استفسار بخصوص تركيب كاسيت

[Clark_ElMaSrY]

السلام عليكم

الحمد لله اشتريت صني 2014 ex salon الشكل الجديد و استلمت وسعيد لانضمامي لاسرة نيسان

كنت عايز اغير الكاسيت و اشتري واحد تاني بايونيير او سوني

و السؤال هو هل دة بيأثر علي الضمان ؟ انا سمعت اقاويل ان دة يخرج كهربة العربية من الضمان

و هل ممكن مثلا اشتري الكاسيت و الضمان يركبوا ؟؟

العربية عاملة 500 كيلو لسة متعاملتش مع الضمان خالص

ناوي ان شاء الله اتابع مع السبع اللي في زهراء المعادي

في انتظار ردودكم ان شاء الله

[aymankfafy]

اشترى اللى انت عايزة بس لازم التوكيل هو اللى يركبة علشان الضمان واوعى تركبة برة الشركة

[ibrahimsaad]

الف مبروك واشترى براحتك وخده معاك التوكيل يركبوه لك علشان الضمان

[احمد كاكتوس]

ياريت يا جماعه حد يتأكد من موضوع انك تجيب براحتك والتوكيل يركبه لأن انا سألت ف مودرن موتورز قالولي لا ما بنركبش من بره حتي السبع قال نفس الكلام

[Msanad]

مفيش توكيل هيركب حاجه مش من عنده -
الموضوع وما فيه ان الكاسيت الجديد ميكونشى له توصيلات مختلفة ويحتاج تعديل فى ضفيرة الكهربا - لكن لو فيش الجديد زى القديم ويركب عادى بدون تعديلات فى الضفيرة يبقى التوكيل ميقدرشى يقول حاجه على الضمان وركبه بره عند واضح فاهم

[kliken]

التوكيل مش بيركب اى كاسيت انت تجيبهولهم
ﻻزم تشترى الكاسيت من عندهم من اﻵخر و ده كلام كل توكيﻻت نيسان
الحل اﻻخر انك تشترى الفيشه كونفرتر كده علشان ما تلعبش فى الضفيره و الفيش و هتركبه بره التوكيل و مش هيضر فى حاجهةفى الضمان
انا مركب كاسيت بنفس الموضوعة

[ramymoharram]

التوكيل مش هيركب حاجة ميعرفهاش ولازم الحاجة تكون شاريها من عنده علشان تكون مضمونة......اسمع كلامي الكاسيت بتاع العربية زي الفل وصوته رائع ومش محتاج اي اضافات غير اليو اس بي ودي امرها سهل اي جهاز علي الولاعة ب 25 جنيه ويخلص الموضوع.....بلاش تصرف فلوس ملهاش لازمة