صنى المفترى عليها

[medo-312]

والله ياجماعة بقالى اكتر من شهر دماغى رايحة جاية .. عايز اجيب عربية فى حدود ال 190000 وكنت ناوى على السيراتو ال SX وقلت ابيع الصنى واكمل باقى الفلوس واخلص .. النهارده وقفت قدام عربيتى وحاسس انها بتلومنى وكأنها بتقوللى هو انا قليت اصلى معاك مانا مستحملاك ومقضيالك مشاويرك وسفرك وعمرى ماخذلتك .. ودى حقيقة وللأمانة ماشفتش منها ألا كل خير من يوم ماجبتها السنة اللى فاتت

قلت لنفسى هى شوارعنا دى يترمى فيها عربية ب 200000 الف جنيه ؟؟ هى الظروف الامنية اللى فى بلدنا تخلينى اغامر ب عربية ب 200000 الف جنيه !! هو علشان اتمنظر بعربية براند او فئة اعلى ارمى عربية ماشفتش منها مشكلة نهائى !!! هما القرشين اللى معايا مش احسن اسيبهم للزمن فى ظل ظروف البلد دى !! .. وأخيرا اخدت قرارى انى احتفظ بعربيتى الأصيلة وربنا يديمها نعمة يارب ومعاكم وعلى قلبكم ياصقور نيسان وربنا مايحرمنا منكم ولايحرمكم من العبد لله

[Ahmed.Essam]

والله اليومين دول الواحد بقا فعلا يخاف يشتري عربية غالية لو مش عشان السرقة هيبقى عشان الظروف الغير مستقرة والفلوس اللي ممكن فجأة نحتاجها في اي ازمة لا قدر الله
ربنا يباركلك في عربيتك ويحفظهالك

[abohend]

عين العقل

عين العقل
متدفعش مبلغ زي ده فعربية بدل مرتاح مع عربيتك

أنا عن نفسي هدفع 200 الف في عربية لو معايا زيهم للزمن و قدهم مرتين اكبر الشقة
يعني اطلع 25% بس من مدخاراتي عشان اجدد العربية
كل ده طبعا بدل عربيتك مريحاك
لكن لو طرأ جديد على حياتك استلزم التغيير يبقى ماشي (ترقية-زيادة عدد اﻷسرة-...)

[medo-312]

والله اليومين دول الواحد بقا فعلا يخاف يشتري عربية غالية لو مش عشان السرقة هيبقى عشان الظروف الغير مستقرة والفلوس اللي ممكن فجأة نحتاجها في اي ازمة لا قدر الله
ربنا يباركلك في عربيتك ويحفظهالك

عين العقل
متدفعش مبلغ زي ده فعربية بدل مرتاح مع عربيتك

أنا عن نفسي هدفع 200 الف في عربية لو معايا زيهم للزمن و قدهم مرتين اكبر الشقة
يعني اطلع 25% بس من مدخاراتي عشان اجدد العربية
كل ده طبعا بدل عربيتك مريحاك
لكن لو طرأ جديد على حياتك استلزم التغيير يبقى ماشي (ترقية-زيادة عدد اﻷسرة-...)

الحمد لله لقيت حد يطمنى ان قرارى صح .. بس لو الظروف بقت احسن مافيش مانع نجدد برضه .. ربنا يبارك فيكوا

[Amr_tika88]

عين العقل

[2CODE]

كلامك سليم طالما العربية مكفياك وشغاله معاك تمام اغير ليه ؟؟؟؟

السيراتو الجديدة جميلة مفيش كلام ونقلة للامام لكيا عربية غريبة عن كيا تماماً

لكن العقل يتحدث !!!!! ليه اغير ما انا عربيتي مكفياني وزي الفل

أنا اتفق مع الاعضاء في ان لو زاد مرتبك او تحسن مستواك المعيشي اكتر يبقى تغير عربيتك ده حقك وده هيكون هدية من نفسك لنفسك على مجهودك اللي بذلته حتى الوصول لهذه الترقية او لزيادة المرتب ... الخ

[ibrahimsaad]

خير مافعلت وتبقى غلطان لو كنت بعتها طالما مافيهاش مشاكل

[monamize4]

بحييك على تفكيرك الحكيم

[memo823000]

اكيد قرار سليم وابتدى فكر تبيع من اول ال 80000 كم مش ال 20000

[غزلة]

عين العقل شيل فلوسك للزمن مش عارفين البلد ريحة على فين- اول حاجة اليوم معركة بين انصار السيسي و حمدين في المحلة ربنا يستر عليكي يا مصر

[Moratoz]

العربية استعمال واحتياج وما دام كافيه احتياجاتك في الوقت الحالي بعيدا عن المنظرة يبقي خلاص وبعدين انتا لسه مختش خير عربيتك علشان تغيرها

[Bently]

عين العقل....ربنا يباركلك فيها

[edodahab]

تفكير حكيم و محترم
بصراحة لا شوارعنا و طريقة السواقة عندنا و لا الحالة اﻷمنية تستاهل انك تجيب عربية غاليا يا راجل دى العربيات بتتخبط و هى راكنه
اللى يعمل كده يبقى عنده اللى يخليه ميتحسرش لو اتخبطت او جرالها حاجه
متحطتش كل البيض فى سله واحده و سيب الفلوس للزمن و المستقبل الغامض
و انا رأيي انك متفكرش تغير العربية الا لما تكون مشاكلها خانقاك او اتبهدلت من كتر الاستخدام او اتنقلت نقله مادية كبيرة غير كده متبيعش
و زى ما مفيش مقارنة بين الصنى و السيراتو برده فى عربيات اعلى من السيراتو بمراحل و لو فتحت الباب ده مش هتخلص

[medo-312]

تفكير حكيم و محترم
بصراحة لا شوارعنا و طريقة السواقة عندنا و لا الحالة اﻷمنية تستاهل انك تجيب عربية غاليا يا راجل دى العربيات بتتخبط و هى راكنه
اللى يعمل كده يبقى عنده اللى يخليه ميتحسرش لو اتخبطت او جرالها حاجه
متحطتش كل البيض فى سله واحده و سيب الفلوس للزمن و المستقبل الغامض
و انا رأيي انك متفكرش تغير العربية الا لما تكون مشاكلها خانقاك او اتبهدلت من كتر الاستخدام او اتنقلت نقله مادية كبيرة غير كده متبيعش
و زى ما مفيش مقارنة بين الصنى و السيراتو برده فى عربيات اعلى من السيراتو بمراحل و لو فتحت الباب ده مش هتخلص

تصدق انا من شهر 9 ماكملتش 2500 كيلو والحمد لله العربية كأنها زيرو ماعدا شوية خدوش بسيطة

[edodahab]

ياه دنتا كده مبتمشيش
امال عايز تجيب عربية جديده ليه ههههه