كنت هعمل حادثة بالعربية و الAbs ملهاش اى لازمة :/

[AbdelRa0uf]

السلام عليكم...
كنت ماشى فى طريق فاضى و كان معايا 3 صحابى فى نيسان صنى 2010 سوبر صالون و فيها Abs طبعا . المهم الطريق كان فاضى فامشيت و جبت ال140 تقريبا و اتفاجئت بمطب قدامى . فدوست على الفرامل على اخرهاااا فالمفروض انها تكلبش فى الارض و تقف . لا دة انا لقيتها بتهدى السرعة بطريقة بطيئة جدااا و كنت داخل على المطب على 85 تقريبا بس الحمد لله نوع المطب اللى هوا مش بيحتاج تهدى اوى . المهم بعديها شميت ريحة شياط كبيرة اوى مشيت شوية و نزلت اشم الريحة ملقتش حاجة !!!!!!
محتاج منكو تفسيييييير علشان انا هتجنن و ناوى ابيعهاا !
شكرا

[hugan]

اظن ان ال absمش مسؤل عن ان العربيه تقف بسرعه
بالعكس بيعمل رد فعل عكسي
للفرامل علشان ماتقفش بسرعه
وتحد من انحرافها يمينا وييسارا

[mohamed_selim]

حسيت بالبدال بيتهز تحت رجلك و سمعت طقطقه كده؟ لو اه يبقى ال abs اشتغل
المفروض انه يسمحلك تغير اتجاهك يعنى تفادى حاجه واقفه قدامك فجأه من غير ما العربيه تعوم منك بس ملوش دعوه انك تقف بسرعه ولا لأ

[omaranes77]

موضوع ان abs يوقف العربية فدة غلط
abs مهمتة انك تفادي عربية لو هاتخبط فية وانت دايس عل الفرامل
لكن مهمة ان العربية تقف في مكانها دي مهمة ebd
ودية اعتقد موجودة في السوبر صالون
ودي بتكلبش العربية للا خر

[m.farouk]

كلام سليم وهو ده الطبيعى والشياط الى شمتة من تيل الفرامل بس التيل ده نوعيتة مش كويسة

[elpasha1]

انا كدة لتلخبط
انا فاكر ان abs هو اللي بيخلي العربيةةتكلبش في الارض

[J A G U A R]

abs ملهوش اى علاقه بقوه الفرامل

[AbdelRa0uf]

حسيت بالبدال بيتهز تحت رجلك و سمعت طقطقه كده؟ لو اه يبقى ال abs اشتغل
المفروض انه يسمحلك تغير اتجاهك يعنى تفادى حاجه واقفه قدامك فجأه من غير ما العربيه تعوم منك بس ملوش دعوه انك تقف بسرعه ولا لأ

لا محستش بيها انا كنت حاسس بى انى دايس على الاخر و كأن فى زبت على ديسك الفرامل و مش راضية تقف بسرعة

[AbdelRa0uf]

كلام سليم وهو ده الطبيعى والشياط الى شمتة من تيل الفرامل بس التيل ده نوعيتة مش كويسة

دة من التوكيل والله :( و لسا مغيرو من شهر كدة

[m.farouk]

انا معى الاوبل استرا الجديده التيل الاصلى بوظ الطنابير مع العلم انوا الاصلى وسعروا 950 جنية

[mohamed_selim]

حضرتك عندك مشكله فى منظومة الفرامل مش ال abs
ال abs هيشتغل لما العجل يكلبش فى الارض بس العربيه تزحف هتلاقي كان الفرامل بتقفش و تفك فبالتالى زحلقة العربيه بدل ما تقف فى مسافه طويله تقف مسافه قليله بس اللى بتقوله كان العجل موقفش اصلا

[ashouhdy]

لو البدال حجر يبقي الفرامل واخدة هوا
وال abs برضوا بيقلل من مسافة التوقف فقط لو الارض زلقة او فيها رمل عشان العربية متذحفش و ال ebd مش بيكلبش العربية دة بيوزع الفرامل علي الاربع عجلات عشان العربية متعومش لو نصها علي رمل والنص التاني علي اسفلت مثلا
اللي يزود قوة الفرامل نوعية كوتش كويسة وتيل محترم ويكون منظومة الفرامل مظبوطة من زيت وخلافة والاهم مفيهاش هوا

[al_manara]

ABS = Brake and Steering

[ashouhdy]

دة من التوكيل والله :( و لسا مغيرو من شهر كدة

يبقي مكنش طببع وفرملتك دي طبعتة اهم حاجة ميكونش البدال حججر

[دكتور خالد]

اعتقد ان ال abs مشتغلش اصلا لأن لما بيشتغل بتحس بهزة جامدة فى دواسة الفرامل مع صوت طقطقة جامد جدا فى العجل ... والله تعالى اعلى واعلم