy]

خليك فى الشكل القديم يا صديقى وبلاش الشكل الجديد
والحق الشكل القديم قبل ما يخلص لانه بيتخطف من السوق الايام دى

[ELKHOLY22]

متابع

[إبراهيم المصرى]

الف مليون شكر للرد السريع

[mahmoud_ali]

الشكل القديم

[dentist_ihab]

بص انا معايه الشكل القديم 2014
عربيه كويسه جدا الحمدلله
لكن عادية مافيش حاجه جديدة عن اللانسر 2006 اللي معاية
فانت هتشتري عربيه ب 110000 تقريبا بمواصفات سنة 2005-2006
بالنسبالي شخصيا الموضوع مش فارق معايا
الجديدة فيها تكنولوجيا وانا ركبتها و سقتها قريب محسيتش فيها اي عيب من اللي الناس بتقول عليه
من الآخر الاتنين كويسين حتى بعد كده كصيانة توكيل نيسان محترمين جدا جدا

[إبراهيم المصرى]

الف شكر على الردود السريعه جزاكم الله خيراً على الاهتمام والافادة

[mhkorayem]

من غير ما حد يزعل من ملاك النيو صني بس الراجل سأل وانا بقول له اللي اعرفه

يا باشا الشكل القديم احسن
وده من كلام ناس في المصنع نفسه

[wesam_salom]

الشكل القديم افضل على حسب اللى انا شايفه من معاناه اصحاب الشكل الجديد
بس لازم تاخد بالك من حاجه مهمه جدا
لازم اللى هيشترى العربيه يجرب يقعد فى الكنبه الخلفيه للعربيتين ويعرف الفرق
الشكل القديم ضيق جدا خاصه لو مع شخص طويل يبقى هيستغنى عن الكنبه اللى ورا

[S O P H O S]

بميل للشكل القديم

[إبراهيم المصرى]

الف مليون شكر للاعضاء المحترمين للافاده وتقريباً الاغلبية العظمى مجمعه على الشكل القديم وبفضل الله صديقى دفع عربون فى الشكل القديم والتسليم قريباً وفعلاً كما سمعت ان قسم النيسان من انشط وافضل الاقسام ولولا انى بحب الاوبل جداً كنت احب انضم ليكم