استفسار هام جدا ارجو الرد السريع

[samehauf111]

السلام عليكم ورحمة الله وبركاته
انا عضو جديد وياريت مااكونش تقيل على قلبكم هههههههه بس سبب انضمامى للمنتدى الرائع بتاعكم انى اشتريت سيارة نيسان صنى 2007 وكشفت عليها فى التوكيل اللى فى الدراسه والحمد لله طلعت سليمة واشتريتها امبارح الحمد لله

ياريت التركيز فى اللى جاى
رخصة السيارة باسم ورثة فلانة والورثة عاملين توكيل للى اشتريت منه ومعاه صورة من اعلام الوراثة وكله مذكور فى التوكيل واللى اشتريت منه عملى توكيل باسمى واتكتب فى ظهر التوكيل حوار اعلام الوراثة برقمه كمان
الملخص
رخصة وتوكيلين بما فيهم التوكيل بتاعى
لما اروح اسجل فى الشهر العقارى فى مشكلة فى اى حاجة بالنسبة للاوراق اللى معايا يعنى بالنسبة للورثة او اعلام الوراثة ممكن يطلبوا الاصل ولا لا؟ عشان الرخصة لسة فيها سنة ونص ومش عايز اسجل دلوقتى ارجو الرد ضرورى عشان لو فيها مشاكل يبقى الحق اسجل دلوقتى والراجل موجود بدل مااستنى بعد سنة والموضوع ينام
للتذكرة
انا معايا الرخصة والتوكيلين وصورة من اعلام الوراثة
وشكرا

[ibrahimsaad]

اعتقد انك ممكن تطلع اصل اعلام الوراثه من المحكمه لو حبيت

بس برضه نعرف راى باقى الاخوه

[samehauf111]

انا ممكن اطلعه بصفتى ايه انا خايف بس من حوارات الشهر العقارى بس عايزها تقف

[gadoo30]

وجهه نظرى الشخصية خليك فى الامان يا مان وانقل العربية باسمك
والله اعلم

[moe gawad]

انقل الملكيه باسمك دلوقتى. لايجوز توكيلين . يعنى ماينفعش توكيل من توكيل . هو صحيح بتمشى فى الشهر العقارى بالمراضيه . عملتها فى عربيتى بص الله اعلم فى السنه ونصف اللى جايه هايعملو ايه فى القوانين . ممكن ساعتها تدوخ.
اجرى دلوقتى على الشهر العقارى وسجل هناك

[moe gawad]

ولو احتجت اى حاجه او اية استفسار فى الميكانيكا والعفشه انا اقدر افيدك انشاء الله. كلمنى او ابعتلى على الواتس اب

[mohamed_selim]

بص يا بيه .... خد اللى معاه التوكيل من الورثه و اطلع على سوق السيارات الشهر العقارى اللى هناك و اعمل عقد بيع مسجل و هو كبايع لازم يكون موجود بس انت كمشترى متمضيش على العقد .... كده انت العربيه باسمك و تمشى بالعقد و الرخصه لحد قبل ما تخلص بشهرين تروح المرور تمضى على العقد قدام موظف المرور و تنقل ملكيه
بس طبعا هتدفع فى الشهر العقارى مصاريف التسجيل

[samehauf111]

طيب ولو هاانقل من مرور لمرور اروح قبل انتهاءها بشهرين اى مرور اللى العربيه عليه ولا المرور التابع لبطاقتى

[moumen_hs]

بص يا بيه .... خد اللى معاه التوكيل من الورثه و اطلع على سوق السيارات الشهر العقارى اللى هناك و اعمل عقد بيع مسجل و هو كبايع لازم يكون موجود بس انت كمشترى متمضيش على العقد .... كده انت العربيه باسمك و تمشى بالعقد و الرخصه لحد قبل ما تخلص بشهرين تروح المرور تمضى على العقد قدام موظف المرور و تنقل ملكيه
بس طبعا هتدفع فى الشهر العقارى مصاريف التسجيل

هو دة الكلام المظبوط تماما ومتنساش أوى تمضى فى الشهر العقارى فى المرور قبل نقل الملكية وأنتهاء الترخيص وأن كنت افضل تنقل ملكية طلما هتدفع رسوم التسجيل وبرضوا بتستفيد بالتامين المدفوع ورسوم الترخيص يعنى بتكمل عليهم بس وريح دماغك علشان مش عارفين بكرة فى اية وبعدين فى موضوع تانى كارت البنزين مش هتقدر تطلعة للعربية لو ماكنش طلع وبكة هيتعمم وتبقى فى حوسة فوازنها وربنا يوفقك

[moumen_hs]

طيب ولو هاانقل من مرور لمرور اروح قبل انتهاءها بشهرين اى مرور اللى العربيه عليه ولا المرور التابع لبطاقتى

المرور التابع للبطاقة طبعا وممكن ممكن يغلسوا معاك ويقلولك هات مطابقة بصمة بتكون من المرور القديم زى أيام الثورة

[samehauf111]

بصراحة ياجماعة انا مش عارف اشكركم ازاى على الاهتمام ده بجد شكرا على المعلومات الرائعة دى وسؤال اخير بقى فى حالة مطابقة البصمة من المرور بتاع الرخصة لازم تكون العربية معايا صح؟

[samehauf111]

شكرا ليك ياجميل وان شاء الله تكون معرفة خير

[samehauf111]

بص يا بيه .... خد اللى معاه التوكيل من الورثه و اطلع على سوق السيارات الشهر العقارى اللى هناك و اعمل عقد بيع مسجل و هو كبايع لازم يكون موجود بس انت كمشترى متمضيش على العقد .... كده انت العربيه باسمك و تمشى بالعقد و الرخصه لحد قبل ما تخلص بشهرين تروح المرور تمضى على العقد قدام موظف المرور و تنقل ملكيه
بس طبعا هتدفع فى الشهر العقارى مصاريف التسجيل

اللى معاه التوكيل من الورثة عملى توكيل ايضا يبقى متهيألى ممكن اسجل من غير وجوده