نيو صني

[sarah5]

مبدئيا أنصح حضرتك بالنيسان صني الشكل الجديد والسوبر صالون أفضل كمان ... أنا معايا العربية من شهرين ورائعة جدا بفضل الله وماتعبنيش غير حادثة حصلتلي امبارح بسبب واحد أكل مطب وعربيته قديمه ورغم كدا اتبهدلت برده بسبب عربيتي وماتوره باظ كمان وماكنش عارف يحركها حتى بعيد عن المطب الا سنة سنة ..


المهم بالنسبالي عربية واسعة جدا وشنطة واسعة , فيها أمان عالي فرامل كويسة جدا والإير باجز .. واستهلاكها ف البنزين كويس جدا .. العربية عالية عن المطبات جدا ما شاء الله .. حتى عالية عن بقية العربيات وغالبا الخبطات اللي ورا بتيجي ف الاكصدام مابتعرفشي توصل للشنطة قوي يعني والحمد لله ع كدا

الكاسيت بتاعها رائع وعزلها جميل .. مافيش عيوب حصلت معايا ف الفرامل وحتى سألت عن عيوب الفرامل القديمة قالوا ان الشركة كانت عايزة تستخدم حاجات يعاد تصنيعها صديقة للبيئة بس مانفعتش مع مصر بسبب ان رجلينا تقيلة ع الفرامل بسبب المطبات والزحمة .. المهم غيروها يعني ومابقاش فيها مشكلة الحمد لله

وحتى تكييفها رائع ومرايات ضم كهربا ..

خدمات ما بعد الصيانة كويسة جدا وليها كذا توكيل تعرفي تتابعي معاه بعد كدا ... العربية شيك جدا بصراحة

وبصراحة صاجها فعلا أخف شوية من قبل كدا بس دي مشكلة كل العربيات الجديدة وبما أني لفيت ع سمكرية عشان أشوف هعمل ايه ف تصليح العربية فوجئت بعربيات هنا هيونداي أكسينت جديدة برده متبهدلة فدا العادي ف كل الجديد يعني .. وهم مرحلين الماتور من قدام وعاملين وره حماية كدا عشان الشاسيه عشان تحمي شوية وبصراحة الحماية دي فادتني الحمد لله وبهدلت عربية الراجل اللي خبطني جدا

شوفي أي استفسار تاني وتحت أمرك

شكرا لاجابة حضرتك الوافية وحمد الله علي السلامة من الحادثة وربنا يحفظنا جميعا وفعلا استفدت كتير من كلام حضرتك وفعلا مهم اوي ان التوكيل يكون محترم لانها بتفرق كتير بس هل المميزات دي موجودة في السوبر صالون بس ولا ال ex كمان ولا الفروق بسيطة

نفس الحيره اللى مريت بيها لانى برده كنت حاجز الشكل القديم الاول بسبب ان صاجه امتن ولكن بعد مافكرت ولقيت ان مافيهاش الاوبشنز اللى فى الجديد وخاصه فرامل الاى بى اس صرفت نظر وجبت الجديد وعموما صلى استخاره قبل ماتجيبى اى حاجه

شكرا لحضرتك وفعلا الاستخارة مهمة جدا في الامور دي

[ibrahimsaad]

الفرق بين السوبر وال ex

هنا

http://www.nilemotors.net/Nile/317312-2013-super-saloon-vs-ex.html

[Dr M.Noaman]

شكرا لاجابة حضرتك الوافية وحمد الله علي السلامة من الحادثة وربنا يحفظنا جميعا وفعلا استفدت كتير من كلام حضرتك وفعلا مهم اوي ان التوكيل يكون محترم لانها بتفرق كتير بس هل المميزات دي موجودة في السوبر صالون بس ولا ال ex كمان ولا الفروق بسيطة

مبدئياً شركة نيسان محترمة فمن ناحية الأمان كل الفئات زي بعض فيهم الAbs والإير باجز ونفس الكفاءة لكن السوبر صالون مجهزة بحاجات أكتر والفرق حوالي 10 آلاف جنيه تقريبا .. حاجات زي ( السبويلر الخلفي - الجنوط - النواكل الداخلية - البلوتوث - التارة المالتي - عدادات رياضية - تكييف تاتش مش بكر ) .. والدكتور إبراهيم جابلك اللينك اللي فيه الصور بالاختلافات

ودا نقاش ع جروب أعضاء نيسان في الفيس بخصوص الفرق برده

https://www.facebook.com/groups/Nissan.Team.Egypt/permalink/647819448623729/?stream_ref=2

[Dr M.Noaman]

ايوه فعلا انا شفتها لما عربيتى اتخبطت لانى بصيت على العربيه ورا الاكصدام هما جزئين كده ورا واحد يمين وواحد شمال طالعين من الشاسيه ودول كان المفروض يصل بينهم عمود او وصله بالعرض كاكصدام حديد ولكن هم اكتفوا بدول بس

يا ريت فعلا والله بس أظن دا عشان ثبات العربية يعني وبصراحة وجودهم كان مفيد ليا جدااااا الحمد لله

[sarah5]

الفرق بين السوبر وال ex

هنا

http://www.nilemotors.net/Nile/31731...oon-vs-ex.html

شكرا جزيلا :)

[Dr M.Noaman]

شكرا لاجابة حضرتك الوافية وحمد الله علي السلامة من الحادثة وربنا يحفظنا جميعا

اللهم آميين آميين يا رب .. وربنا يسلم حضرتك من كل سوء .. معلشي ماكنتش مركز ... ربنا يحفظ حضرتك ع الطريق وخصوصا من خطأ الغير الحمد لله ع كل حال

[sarah5]

مبدئياً شركة نيسان محترمة فمن ناحية الأمان كل الفئات زي بعض فيهم الabs والإير باجز ونفس الكفاءة لكن السوبر صالون مجهزة بحاجات أكتر والفرق حوالي 10 آلاف جنيه تقريبا .. حاجات زي ( السبويلر الخلفي - الجنوط - النواكل الداخلية - البلوتوث - التارة المالتي - عدادات رياضية - تكييف تاتش مش بكر ) .. والدكتور إبراهيم جابلك اللينك اللي فيه الصور بالاختلافات

ودا نقاش ع جروب أعضاء نيسان في الفيس بخصوص الفرق برده

https://www.facebook.com/groups/nissan.team.egypt/permalink/647819448623729/?stream_ref=2

شكرا لاهتمامكم والله مش عارفة اشكركوا ازاي

[sarah5]

اللهم آميين آميين يا رب .. وربنا يسلم حضرتك من كل سوء .. معلشي ماكنتش مركز ... ربنا يحفظ حضرتك ع الطريق وخصوصا من خطأ الغير الحمد لله ع كل حال

اللهم امين يارب يحفظنا جميعا الحمدلله

[S O P H O S]

مازالت برتاح للقديمة
رغن ان الجديدة انعم كتير