عربيه نيسان

[rooka]

السلام عليكم
لو سمحتم كنت هشترى نيسان الجديده بس هل فيه عيوب للعربيه وعاوزه اعرف استهلاك البنزين
وكمان سعه التنك البنزن هل صغيره اوى ولا كويس وكمن قطع الغيار غاليه
وعاوزه كمان اعرف موديل 2015 هينزل امتى وميرسى لاى حد هيرد

[osamaos20022]

عن تجربه شوف عربيه تانية احسن
لأ أنصحك اطلاقا

[rooka]

عن تجربه شوف عربيه تانية احسن
لأ أنصحك اطلاقا

ميرسى لرد حضرتك بس ايه السبب لو سمحت فهمنى اكتر

[saint2011]

العربية معايا من أغسطس 2012 هى عربية ناعمة وواسعة وجميلة لكن يعيبها أن صاجها خفيف جدا وفيه مشكلة فى تيل الفرامل بس ده كان فى الدفعات الأولى لكن الأن أعتقد مفيش مشكلة فى الموديلات الجديدة تنك البنزين صغير نسبيا 41 لتر فقط وأستهلاكها للوقود محترم ولا يوجد سيارة فى السوق فى أمكانياتها وسعرها وأخيرا توكيل نيسان من التوكيلات المحترمة جدا فى مصر ودى حاجة نادرة الأن وربنا يوفقك فى أختيارك

[ramymoharram]

أنا العربية معايا من مايو 2013 وعامل بيها 21000 كيلو لغاية دلوقتي......والله رأيي الشخصي إنها عربية محترمة وبتستحمل ( أنا أصلي مبهدلها)......عيبها اللي أنا شايفه إن صاجها خفيف لكنها رائعة في استهلاك البنزين وموفرة جدا خصوصا بعد أول 5000 كيلو......عربية واسعة جدا صالون وشنطة ودي من مميزاتها الرائعة ( بتشيل فعلا كتير وقت الزنقة أفراد وشنط).......ظهرت عندي مشكلة تيل الفرامل لكن التوكيل تعهد بحلها علي حسابه وعلي حسب منا سامع ان المشكلة اتحلت في العربيات الجديدة.......توكل علي الله العربية رائعة بالنسبة للفلوس اللي هتدفع فيها ولازم تعرف إن كل عربية وليها عيب

[rooka]

ممكن اعرف يعنى ايه صجها خفيف اوى ده بياثر على الثبات العربيه على الطريق ولا العربيه ثابته

[rooka]

ممكن اعرف حكايه التنك صغير اوى وهل ده مشكله وخصوصا فى السفر لمسافات طويله ولا عادى

[adel_edrees]

ياراجل أتكل على الله و اشتريها دى عربية نقطة

[adel_edrees]

بس أشتريها بسرعة للأحسن حتخلص السحب عليها شديد و قد أعذر من أذعر أنا عارف أنى حتلعن بعدد نجوم السما لكنى متضايق ابن خالتى التانى لسه شارى ال ex أوتوماتيك ما هو أنا لى أبن خالتى شارى لسه ال سوبر صالون بالصراحة العربية الصنى دى عاملة زى النداهة بتنده أصحابها بالصراحة التابلوه بتاع ال ex حاجة تشرح القلب و ترد الروح كأنك سايق عربية و الا بلاش أيه التابلوه الفخم ده المفروض أن أول حاجة عينى حتقع عليها و أنا أول مرة بأسوق العربية هي التابلوه بصراحة فرق السما من العما التابلوه بتاع ال سوبر صالون أحسن ستين ألف مرة من التابلوه بتاع ال ex و أود أن أوجه رسالة لكل مشترى للصنى الجديدة فكر الأول و شوف البدائل اللى عندك و أن شاء الله حتلاقى ولو مالاقيتش أتوكل على الله و اشتريها

[ibrahimsaad]

بالصراحة العربية الصنى دى عاملة زى النداهة بتنده أصحابها

بصراحه من حقك تقول فى العربيه زى ماانت عايز هى فى النهايه عربيه بنركبها

لكن غير مقبول ان حضرتك تتكلم عن ملاكها او اصحابها بالطريقه دى وكانهم مثلا مجانين او معتوهين بيمشوا ورا النداهه

يااخى كل واحد حر يجيب اللى هو عايزه واللى شايفه هو مناسب ليه ايا كان الاختيار

[adel_edrees]

بصراحه من حقك تقول فى العربيه زى ماانت عايز هى فى النهايه عربيه بنركبها

لكن غير مقبول ان حضرتك تتكلم عن ملاكها او اصحابها بالطريقه دى وكانهم مثلا مجانين او معتوهين بيمشوا ورا النداهه

يااخى كل واحد حر يجيب اللى هو عايزه واللى شايفه هو مناسب ليه ايا كان الاختيار

يعنى هو اللى حضرتك فهمته من كلامى أن أصحابها مجانين يبقى لما بأقول لحضرتك أن ولاد خالتى اللى هم بالنسبة لى أخوات اكبر منى مجانين علشان أشتروها يبقى حضرتك ما فهمتش كلامى على الأطلاق أنا اللى أقصد أقوله بهزار طبعا أن العربية عامله سحر لأصحابها بتناديهم
و في النهاية الشراء قسمة ونصيب أنا بس اللى مستغرب له أنك بتشترى حاجة و أنت عارف أنها مش أفضل حاجة تقدر تشتريها بالفلوس اللى معاك نظرا لأنك بتبص على أمكانيات و على أسم و على وكيل لكن أستغرابى بيروح لما أتأكد أن الشراء قسمة ونصيب و أن الأنسان لا حيلة له في الرزق و بالتالى فشراء هذه السيارة أو ذالك أنت شايف أنك مخير فيه لكن أنت مش مخير ولا حاجة فالأنسان مخير فيما هو مسير أليه و على فكرة أنا اللى مجنون و أبن ستين مجنون انى أتكلمت عن العربية دى تانى لأنكوا في هذا القسم أغلبكوا مش كلكوا بتأخدوا الكلام بحساسية زيادة قوى قوى قوى و بتحملوا الكلام أكثر مما ينبغي و أنا أسف و لو حضرتك مش عايزنى أتكلم تانى أنا مستعد علشان ما أضايقش حد و على فكرة الدنيا مش مستاهلة كل ده لأن الموضوع بسيط و كان ممكن حضرتك تخده بروح الفكاهةو ماكانش يستاهل التعليق

[ibrahimsaad]

يعنى هو اللى حضرتك فهمته من كلامى أن أصحابها مجانين يبقى لما بأقول لحضرتك أن ولاد خالتى اللى هم بالنسبة لى أخوات اكبر منى مجانين علشان أشتروها يبقى حضرتك ما فهمتش كلامى على الأطلاق أنا اللى أقصد أقوله بهزار طبعا أن العربية عامله سحر لأصحابها بتناديهم
و في النهاية الشراء قسمة ونصيب أنا بس اللى مستغرب له أنك بتشترى حاجة و أنت عارف أنها مش أفضل حاجة تقدر تشتريها بالفلوس اللى معاك نظرا لأنك بتبص على أمكانيات و على أسم و على وكيل لكن أستغرابى بيروح لما أتأكد أن الشراء قسمة ونصيب و أن الأنسان لا حيلة له في الرزق و بالتالى فشراء هذه السيارة أو ذالك أنت شايف أنك مخير فيه لكن أنت مش مخير ولا حاجة فالأنسان مخير فيما هو مسير أليه و على فكرة أنا اللى مجنون و أبن ستين مجنون انى أتكلمت عن العربية دى تانى لأنكوا في هذا القسم أغلبكوا مش كلكوا بتأخدوا الكلام بحساسية زيادة قوى قوى قوى و بتحملوا الكلام أكثر مما ينبغي و أنا أسف و لو حضرتك مش عايزنى أتكلم تانى أنا مستعد علشان ما أضايقش حد و على فكرة الدنيا مش مستاهلة كل ده لأن الموضوع بسيط و كان ممكن حضرتك تخده بروح الفكاهةو ماكانش يستاهل التعليق

حصل خير يااخى وانا مش ضد ان تقول رايك ابدا اتكلم وقول براحتك

بس على فكره كمان هى العربيه مش وحشه للدرجه دى ومش عامله سحر ولا حاجه

صحيح فيه مشاكل نعم لكن مش عند الكل وانا شخصيا لو حصل عندى مشكله اول واحد هاانتقدها على طول

بس عايز اقول لك كمان ان قبل مانجيبها فكرنا فى بدايل كثير بنفس المستوى وبنفس السعر لم يتمكن ذلك

[adel_edrees]

حصل خير يااخى وانا مش ضد ان تقول رايك ابدا اتكلم وقول براحتك

بس على فكره كمان هى العربيه مش وحشه للدرجه دى ومش عامله سحر ولا حاجه

صحيح فيه مشاكل نعم لكن مش عند الكل وانا شخصيا لو حصل عندى مشكله اول واحد هاانتقدها على طول

بس عايز اقول لك كمان ان قبل مانجيبها فكرنا فى بدايل كثير بنفس المستوى وبنفس السعر لم يتمكن ذلك

عموما حصل خير زى ما أنت قلت و كلنا أخوة المهم أنك ما تفهمش كلامى بسوء نية لأن أننا لو قلت كلمة وحشة فى حق ملاك العربية أبقى كأنى بأقولها لنفسى وزى ما قولت لحضرتك ربنا لايأتى ألا بالخير

[HaNo_ELBeh]

لا انصح بالسياره بس لو حضرتك كعامل مادى يبقى ماباليد حيله
تحياتى