مشاكل الفرامل ظهرت بدرى بدرى!!

[amirali]

دلوقتى وانا ماشى بالعربية سمعت صوت هوا كان مع الفرامل والصوت مسموع لما بقفل

الازاز .. عديت على واحد معرفة اسأله قالى ده حاجة بتحك فى الطنابير! الصوت زى صوت هوا

كدة او حاجة بتحك مش عارف احدده بظبط .. العربية عاملة 600 وشوية ولسة بقول يا هادى!

حجزت فى يونايتد جروب بس الواحد متدايق ومكانش متخيل ان الموضوع هيبدأ بدرى كدة! حاجة

عكننة والله

[amirali]

بالمناسبة يا جمماعة اروح يونايتد جروب اللى فى الدراسة ولا مودرن موتورز احسن؟

[elmoski]

متروحش ولا تيجي الصوت ده طبيعي اهم حاجة مايكونش صفارة...لكن الصوت اللي زي الهوا ده هو صوت الاحتكاك بين التيل و الطنبور

[Msanad]

ما تقلقشى ممكن يكون شويه تراب بين التيل والطنابر - جرب اغسل العربية بمسدس ميه فى البنزينه وشوف الصوت هيروح ولا لا

[amirali]

لا ياباشا الصوت مش طبيعى ولا حاجة انا ماكنتش بسمعه والصوت ملحوظ جدا وباين

[exact]

ممكن بس خرطوم فاكيوم في السيرفو مش مظبوط

[ramymoharram]

متقلقش يا باشا مستحيل يكون مشكلة في التنابير......ممكن بس يكون زلطة مزنوقة بين التيل والطنابير أو التيل محتاج يتنضف

[saint2011]

حضرتك روح السبع بزهراء المعادى او أتو أيجيبت أبو رواش وبلاش مودرن خالص

[saint2011]

دلوقتى وانا ماشى بالعربية سمعت صوت هوا كان مع الفرامل والصوت مسموع لما بقفل

الازاز .. عديت على واحد معرفة اسأله قالى ده حاجة بتحك فى الطنابير! الصوت زى صوت هوا

كدة او حاجة بتحك مش عارف احدده بظبط .. العربية عاملة 600 وشوية ولسة بقول يا هادى!

حجزت فى يونايتد جروب بس الواحد متدايق ومكانش متخيل ان الموضوع هيبدأ بدرى كدة! حاجة

عكننة والله

لي عتاب على حضرتك من عنوان الموضوع مشاكل الفرامل ظهرت بدرى بدرى هو حضرتك متحفز للعربيه ومنتظر مشاكل فى الفرامل أنا أعرف ناس مشيت بالنيوصنى أكتر من 60000 كم ومعندهمش مشاكل فى الفرامل خالص غير تغيير التيل الأستهلاكى طبيعى وفيه ناس تانيه غيرت تيل وطنابير فى الضمان وبعدين حضرتك متسمعش كلام كل واحد يقولك النيوصنى فيها مشاكل بالفرامل عشان ذى ما حضرتك عارف كل واحد عنده مشكلة يجرى يكتب موضوع على صفحات المنتدى وعندى مشكلة يعنى لو معندوش مشكلة ما كانش كتب حاجة خالص فرفقا وتمتع بعربيتك الجديدة ونصيحة لحضرتك غير الكاوتش الماكسيس وركب حاجة محترمة

[amirali]

مش متحفز والله للعربية ولا حاجة انا من اكتر الناس اللى بتدافع عن العربية لو حضرتك متابع

[heeshooheeshoo]

حضرتك روح السبع بزهراء المعادى او أتو أيجيبت أبو رواش وبلاش مودرن خالص

صححححح
كلام من الآخر

[د.عماد صلاح]

ان شاء الله خير

[ibrahimsaad]

اعتقد ان مفيش مشكله وممكن يكون شويه تراب او رمل او اى حاجه بين الطنابير والتيل لان العربيه لسه بتلين واستحاله تكون حاجه فى الطنابير

[Dr M.Noaman]

طمنا إيه الأخبار معاك دلوقتي

[amirali]

صوت النحر راح كام يوم ورجع تانى عامة هشوف فى ايه فى صيانة الالف الحد الجاى