أفيدونى أفادكم الله

[مهندس محمد]

أفيدونى أفادكم الله

واحد امبارح حاول يسرق عربيتى

نيو صنى 2014

الحمد لله ربنا ستر وما عرفش يسرقها

بس الطبلة باظت

والمفتاح مش نافع يدخل فيها

يا ريت لو تكرمتم اللى عنده حل يقوله

لان التوكيل قاللى الحل نغير الكوالين والمفاتيح وده هايتكلف اكتر من 2000 جنيه على الاقل

تحياتى لحضراتكم وفى انتظار نصائحكم

[D.Ahmed Ismail]

لو طبلة الباب سليمة و اللي بايظ الكونتاكت
هاتشتري طبلة كونتاكت جديدة
و تاخد السنون يتاعت الطبلة القديمة و حد بيفهم يحطها في الجديدة
و ان شاء الله تشتغل
اللي بتقولة حصل معايا بالضبط

اتمني اكون افادتك

[ibrahimsaad]

انت تقصد الباب ولا الكونتاكت ؟

والحمد لله انها جت على كده

[مهندس محمد]

اللى حصل ان العربية ما اتفتحتش معاه الحمد لله
واللى باظ طبلة الباب بس اتفرتكت
يعنى الكونتاكت سليم والسنتر لوك برده سليم يعنى بفتح وبقفل بالمفتاح الريموت عادى
لكن لو حبيت افتح بالمفتاح العادى مش بيدخل لان الطبلة باظت

[mohamed_selim]

مش العربيه فيها ايموبيليزر؟

[cheetos_892005]

مش العربيه فيها ايموبيليزر؟

ايوه بس ايه العلاقه ؟؟؟ ده كان لسه بيفتح الباب لكن لو دورت مش هتدور

[Msanad]

الحمد لله انها جات على قد كده - لو الموضوع بسيط بلاش تعمله فى التوكيل - لكن التوكيل شغله نظيف عن بره

[S O P H O S]

الحمد الله انها جت علي قد كده

[a7medsh3rawi]

الحل انك تشتغل بالريموت وتنسى مشكلة فتح العربيه بالمفتاح
وممكن تشترى طبله اى عربيه استيراد او جديد تكون بتركب عندك
وهتشيل مفتاحين للعربيه واحد تفتح بيه الباب والتانى تدور بيه

[D.Ahmed Ismail]

برده اشتري طبله جديدة و خد السنون من القديمة
هايشتغل المفتاح القديم ان شاء الله

[مهندس محمد]

شكرا لجميع الاخوة الذين اهتموا بالموضوع
واحب اطمئن الجميع
الحمد لله وصلت لورشة مفاتيح ممتازة
كان عنده طقم كوالين نيسان
خدت منه طبلة الباب وظبطها على المفاتيح القديمة بتاعت العربية
ورجعت زى ما هى بالظبط
وخد منى 600 جنيه
هما كتير طبعا لكن التوكيل كان هاياخد مش اقل من 2500 جنيه
الحمد لله

[D.Ahmed Ismail]

الحمد لله
بس 600 اوفر قوي قوي
انا عملتها ب 150 و كانت طبلة الكونتكت كمان

[مهندس محمد]

الحمد لله
بس 600 اوفر قوي قوي
انا عملتها ب 150 و كانت طبلة الكونتكت كمان

عندنا فى بورسعيد قمة الاستغلال
الحمد لله