مشاكل خطيره في النيو صني 2014

[memmed_esmat]

معايا نيوصني 2014 سوبر صالون وعندي فيها 4 مشاكل خانقينني
1- الموتور تقيل وصوته عالي على 2500 rpmولازم ادادي العربيه علشان تتكرم وتجري زي باقي العربيات
2- الفرامل طبعاااااااا فيها صوت حكه تقليديه اصيله كأن التيل اتاكل وحديد بياكل في حديد
3-مشوار بدال الفرامل بقى طويل ولازم اضغط على الدواسه جامد علشان العربيه تفرمل
مع العلم ان العربيه لسه مكملتش 5000 كيلو والحمد لله انا بسوق بقالي 15 سنه وعمري ماغيرت تيل عربيه الا بعد 70000 كيلو ده في اللانوس وبايع عربيتي الياريس على 120000كيلو من غير ماحتاج اغير التيل وده بشهادة توكيل تويوتا ,يعني انا استعمالي للفرامل مش عنيف علشان محدش يتوقع ان مشكلة الفرامل سوء استعمال

[medo-312]

روح التوكيل وكل شىء يتظبط ان شاء الله

[Mohamed_Ayman]

لا ياباشا أطلع على التوكيل على طول. وابقى طمنا.

[Moh. Elnagar]

عمري ماغيرت تيل عربيه الا بعد 70000 كيلو ده في اللانوس وبايع عربيتي الياريس على 120000كيلو من غير ماحتاج اغير التيل وده بشهادة توكيل تويوتا

قصدك سبعة آلاف و 12 ألف
ربنا يصلح الأحوال بس مش كل النيو صني كده

[ibrahimsaad]

هو المفروض فى الطبيعى التيل يتغير كل كام ؟

[ahmedfouad]

هو المفروض فى الطبيعى التيل يتغير كل كام ؟

التيل بيتغير بعد الكشف عليه
وبيبقى على حسب اسلوب السواقة .. زى استهلاك البنزين بالظبط فيه واحد بيقرص وواحد لا ..
التيل كدة فيه واحد بنزين وفرامل وواحد مش بيستعمل الفرامل الا عند الحاجة فقط فبتختلف طبعاً فى معدل الاستهلاك من واحد لواحد

[ahmedahz]

والله ياباشا أنا كمان لسه مستلم نيوصني سوبر صالون من أسبوعين تقريبا و عندى نفس المشاكل بالضبط زى مابتقول

الموتور صوته عالى و آداء العربيه وحش .. لازم تضغط بنزين جامد جدا علشان العربيه تحس وتجرى شويه

صوت حكه لكن بسيطه فى التيل الأمامى ,, نضفته بالهواء الصوت راح لمدة يوم واحد و رجع تانى

الفرامل واطيه جدا لدرجة إنى بقيت أخاف أجرى بالعربيه

العربيه بترزع فى المطبات بشكل عنييف مش عارف فى إيه

عموما أنا هروح الأسبوع الجاى التوكيل (أوتو إيجيبت أبورواش) وأشوف إيه الموضوع

[bayoumisoft]

انتم خوفتوا الواحد من العربية , العربية دى فى اختياراتي وشكلى ها ستبعدها من اختيارتي

[د.عماد صلاح]

اعتقد صوت الموتور هيتحسن بعد التليين وكذلك السحب ...لكن الفرامل مشكله مزمنه مازالت مستمره

[ELKHOLY22]

متابع

[ahmedahz]

والله ياباشا أنا كمان لسه مستلم نيوصني سوبر صالون من أسبوعين تقريبا و عندى نفس المشاكل بالضبط زى مابتقول

الموتور صوته عالى و آداء العربيه وحش .. لازم تضغط بنزين جامد جدا علشان العربيه تحس وتجرى شويه

صوت حكه لكن بسيطه فى التيل الأمامى ,, نضفته بالهواء الصوت راح لمدة يوم واحد و رجع تانى

الفرامل واطيه جدا لدرجة إنى بقيت أخاف أجرى بالعربيه

العربيه بترزع فى المطبات بشكل عنييف مش عارف فى إيه

عموما أنا هروح الأسبوع الجاى التوكيل (أوتو إيجيبت أبورواش) وأشوف إيه الموضوع

================================================== ====
إنشاء الله لما أرجع من التوكيل يوم السبت 12-04-2014 هكتب إللى حصل بالكامل و إذا كان فى تغيير حصل فى العربيه ولا لأ

[S O P H O S]

التوكيل علطول يا باشا

[RamiAbbas]

انا معايا العربية بقالها سنة و عامل 27 الف كيلو و مغير 3 تيل فرامل و رايح الأسبوع ده اغير الرابع و عندي نفس المشاكل بتاعت حضرتك بالظبط و رحت التوكيل 4 مرات لحد دلوقتي و كل مرة الرد بتاعهم ان التيل نوعه وحش و المرة دي هيتحسن معاك ! و ادفع ال 650 جنية و اخر مرة جبت تيل فرامل من بره بتاع تويوتا كورولا تمنه 150 جنية قعد 9 الاف كيلو ... ارحم من ابو 650 جنية و قعد 8 الاف بس
و التوكيل كل مرة بيتكلم على صوت تزييق الفرامل هيقولك اصل التيل مليان تراب !! و المفروض انك تصدق و تعمل مش واخد بالك
كل مرة اروح التوكيل بعيب معين العربية تطلع بنفس العيب اخر مرة رحت بلمبه محروقة طلعت العربية باللمبة محروقة بردو مع ان المفروض ان اول اختبار بيحصل في التوكيل على الأنوار و لا كأنهم بيعملوا حاجة في العربية اساسا
انا بافكر اغير الطنابير بحاجة نضيفة من بره التوكيل بس مش عارف تمنها كام للأسف لأن التوكيل هيقولي ان الطنابير خارج الضمان و اعتقد ان هي سبب عيوب الفرامل بس ده رأيي الشخصي مش حاجة مؤكدة