إعـــــــلان

Collapse

.

,
See more
See less

تجربة قاسية مع البطارية السائلة فى أوتو إيجيبت خذوا بالكوا من صيانة البطارية

Collapse
X
 
  • Filter
  • الوقت
  • Show
Clear All
new posts

  • تجربة قاسية مع البطارية السائلة فى أوتو إيجيبت خذوا بالكوا من صيانة البطارية

    [justify]عاوز اشرح اللى حصل معايا واعرف أيه حكمكم عليه
    العربية نيسان صنى الشكل القديم مانوال موديل 2012 وعامل جميع الصيانات فى مركز أوتو إيجيبت كل 5000 كم بانتظام .
    المهم ما حدث معى يوم الاثنين اللى فات كنت أنا وصديقى نزلنا نشترى غطاء للسيارة من وكالة البلح المهم وأنا بركن العربية لقيتها بطلت لوحدها استغربت قوى المهم قولت أدورها تانى لقيت لمب التابلوه منورة ضعيف وأول ما أدور التالبوة يطفى طبعا أنا فهمت على طول ان فيه مشكلة فى البطارية المهم لقيت بتاع الفرش بيقولى فيه حاجة قولتله أنا مش من هنا وعاوز كهربائى سيارات قالى مفيش مشكلى هتصلك بكهربائى حالا فعلا الكهربائى متأخرش المهم فتح الكابوت وبص على البطارية وقالى البطارية بايظة فأنا استغربت وقولتله طب أنت مكشفتش عليها قاللى مش محتاجة كشف البطارية منفخه بص فعلا البطارية منفخة من الجانبين المهم قولتلة والعمل قاللى هزود الماية وهتمشيك لغاية البيت الساعة كانت حوالى تسعة ونصف مساء المهم قولتله ماشى فتح الغطيان وكانت المفاجئة اولا الغطيان بالكامل سوداء يعنى البطارية من جوه كانت على وشك الانفجار . ثانيا مفيش ماية خالص فى البطارية نهائى .
    المهم قاللى لازم تغير البطارية روحت هنا وهناك كل المحلات اللى أنا عارفها قافلة المهم اتصلت بواحد صاحبى قاللى فى شركة اسمها الايمان فى الدقى فاتحة باستمرار . روحت المحل ده واشتريت بطارية سعودى جافة ودفعت 350 جنية بالقديمة وركبت واحده جديدة 45 امبير حسب القديمة قولت لصاحب المحل نخليها 55 امبير احسن قاللى مش مهم المهم أنا احترمت التوكيل اللى هوه اهمل فى صيانة البطارية وركبت ذى امبير القديمة .
    معلش أنا طولت بس عاوز اعرف رأى اهل الخبرة فى هذا الموضوع بجد علشان أنا متغاظ قوووى .
    المهم اتصلت يوم الثلاثاء بمودرن موتورز واشتكى أوتو ايجبت لانهم معملوش صيانة للبطارية بصفة مستمرة وجفاف المياه فيها لاننى كنت عامل صيانة 25000 من حوالى شهرين . وقلتلهم علشان يبلغوا أوتو إيجيبت بالموضوع علشان ميحصلش مع حد تانى .
    لكن لقيت الرد من المهندسة اللى كلمتنى بعد الشكوى حسب كلامها :
    المهندسة : حضرتك لما العربية عطلت روحت التوكيل ( أوتو إيجيبت ) عملوا أيه فى العربية .
    أنا : العربية اول ما عطلت أنا مفكرتش غير فى حل المشكلة لانى كنت فى الشارع .
    المهندسة : علشان نحكم على الموضوع لازم كنت تروح التوكيل الاول .
    أنا : يعنى لازم كنت ازق العربية لغاية التوكيل يعنى .
    المهندسة : لا ممكن تقطرها لهناك .
    أنا : يعنى كده فيه يوم عطله تانى .
    المهندسة : بس أنت كده ضيعت حقك بعدم الكشف على البطارية القديمة .
    أنا : ضيعت حقى ليه المفروض ان كل صيانة يتم عمل لها تقرير .
    المهندسة : مودرن موتورز متقدرش تعمل لحضرتك حاجة فى الموضوع ده .
    أنا : شكرنا لذوق حضرتك . سلام .
    وأنا هفرقع من الرد أنا كنت عاوز التوكيل ياخد باله من عربيات الناس بس لاننى بكل بساطة حسبت حسبة التوكيل وهى :
    اكتر من سنتين يعنى ضمان البطارية بقى حوالى 30% .
    يعنى بطارية سائلة كلورايد كانت مثلا 360 جنية بعد اكتر من سنتين هيحسبها 100 جنية .
    فقولت ابيعها قديمة احسن واخلص نفسى .
    بس أنا عاوز افهم حاجة :
    تصرف التوكيل كده صح ولا غلط مش فاهم ومش عاوز اتكلم فى حاجة مليش الحق فيها .

    اسف مره ثانية للاطاله . وشكرا للجميع .[/justify]
    [CENTER][/CENTER][img2]http://i65.servimg.com/u/f65/14/85/64/38/54a23111.gif[/img2]

  • #2
    انت راجل محترم بس للاسف احنا فى مصر بلد الفهلوة و الصوت العالى
    amr_9x سابقا

    Comment


    • #3
      التوكيل على خطأ
      بس انت عليك خطأ كبير واهمال
      ما حك جلدك مثل ظفرك
      حاجه زى الزيت - مياه التبريد - مياه البطارية
      لازم صاحب العربية يتابعها وياخد باله منها
      ولا يعتمد على ميكانيكى او كهربائى او حتى توكيل
      [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

      [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

      Comment


      • #4
        المشاركة الأصلية كتبت بواسطة amr hussain مشاهدة المشاركة
        انت راجل محترم بس للاسف احنا فى مصر بلد الفهلوة و الصوت العالى
        شكرا لذوق حضرتك والمتابعة
        [CENTER][/CENTER][img2]http://i65.servimg.com/u/f65/14/85/64/38/54a23111.gif[/img2]

        Comment


        • #5
          المشاركة الأصلية كتبت بواسطة elawany13 مشاهدة المشاركة
          التوكيل على خطأ
          بس انت عليك خطأ كبير واهمال
          ما حك جلدك مثل ظفرك
          حاجه زى الزيت - مياه التبريد - مياه البطارية
          لازم صاحب العربية يتابعها وياخد باله منها
          ولا يعتمد على ميكانيكى او كهربائى او حتى توكيل
          شكرا للرد والاهتمام
          انا فعلا عليا تقصير بس انا كل ما اسأل المهندس بيقول كل السوائل اتذوت
          بس فعلا انا لم الاحظ تذويد البطارية الا مرة واحدة فقط
          لازم نتعلم وناخذ بالنا بجد من كل حاجة ونراجع على شكل التوكيل
          [CENTER][/CENTER][img2]http://i65.servimg.com/u/f65/14/85/64/38/54a23111.gif[/img2]

          Comment


          • #6
            انت فعلا غلي حق
            بس فيه نقطنين
            1 انك كنت لازم تعرف ان مياه البطاريه اتكشف عليها ولا لا
            حسب تقرير الصيانه

            2 تتصل بنيسان علطول مودرن مالها بالموضوع
            مودرن موتورز وكيل زيه زي اوتو ايجبت

            Comment


            • #7
              حصل خير الحمد لله
              كان المفروض حضرتك ما تبيعشى البطارية القديمة مش علشان التوكيل يستبدلها - لا علشان تقدمها كدليل للاهمال بتاعهم ولما يحصل مع حضرتك حاجة زى دى لازم تقدم شكوى فى نيسان مصر وفى حماية المستهلك وانا اضمنلك انك هتاخد حقك كما ينبغى

              Comment


              • #8
                المشاركة الأصلية كتبت بواسطة insurancebroke مشاهدة المشاركة
                انت فعلا غلي حق
                بس فيه نقطنين
                1 انك كنت لازم تعرف ان مياه البطاريه اتكشف عليها ولا لا
                حسب تقرير الصيانه

                2 تتصل بنيسان علطول مودرن مالها بالموضوع
                مودرن موتورز وكيل زيه زي اوتو ايجبت
                المياه فى البطارية لم يكشف عليها الا مره واحده وعلا كلام حضرتك مظبوط انا هتصل بنيسان
                وشكرا لسرعة الرد
                [CENTER][/CENTER][img2]http://i65.servimg.com/u/f65/14/85/64/38/54a23111.gif[/img2]

                Comment


                • #9
                  المشاركة الأصلية كتبت بواسطة msanad مشاهدة المشاركة
                  حصل خير الحمد لله
                  كان المفروض حضرتك ما تبيعشى البطارية القديمة مش علشان التوكيل يستبدلها - لا علشان تقدمها كدليل للاهمال بتاعهم ولما يحصل مع حضرتك حاجة زى دى لازم تقدم شكوى فى نيسان مصر وفى حماية المستهلك وانا اضمنلك انك هتاخد حقك كما ينبغى
                  شكرا لتوضيح حضرتك فعلا الكل اجمع على الاتصان بنيسان وانا بعتها علشان اولا مش هخلص مع التوكيل بس ذى ما حضرتك قولت اثبت ان فيه اهمال وان شاء الله هروح صيانة 30 وهتكلم من المسئولين هناك وانا مش عاوز حاجة بس هوضح لهم مدى التقصير والاهمال بس
                  وشكرا للرد مع وافر تحياتى
                  [CENTER][/CENTER][img2]http://i65.servimg.com/u/f65/14/85/64/38/54a23111.gif[/img2]

                  Comment

                  Working...
                  X